ខេត្តកំពត ៖ ស្នងការដ្ឋាននគរបាលខេត្តកំពត ព្រមានពិន័យ៤លានរៀល ចំពោះម្ចាស់ទីតាំងស្នាក់នៅណាដែលឱ្យជនបរទេសគ្មានលិខិតឆ្លងដែនស្នាក់នៅ និងហាមពាក់ព័ន្ធ Online Scams ។ ជាក់ស្តែងស្នងការដ្ឋាននគរបាលខេត្តកំពត…
ខេត្តកំពត ៖ ស្នងការដ្ឋាននគរបាលខេត្តកំពត ព្រមានពិន័យ៤លានរៀល ចំពោះម្ចាស់ទីតាំងស្នាក់នៅណាដែលឱ្យជនបរទេសគ្មានលិខិតឆ្លងដែនស្នាក់នៅ និងហាមពាក់ព័ន្ធ Online Scams ។
ជាក់ស្តែងស្នងការដ្ឋាននគរបាលខេត្តកំពត បានប្រកាសនាព្រឹក ថ្ងៃទី២៤ ខែឧសភានេះថា ៖ សូមជម្រាប និងក្រើនរំលឹកដល់បងប្អូនទាំងអស់នៅក្នុងខេត្តកំពត ដែលជាម្ចាស់ផ្ទះជួល រីស៊ត និងសណ្ឋាគារ មេត្តាជ្រាបថា ពាក់ពន្ធ័នឹងការជួលទីតាំងស្នាក់នៅអោយជនបរទេសទាំងអស់ ត្រូវត្រួតពិនិត្យរាល់លិខិតឆ្លងដែនទាំងអស់ នៃជនបរទេសដែលមានបំណងជួលសំរាប់ស្នាក់នៅនឹងត្រូវរាយការណ៍មកអាជ្ញារធរ ដែលគ្រប់គ្រងនៅក្នុងឃុំសង្កាត់នៃទីតាំងអាគាររបស់បងប្អូន និងហាមជាដាច់ពាក់ព័ន្ធទៅនឹង Scam online ។
ស្នងការដ្ឋាននគរបាលខេត្តកំពត បានបន្តថា ក្នុងករណីជួលអោយជនបរទេសស្នាក់នៅហើយ សមត្ថកិច្ចត្រួតពិនិត្យឃើញថា ជនបរទេសដែលស្នាក់នៅគ្មានលិខិតឆ្លងដែន នោះម្ចាស់ទីតាំងត្រូវពិន័យជាប្រាក់ចំនួន 4 លានរៀលក្នុងម្នាក់ ហើយប្រសិនបើម្ចាស់ទីតាំងពាក់ព័ន្ធទៅនឹង Scam Online ទៀតនោះ នឹងត្រូវប្រឈមមុខចំពោះផ្លូវច្បាប់បន្ថែមទៀត ៕
ចែករំលែកព័តមាននេះ