ប្រទេសចិន-ហ្វ៊ីលីពីន ៖ តាមទីភ្នាក់ងារព័ត៌មានចិនស៊ីនហួថា កងឆ្មាំឆ្នេរសមុទ្រចិនថ្លែងថា នាវាផ្លូវការមួយរបស់ហ្វ៊ីលីពីន បានបើកបុកដោយចេតនានាវាមួយគ្រឿងរបស់ខ្លួន ក្នុងដែនទឹកចិននៃសមុទ្រចិនខាងត្បូង ជិតកោះHUANGYAN DAO កាលពីព្រឹកថ្ងៃទី១៦កញ្ញា។…
ប្រទេសចិន-ហ្វ៊ីលីពីន ៖ តាមទីភ្នាក់ងារព័ត៌មានចិនស៊ីនហួថា កងឆ្មាំឆ្នេរសមុទ្រចិនថ្លែងថា នាវាផ្លូវការមួយរបស់ហ្វ៊ីលីពីន បានបើកបុកដោយចេតនានាវាមួយគ្រឿងរបស់ខ្លួន ក្នុងដែនទឹកចិននៃសមុទ្រចិនខាងត្បូង ជិតកោះHUANGYAN DAO កាលពីព្រឹកថ្ងៃទី១៦កញ្ញា។
លោកហ្គានយូអ្នកនាំពាក្យកងឆ្មាំឆ្នេរសមុទ្រចិនគូសបញ្ជាក់ថា នាវាផ្លូវការរបស់ហ្វ៊ីលីពីនជាង១០គ្រឿង នាថ្ងៃទី១៦កញ្ញាបានបើកចូលដោយខុសច្បាប់ក្នុងដែនទឹកចិនជិតកោះHUANGYAN DAO។ ពេលនោះកងឆ្មាំឆ្នេរសមុទ្ររបស់យើង បានចាត់វិធានការត្រួតត្រាយោងតាមច្បាប់ពិសេសបាញ់ព្រមាន ត្រួតត្រាផ្លូវធ្វើនាវាចរណ៍និងប្រើកាណុងបាញ់ទឹកប្រឆាំងបណ្ដានាវាហ្វ៊ីលីពីន។
ក៏ប៉ុន្តែនាវេលាម៉ោង១០ព្រឹក នាវា១គ្រឿងក្នុងចំណោមនាវាហ្វ៊ីលីពីនទាំងនោះ ដែលមានលេខ៣០១៤ បានធ្វើមិនដឹងមិនឮចំពោះការព្រមានច្រើនលើករបស់ភាគីចិន ហើយមកបុកដោយចេតនានាវា១គ្រឿងរបស់កងឆ្មាំឆ្នេរសមុទ្រចិនដែលជាអំពើគ្មានវិជ្ជាជីវៈនិងគ្រោះថ្នាក់។
អ្នកនាំពាក្យរូបនេះគូសបញ្ជាក់ទៀតថា នោះជាការរំលោភបំពានដោយចេតនា និងជាអំពើបង្កហេតុរបស់ភាគីហ្វ៊ីលីពីន ហើយភាគីហ្វ៊ីលីពីនត្រូវតែជាអ្នកទទួលខុសត្រូវទាំងស្រុងចំពោះការបុកនោះ។ ចំណែកហ្វ៊ីលីពីនវិញបានចោទប្រកាន់នាវានៃកងឆ្មាំឆ្នេរសមុទ្រចិនថាបុកនាវារបស់ខ្លួន ទេ៕
ចែករំលែកព័តមាននេះ