ប្រទេសវេណេស៊ុយអេឡា ៖ បន្ទាប់ពីការរញ្ជួយដីខ្លាំងជាន់គ្នា២នឹកស្មានមិនដល់ ពលរដ្ឋវេណេស៊ុយអេឡាច្រើននាក់ ប៉ុនប៉ងជួយសង្គ្រោះសាច់ញាតិពួកគដែលជាប់ក្រោមគំនរបាក់បែកនៃអគារទាំងឡាយដែលរលំបាក់ កាលពីថ្ងៃទី២៥ មិថុនា ។ យោងតាមតុល្យការចុងក្រោយប្រកាសនាល្ងាចថ្ងៃទី២៥មិថុនាដដែលថា ការរញ្ជួយដីជាន់គ្នា២នោះ ចំនួនអ្នកស្លាប់កើនដល់យ៉ាងតិច១៨៨នាក់ ហើយមនុស្សជាង១៥០០នាក់រងរបួស ។ សហរដ្ឋអាមេរិកប្រកាសពីការផ្ដល់ជំនួយ១៥០លានដុល្លារ ។
ការរញ្ជួយដីដំបូង មានកម្លាំង៧,២រីស្ទ័រ កើតមានកាលពីថ្ងៃទី២៤ មិថុនា ក្នុងជម្រៅ២១៩គីឡូម៉ែត្រនៅកន្លែងមួយចម្ងាយប្រមាណ២០០គីឡូម៉ែត្រខាងលិចក្រុងការ៉ាកាស់ ហើយ៣៩វិនាទីក្រោយមកការរញ្ជួយដីទី២កម្លាំង៧,៥រីស្ទ័រ កើតមានក្នុងជម្រៅ១០គីឡូម៉ែត្រត្រង់កន្លែងមួយចម្ងាយ៤៥គីឡូម៉ែត្រពីកន្លែងរញ្ជួយដីទីមួយ ។ បន្ទាប់មក មានការរញ្ជួយបន្ទាប់បន្សំ២០
លើកទៀត។ នេះបើតាមវិទ្យាស្ថានភូកុម្ភសាស្ត្រអាមេរិក USGS។
ការរញ្ជួយដីខ្លាំងដល់ ទៅ២ស្ទើរដំណាលគ្នា ជាបាតុភូតកម្រមានណាស់ ធ្លាប់តែមានការរញ្ជួយបន្ទាប់បន្សំក្បែរកន្លែងរញ្ជួយចម្បង ដោយការរញ្ជួយបន្តនោះច្រើនតែខ្សោយជាងការរញ្ជួយដំបូង ។ ប៉ុន្តែនៅវេណេស៊ុយអេឡាការរញ្ជួយលើកទី២ បែរជាខ្លាំងជាងការរញ្ជួយដំបូង ដែលគេហៅថា ការរញ្ជួយដីជាន់គ្នា ដែលគេធ្លាប់ឃើញរួចហើយនៅតួកគី និងស៊ីរី កាលពីឆ្នាំ២០២៣ ដោយការរញ្ជួយលើកទី១មានកម្លាំង៧,៨រីស្ទ័រ ហើយការរញ្ជួយទី២មានកម្លាំងដល់៧,៩រីស្ទ័រ ។ ការរញ្ជួយដីជាន់គ្នាក៏ធ្លាប់កើតមានដែរកាលពីឆ្នាំ២០២១ នៅដែនទឹកប្រជុំកោះSANDWICH ដោយការរញ្ជួយដីលើកទីមួយមានកម្លាំង៧,៥រីស្ទ័រ ហើយការរញ្ជួយលើកទី២មានកម្លាំងដល់៨,១រីស្ទ័រ ។
តាមUSGSថា ការរញ្ជួយដី៧,៥រីស្ទ័រនៅវេណេស៊ុយអេឡា កាលពីថ្ងៃទី២៤ មិថុនា ជាការរញ្ជួយដីខ្លាំងបំផុតពុំធ្លាប់មានក្នុងប្រទេសនោះចាប់តាំងពីឆ្នាំ១៩០០មក ។ ការរញ្ជួយដីនេះ បណ្ដាលឲ្យរលំបាក់អគារជាច្រើននៅក្រុងការ៉ាកាស់ ៕
ចែករំលែកព័តមាននេះ