សណ្តែកដីត្រូវបានគេស្គាល់ថាជាអាហារសម្រន់ដ៏ឈ្ងុយឆ្ងាញ់ និងមានប្រយោជន៍ចំពោះសុខភាព។ ប៉ុន្តែទោះបីជាសណ្តែកដីសម្បូរដោយប្រូតេអ៊ីន និងជាតិខ្លាញ់ល្អក៏ដោយ ក៏វាមិនមែនជាអាហារដែលល្អសម្រាប់មនុស្សគ្រប់គ្នាដែរ។ ការបរិភោគមិនបានត្រឹមត្រូវអាចបង្កហានិភ័យដល់សុខភាពយ៉ាងធ្ងន់ធ្ងរ។ ខាងក្រោមនេះជាក្រុមមនុស្សដែលគួរប្រយ័ត្ន ឬចៀសវាងការញ៉ាំសណ្តែកដី៖ ១. អ្នកជំងឺទឹកនោមផ្អែម…
សណ្តែកដីត្រូវបានគេស្គាល់ថាជាអាហារសម្រន់ដ៏ឈ្ងុយឆ្ងាញ់ និងមានប្រយោជន៍ចំពោះសុខភាព។ ប៉ុន្តែទោះបីជាសណ្តែកដីសម្បូរដោយប្រូតេអ៊ីន និងជាតិខ្លាញ់ល្អក៏ដោយ ក៏វាមិនមែនជាអាហារដែលល្អសម្រាប់មនុស្សគ្រប់គ្នាដែរ។ ការបរិភោគមិនបានត្រឹមត្រូវអាចបង្កហានិភ័យដល់សុខភាពយ៉ាងធ្ងន់ធ្ងរ។
ខាងក្រោមនេះជាក្រុមមនុស្សដែលគួរប្រយ័ត្ន ឬចៀសវាងការញ៉ាំសណ្តែកដី៖
១. អ្នកជំងឺទឹកនោមផ្អែម
ទោះបីជាសណ្តែកដីមានប្រយោជន៍ក៏ដោយ កាឡូរីក្នុងសណ្តែកដីមានច្រើនណាស់។ គ្រាន់តែសណ្តែកដីប្រហែល ១៨ គ្រាប់ មានកាឡូរីដល់ទៅ ៩០ កាឡូរីឯណោះ។ សម្រាប់អ្នកជំងឺទឹកនោមផ្អែម ការបរិភោគច្រើនពេកនឹងនាំឲ្យលើសកាឡូរីប្រចាំថ្ងៃ ដែលអាចប៉ះពាល់ដល់ការគ្រប់គ្រងជាតិស្ករ។
២. អ្នកជំងឺក្រពះពោះវៀន
សណ្តែកដីមានប្រូតេអ៊ីនខ្ពស់ ដែលធ្វើឲ្យក្រពះ និងពោះវៀនត្រូវធ្វើការធ្ងន់ជាងមុនដើម្បីរំលាយ។ ការញ៉ាំច្រើនពេកអាចបង្កើនបន្ទុកដល់ប្រព័ន្ធរំលាយអាហារ និងបណ្តាលឱ្យហើមពោះ ឬពិបាករំលាយអាហារ។
៣. អ្នកជំងឺថ្លើម
សណ្តែកដីសម្បូរទាំងជាតិខ្លាញ់ និងប្រូតេអ៊ីន។ ការញ៉ាំច្រើននឹងដាក់បន្ទុកបន្ថែមលើថ្លើម ដែលអាចធ្វើឲ្យមុខងារថ្លើមចុះខ្សោយកាន់តែខ្លាំង។
៤. អ្នកដែលក្អក
នៅពេលក្អក បំពង់ករបស់អ្នកស្ងួត និងរមាស់ស្រាប់។ ភាពស្ងួត និងរឹងរបស់សណ្តែកដីអាចធ្វើឲ្យស្លាក់ចូលក្នុងបំពង់ក ហើយកម្ទេចសណ្តែកដីអាចបង្កឲ្យមានអាការៈក្អកកាន់តែធ្ងន់ធ្ងរ។
៥. អ្នកដែលដកថង់ទឹកប្រមាត់ចេញ
ថង់ទឹកប្រមាត់ដើរតួនាទីសំខាន់ក្នុងការជួយរំលាយជាតិខ្លាញ់។ នៅពេលដែលវាត្រូវបានដកចេញ ការញ៉ាំសណ្តែកដីច្រើននឹងធ្វើឲ្យដំណើរការរំលាយជាតិខ្លាញ់មានបញ្ហា។ អ្នកដែលមានគ្រួសក្នុងថង់ទឹកប្រមាត់ក៏មិនគួរញ៉ាំដែរ។
សរុបមក ទោះបីសណ្តែកដីល្អសម្រាប់សុខភាពក៏ដោយ ក៏អ្នកគួរគ្រប់គ្រងបរិមាណដែលអ្នកញ៉ាំដែរ។ គួរញ៉ាំក្នុងបរិមាណប្រហែល ១៥ ក្រាម (ស្មើនឹងប្រហែល ១៥ ទៅ ៣០ គ្រាប់) ក្នុងមួយថ្ងៃ ហើយចៀសវាងការញ៉ាំច្រើនពេកដើម្បីសុខភាពល្អ៕
ចែករំលែកព័តមាននេះ