ឃាត់ខ្លួនជនសង្ស័យ៣នាក់ ករណីទទួលទិញផលចោកម្ម និងបញ្ចាំ ដកហូតម៉ូតូ១១គ្រឿង
- បន្ទាយមានជ័យ
បន្ទាយមានជ័យ៖ឃាត់ខ្លួនជនសង្ស័យ៣នាក់មានម្នាក់ទទួលទទួលទិញផលចោកម្មដកហូតម៉ូតូចំនួន១១គ្រឿងកំពុងអំពាវនាវរកម្ចាស់នៅអធិការដ្ឋាននគរបាលក្រុងប៉ោយប៉ែត។
លោកវរៈសេនីយ៍ទោ ព្រហ្ម ពិសិដ្ឋ អធិការនគរបាលក្រុងប៉ោយប៉ែតបានប្រាប់ថា៖ជនសង្ស័យ៣នាក់មាន១.ឈ្មោះ យឿង ឧត្តម ភេទប្រុសអាយុ១៧ឆ្នាំ ២.ឈ្មោះ សា រុំ ភេទប្រុសអាយុ៤៧ឆ្នាំ (បក្ខពួក)៣.ឈ្មោះ ជុំ ប៉ូឡូ ភេទប្រុសអាយុ៤៦ឆ្នាំ(ទទួលទិញផលចោកម្មនិងបញ្ចាំ)រស់នៅភូមិក្បាលស្ពានមួយ សង្កាត់អូរជ្រៅ ក្រុងប៉ោយប៉ែត។
លោកបានបញ្ជាក់ថា៖ក្រោយទទួលបណ្តឹងឈ្មោះ សេន មុំ ភេទស្រី អាយុ៥៤ឆ្នាំរស់នៅភូមិក្បាលស្ពានពីរ សង្កាត់អូរជ្រៅ ក្រុងប៉ោយប៉ែត បានប្តឹងឈ្មោះ យឿង ឧត្តម និងបក្ខពួក ឈ្មោះ សា រុំ បានលួចយកម៉ូតូ១គ្រឿងម៉ាក់ហុងដាឌ្រីមទៅបញ្ចាំអោយឈ្មោះ ជុំ ប៉ូឡូ កាលពីថ្ងៃទី១៦ ខែមិថុនា ឆ្នាំ២០២៦។
លោកបានបញ្ជាក់ថា៖ក្រោយទទួលបណ្តឹងកម្លាំងអធិការដ្ឋាននគរបាលក្រុងប៉ោយប៉ែត បានស្រាវជ្រាវនិងកំណត់មុខសញ្ញាឃាត់ខ្លួនជនសង្ស័យឈ្មោះ យឿង ឧត្តម និងបក្ខពួកឈ្មោះ សា រុំ នាំយកទៅសាកសួរតាមចម្លើយសារភាពបន្តឃាត់ខ្លួនឈ្មោះ ជុំ ប៉ូឡូ ដែលជាអ្នកទិញផលចោកម្មនិងបញ្ចាំនិងដកហូតវត្ថុតាងមានម៉ូតូចំនួន១១គ្រឿងកាលពីថ្ងៃទី២៣ ខែមិថុនា ឆ្នាំ២០២៦នៅភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត។
លោកវរៈសេនីយ៍ទោ ព្រហ្ម ពិសិដ្ឋ បានបញ្ជាក់ថា៖ក្រោយឃាត់ខ្លួនជនសង្ស័យ៣នាក់មានជនសង្ស័យ២នាក់ធ្វើសកម្មលួចនិង១នាក់ទៀតទទួលទិញផលចោកម្មត្រូវកសាងសំណុំរឿងបញ្ជូនទៅសាលាដំបូងខេត្តបន្ទាយមានជ័យ ដើម្បីអនុវត្តន៍តាមច្បាប់និងម៉ូតូចំនួន១១គ្រឿងដែលរឹបអូសបានកំពុងអំពាវនាវដល់ប្រជាពលរដ្ឋដែលបានបាត់ម៉ូតូបើឃើញអធិការដ្ឋាននគរបាលក្រុងប៉ោយប៉ែតជូនដំណឹងស្វែងរកម្ចាស់បើទទួលបានព័ត៌មានហើយសុំយកឯកសារពាក់ព័ទ្ធមកជួបកម្លាំងជំនាញនិងប្រគល់ជូន៕
ចែករំលែកព័តមាននេះ