សហរដ្ឋអាមេរិក ៖ ជារឿងគួរឲ្យភ្ញាក់ផ្អើលមួយ ដោយលោកស្រី មីឡានីញ៉ា ត្រាំ ស្ត្រីទីមួយអាមេរិក កាលពីថ្ងៃទី២១ មិថុនា បានទៅកាន់ព្រំដែនជាមួយម៉ិកស៊ិកដើម្បីជួបជាមួយកុមារៗដែលគ្មានលិខិតស្នាម។…
សហរដ្ឋអាមេរិក ៖ ជារឿងគួរឲ្យភ្ញាក់ផ្អើលមួយ ដោយលោកស្រី មីឡានីញ៉ា ត្រាំ ស្ត្រីទីមួយអាមេរិក កាលពីថ្ងៃទី២១ មិថុនា បានទៅកាន់ព្រំដែនជាមួយម៉ិកស៊ិកដើម្បីជួបជាមួយកុមារៗដែលគ្មានលិខិតស្នាម។ ការរៀបចំទស្សនកិច្ចនេះ ត្រូវបានគេធ្វើជាសម្ងាត់បំផុត ខណៈស្វាមីលោកស្រីគឺលោកប្រធានាធិបតី ដូណាល់ ត្រាំ ប្រឈមមុខនឹងការរិះគន់របស់ពិភពលោក ព្រោះតែការបំបែកកុមារជាង២០០០នាក់ពីឪពុកម្ដាយពួកគេជាជនអន្តោប្រវេសន៍ខុសច្បាប់។
រយៈពេលជាង១ម៉ោងនៅឯជំរំជនភៀសខ្លួន MCCALLEN ជាទីក្រុងធំមួយនៃរដ្ឋតិចសាស់ លោកស្រីមីឡានីញ៉ា ត្រាំ ដែលមានទឹកមុខញញឹមបានដើរពីថ្នាក់រៀនមួយទៅថ្នាក់រៀនមួយទៀត សាកសួរសុខទុក្ខកុមារទាំងនេះដែលបានសរសេរពាក្យស្វាគមន៍លោកស្រីលើទង់ជាតិអាមេរិក។
ទោះបីជាប្រធានាធិបតីអាមេរិកចេញក្រិត្យឲ្យបញ្ចប់ការបំបែកកុមារៗ ពីឪពុកម្ដាយពួកគេជាជនអន្តោប្រវេសន៍ក្ដី នាថ្ងៃទី២១ មិថុនា ការរិះគន់នានានៅតែមានខ្លាំងពីសំណាក់ បណ្ដាអង្គការការពារសិទ្ធិមនុស្ស និងពួកប្រឆាំងនៃគណបក្សប្រជាធិបតេយ្យ ដែលបរិហារដំណោះស្រាយឲ្យពួកកូនៗជាប់ក្នុងជំរំឃុំឃាំងជាមួយឪពុកម្ដាយពួកគេ ពេលរង់ចាំការកាត់ក្ដីរបស់តុលាការ៕
ចែករំលែកព័តមាននេះ