រកឃើញដុតចោល ដើម្បីសុខភាពយើង
- មណ្ឌលគិរី
ខេត្តមណ្ឌលគិរី ៖ ដើម្បីរក្សាគុណភាព និងផលប្រយោជន៍របស់អ្នកប្រើប្រាស់ទូទៅ លោក ចាន់ វាសនា ប្រធានសាខាកាំកុងត្រូលខេត្ត សហការជាមួយមន្ទីរពាណិជ្ជកម្មខេត្ត និងអាជ្ញាធរដែនដី…
ខេត្តមណ្ឌលគិរី ៖ ដើម្បីរក្សាគុណភាព និងផលប្រយោជន៍របស់អ្នកប្រើប្រាស់ទូទៅ លោក ចាន់ វាសនា ប្រធានសាខាកាំកុងត្រូលខេត្ត សហការជាមួយមន្ទីរពាណិជ្ជកម្មខេត្ត និងអាជ្ញាធរដែនដី បានចុះត្រួតពិនិត្យ ទំនិញខូចគុណភាព និងចំណីអាហារ ហួសកាលបរិច្ឆេទប្រើប្រាស់ ដែលអាជីវករដាក់តាំងលក់ ស្ថិតនៅតាមតូប និងផ្ទះក្នុងឃុំប៊ូស្រា ស្ថិតនៅស្រុកពេជ្រាដា កាលពីថ្ងៃទី១៥ មិថុនា ។
ប្រភពឱ្យដឹងថា ការចុះត្រួតពិនិត្យនេះ គឺផ្តោតសំខាន់ទៅលើទំនិញវេចខ្ចប់ស្រាប់មានភេសជ្ជៈ និងចំណី អាហារ ដែលដាក់តាំងលក់នៅតាមផ្ទះលក់ចាបហ៊ួយនានា ដើម្បីពិនិត្យគុណភាព សុវត្ថិភាពចំនីអាហារ ក្នុងគោលបំណង ការពារផលប្រយោជន៍ និងសុខភាពអ្នកប្រើប្រាស់ ។ ក្នុងការចុះត្រួតពិនិត្យនេះដែរ មន្ត្រីជំនាញបានធ្វើតេស្តបឋមរកសារធាតុគីមីហាមឃាត់(Borax) នៅក្នុងមុខទំនិញ ដូចជាសរសៃគុយទាវ នំបញ្ចុក មីដុំលឿង ប្រហិតសាច់គោ ជាលទ្ធផលពុំមានសារធាតុគីមីហាមឃាត់ (Borax) នេះទេ ។
បន្ទាប់ពីនោះ មន្ត្រីជំនាញធ្វើតេស្តរកសារធាតុជាតិ អុីយ៉ូត (I) ក្នុងអំបិលម៉ាក ហ្គូវ ឆាយតិច ជាលទ្ធផលមានសារធាតុ អុីយ៉ូត ។ ក្រៅពីនោះ មន្ត្រីជំនាញបានត្រួតពិនិត្យវេចខ្ចប់ស្រាប់ ដើម្បីស្វែងរកទំនិញហួសកាលបរិច្ឆេទប្រើប្រាស់ និងខូចគុណភាព នៅតាមផ្ទះលក់ដូរនីមួយៗជាលទ្ធផល បានដកហូតភេជ្ជៈ ទឹកក្រូច និងទំនិញចម្រុះខូចគុណភាពសរុបចំនួន៤៦គីឡូក្រាម ដើម្បីយកកទៅដុតកម្ទេចចោលនៅការិយាល័យពាណិជ្ជកម្ម ស្រុកពេជ្រាដា។
ចែករំលែកព័តមាននេះ