រាជធានីភ្នំពេញ ៖ បាត់ខ្លួនបុរសម្នាក់មិនឃើញចេញពីផ្ទះ២ថ្ងៃ និងមានធុំក្លិនស្អុយ ដល់អ្នកក្បែរខាងរាយការណ៍ជូនសមត្ថកិច្ចចុះពិនិត្យ ស្រាប់តែប្រទះឃើញជនរងគ្រោះដេកស្លាប់លើឥដ្ឋការ៉ូ ។ ហេតុការណ៍នេះបានកេីតឡេីងនៅវេលាម៉ោង ៩និង៤០នាទីព្រឹក ថ្ងៃទី១៦…
រាជធានីភ្នំពេញ ៖ បាត់ខ្លួនបុរសម្នាក់មិនឃើញចេញពីផ្ទះ២ថ្ងៃ និងមានធុំក្លិនស្អុយ ដល់អ្នកក្បែរខាងរាយការណ៍ជូនសមត្ថកិច្ចចុះពិនិត្យ ស្រាប់តែប្រទះឃើញជនរងគ្រោះដេកស្លាប់លើឥដ្ឋការ៉ូ ។
ហេតុការណ៍នេះបានកេីតឡេីងនៅវេលាម៉ោង ៩និង៤០នាទីព្រឹក ថ្ងៃទី១៦ ខែកញ្ញា ឆ្នាំ២០២៥ ដែលស្ថិតនៅចំណុចផ្លូវ១៧០ ភូមិ១ សង្កាត់អូរឬស្សីទី១ ខណ្ឌ៧មករា រាជធានីភ្នំពេញ ។
បុរសរងគ្រោះឈ្មោះ ង៉ុយ ប៊ុនឡេង អាយុ៤៤ឆ្នាំ មុខរបរនៅផ្ទះ មានទីលំនៅផ្ទះកើតហេតុខាងលើ ។
តាមប្រភពព័ត៍មានពីប្រជាពលរដ្ឋបានអោយដឹងថា រាល់ថ្ងៃ គេតែងតែឃើញបុរសរងគ្រោះចេញចូលៗផ្ទះជាធម្មតា ។ ប៉ុន្តែរយៈពេល២ថ្ងៃចុងក្រោយនេះបែរជាមិនឃើញចេញចូល ដូចសព្វដងនោះឡើយ ។
ប្រភពពីពលរដ្ឋបន្តថា ល្ងាចថ្ងៃទី១៥ ខែកញ្ញា ឆ្នាំ២០២៥ បានធំក្លិនស្អុយភាយចេញពីផ្ទះជនរងគ្រោះដោយទ្វារផ្ទះបិទជិត ទើបគាត់មិនចាប់អារម្មណ៍ ។ លុះមកដល់ព្រឹកថ្ងៃ១៦ ខែកញ្ញា ឆ្នាំ២០២៥ នៅតែមានក្លិនស្អុយ ទើបគាត់ប្រញាប់រាយការណ៍ទៅនគរបាលមូលដ្ឋាន ដើម្បីចុះត្រួតពិនិត្យតែម្តង ។
ស្របពេលសមត្ថកិច្ចមូលដ្ឋានចុះមកដល់ ដើម្បីទៅត្រួតពិនិត្យ ទ្វារផ្ទះរបស់បុរសរងគ្រោះបានចាក់សោរពីខាងក្នុង ទើបសមត្ថកិច្ចដាក់កាំជណ្ដើរឡើងមើល ស្រាប់តែប្រទះឃើញសពបុរសរងគ្រោះខាងលើដេកស្លាប់នៅលើឥដ្ឋការ៉ូហើមស្អុយបាត់ទៅហើយ ។
តាមការបង្ហើបពីអ្នកជិតខាង បន្ថែមថា បុរសរូបនោះស្នាក់នៅផ្ទះតែឯងដោយក្រុមគ្រួសារបានចាកចេញទៅរស់នៅកន្លែងផ្សេងយូរហើយ ។
ក្រោយពីកើតហេតុ កម្លាំងសមត្ថកិច្ចជំនាញមូលដ្ឋានបានចុះមកដល់ទីតាំងខាងលេី រួចបានរាយការណ៍ទៅកាន់សមត្ថកិច្ចជំនាញផ្នែកបច្ចេកទេស និងវិទ្យាសាស្ត្រ នៃស្នងការដ្ឋាននគរបាលរាជធានីភ្នំេពញ ដេីម្បីចុះមកធ្វេីការពិនិត្យមេីលទីតាំងខាងលេីនេះផងដែរ ។
បន្ទាប់ពីត្រួតពិនិត្យរួចរាល់សមត្ថកិច្ចជំនាញចក្ខុនឹងកោសល្យវិច័យ បានសន្និដ្ឋានថា បុរសរូបនោះស្លាប់ដោយសារគាំងបេះដូង អាចបណ្តាលមកពីជំងឺបេះដូង ។ ចំណែកសពត្រូវបានសមត្ថកិច្ចប្រគល់ជូនក្រុមគ្រួសារ យកទៅធ្វើបុណ្យតាមប្រពៃណី ៕
ចែករំលែកព័តមាននេះ