តើអ្នកមានទម្លាប់ដាក់របស់របរគ្រប់យ៉ាងក្នុងទូទឹកកកដើម្បីរក្សាទុកបានយូរដែរទេ? អ្នកប្រហែលជាគិតថា ទូទឹកកកអាចជួយឱ្យអាហារទាំងអស់ស្រស់ និងមានសុវត្ថិភាព។ ប៉ុន្តែការពិតគឺថា របស់របរមួយចំនួនដូចជា ទឹកឃ្មុំ, ស៊ុត, ចេក និងខ្ទឹមបារាំង…
តើអ្នកមានទម្លាប់ដាក់របស់របរគ្រប់យ៉ាងក្នុងទូទឹកកកដើម្បីរក្សាទុកបានយូរដែរទេ? អ្នកប្រហែលជាគិតថា ទូទឹកកកអាចជួយឱ្យអាហារទាំងអស់ស្រស់ និងមានសុវត្ថិភាព។ ប៉ុន្តែការពិតគឺថា របស់របរមួយចំនួនដូចជា ទឹកឃ្មុំ, ស៊ុត, ចេក និងខ្ទឹមបារាំង មិនគួរដាក់ក្នុងទូទឹកកកយូរនោះទេ ព្រោះវាអាចបង្កគ្រោះថ្នាក់ដល់រាងកាយ។
១. ទឹកឃ្មុំ
ការដាក់ទឹកឃ្មុំក្នុងទូទឹកកកអាចបណ្តាលឱ្យវារឹង និងប្រែជាគ្រាប់ៗ ដែលធ្វើឱ្យពិបាកប្រើប្រាស់។ ទោះបីជាវាមិនប៉ះពាល់ដល់សុខភាពភ្លាមៗក៏ដោយ ភាពត្រជាក់អាចកាត់បន្ថយសារធាតុចិញ្ចឹម និងអង់ស៊ីមសំខាន់ៗដែលមាននៅក្នុងទឹកឃ្មុំ។ យកល្អគួរទុកទឹកឃ្មុំនៅសីតុណ្ហភាពបន្ទប់ធម្មតា។
២. ស៊ុត
ស៊ុតភាគច្រើនមានសារធាតុរំលាយអង់ស៊ីម (anti-microbial) នៅក្នុងសំបករបស់វា ដែលជួយការពារការលូតលាស់បាក់តេរី។ ការលាងស៊ុតមុនដាក់ទូទឹកកកអាចកម្ចាត់ស្រទាប់ការពារនេះបាន។ ប្រសិនបើស៊ុតត្រូវបានទុកក្នុងទូទឹកកកយូរ វាអាចប្រឈមនឹងការកក បណ្ដាលឱ្យប្រេះសំបក ហើយបាក់តេរីអាចជ្រាបចូលទៅក្នុងស៊ុតបាន។
៣. ចេក
ការដាក់ចេកក្នុងទូទឹកកកនឹងធ្វើឱ្យសំបករបស់វាជាំ និងរលួយយ៉ាងលឿន។ សីតុណ្ហភាពត្រជាក់អាចរារាំងដំណើរការទុំធម្មជាតិរបស់ចេក និងអាចបំផ្លាញសារធាតុចិញ្ចឹមមួយចំនួនបាន។ លើសពីនេះ ភាពត្រជាក់អាចបំផ្លាញកោសិកាចេក ធ្វើឱ្យវារលួយលឿន។
៤. ខ្ទឹមបារាំង
ការដាក់ខ្ទឹមបារាំងក្នុងទូទឹកកកអាចធ្វើឱ្យវារលួយ និងដុះផ្សិតបានយ៉ាងលឿនដោយសារតែសំណើម។ ម្យ៉ាងទៀត វាក៏អាចធ្វើឱ្យខ្ទឹមបារាំងបាត់បង់រសជាតិ និងក្លិនដើមរបស់វា ហើយក្លិនរបស់វាក៏អាចជ្រាបចូលទៅក្នុងអាហារផ្សេងៗទៀតបានផងដែរ។
ដើម្បីសុវត្ថិភាព និងរក្សាគុណភាពអាហារទាំងនេះឱ្យនៅល្អបំផុត សូមរក្សាទុកវានៅសីតុណ្ហភាពបន្ទប់ធម្មតាវិញ។ តើអ្នកមានអាហារអ្វីផ្សេងទៀតដែលអ្នកចូលចិត្តទុកក្នុងទូទឹកកកដែរទេ?
ចែករំលែកព័តមាននេះ