រាជធានីភ្នំពេញ ៖ ដូចតាមការកំណត់ ដាក់ឱសានវាទ១៥ ថ្ងៃសុំឱ្យប្រជាពលរដ្ឋចំនួន៤ គ្រួសារ ចាកចេញជាបន្ទាន់ពីអគារអង្គរ ជ័យ ដែលមានសភាពចាស់ទ្រុឌទ្រោមខ្លាំងប្រឈមនឹងការបាក់រលំដោយមិនផ្តល់សញ្ញាណជាមុននោះ នាព្រឹកថ្ងៃទី២១…
រាជធានីភ្នំពេញ ៖ ដូចតាមការកំណត់ ដាក់ឱសានវាទ១៥ ថ្ងៃសុំឱ្យប្រជាពលរដ្ឋចំនួន៤ គ្រួសារ ចាកចេញជាបន្ទាន់ពីអគារអង្គរ ជ័យ ដែលមានសភាពចាស់ទ្រុឌទ្រោមខ្លាំងប្រឈមនឹងការបាក់រលំដោយមិនផ្តល់សញ្ញាណជាមុននោះ នាព្រឹកថ្ងៃទី២១ ខែឧស ភា ឆ្នាំ២០២៥ នេះ មន្ត្រីគណកម្មការក្រសួងរៀបចំដែនដី នគរូប នីយកម្ម និងសំណង់ បានចុះមកសហការជាមួយអាជ្ញាធរមូលដ្ឋា ន ខណ្ឌ រាជធានី ធ្វើការហ៊ុព័ទរបងទីតាំងនោះ ដើម្បីការពារនូវឧបទ្ទវហេតុបាក់រលំដោយប្រការណាមួយមិនអាចមើលដឹង ។
ទាក់ទិននឹងការហ៊ុមព័ទ្ធទីតាំងខាងលើ លោក ថេង សុថុល អភិបា ល នៃគណអភិបាលខណ្ឌ៧ មករា បានឲ្យដឹងថា តាមការកំណត់ព្រឹកមិញនេះគណកម្មការក្រសួងរៀបចំដែនដី នគរូបនីយកម្ម បានចុះមកធ្វើការហ៊ុព័ទសង្គ័សី ដើម្បីការពារកុំឲ្យអ្នកស្នាក់នៅអគារបាក់រលំ ។ ចំណែកប្រជាពលរដ្ឋ៤ គ្រួសារដែលក្រសួងមិន ទាន់ដោះស្រាយបញ្ចប់នោះ ក៏ពួកគាត់មិនស្នាក់នៅទីនោះដែរគ្រាន់តែគាត់មានមុខរបររកស៊ីនៅទីហ្នឹង ប៉ុន្តែក្រសួងអញ្ជើញទៅធ្វើការរហូត ហើយចុងក្រោយ៤គ្រួសារនុងក៏គេឯកភាពជាមួយក្រសួងដែរ ឲ្យហ៊ុព័ទសង្គ័សីនោះ តែបានសំណូមពរឲ្យក្រសួងមានដំណោះស្រាយទៅមុខបន្តទៀត ដោយមិនទាន់ឲ្យបញ្ចប់ដំណោះស្រាយលុយកាក់ក្នុងការចាកចេញនោះទេ ហើយក៏មិនជំទាស់ក្នុងការហ៊ុព័ទនោះដែរ ។
លោកអភិបាលខណ្ឌបញ្ជាក់បន្ថែមថា រីឯអ្នកលក់ដូរ ដូចជាអ្នកលក់បបរសខាងក្រោមអគារនោះជាធម្មតា កាលណាបើហ៊ុមព័ទ្ធហើយមិនអាចលក់បានទេ ប៉ុន្តែអ្នកលក់បបរសនោះគាត់រកទីតាំងជួលលក់បានហើយ នៅជិតភោជនីយដ្ឋានថ្មដាក្បែរនោះដែរ កំពុងជួសជុលរៀបចំលក់ដូរឡើង វិញ ។ ការហ៊ុមព័ទ្ធទីតាំងនោះគណៈកម្មការបានទុកទ្វារមួយទំហំ៣ ម៉ែត្រ សម្រាប់បើកចេញចូលដើម្បីសុវត្តិភាពឲ្យគាត់រើសំម្ភារៈចេញបាន នៅពេលបញ្ចប់ការព្រមព្រៀងពីក្រសួងដោយស្ថាពរ ។
សូមជម្រាបថា យោងតាមសេចក្តីជូនដំណឹងរបស់ក្រសួងរៀប ចំដែនដី នគរូបនីយកម្ម និងសំណង់បានឱ្យដឹងថា អគារសហកម្មសិទ្ធិ (អតីតសណ្ឋាគារអង្គរមានជ័យ) មានទីតាំងស្ថិតនៅលើផ្លូវកែងរវាងមហាវិថីព្រះមុនីវង្សនិង មហាវិថីកម្ពុជាក្រោម ស្ថិតនៅក្នុងភូមិ១ សង្កាត់មនោរម្យ ខណ្ឌ៧មករា រាជធានីភ្នំពេញ ត្រូវបានសាងសង់ឡើងតាំង ពីអំឡុងឆ្នាំ១៩៥០ គិតមកដល់បច្ចុប្បន្ន សំណង់អគារនេះមានអាយុ ៧៥ឆ្នាំ ហើយ។
អគារនេះមានក្រឡាផ្ទៃបាតទំហំ សរុប ៥៩០ម៉ែត្រការ៉េ មានកម្ពស់ ៦ជាន់ ស្មើនឹង ១០៧ បន្ទប់ និងមានប្រជាពលរដ្ឋរស់នៅសរុបចំនួន ៦៥គ្រួសារ។ គិតត្រឹមខែមេសា ឆ្នាំ២០២៥ ប្រជាពលរដ្ឋចំនួន ៦១ គ្រួសារ ស្មើនឹង ៩៤% បានទទួលយកដំណោះស្រាយក្រោម ការសម្របសម្រួលរបស់ក្រសួង ដ.ន.ស. ហើយបានស្ម័គ្រចិត្តចាកចេញទៅរស់នៅទីតាំងថ្មី ដែលមានសុវត្ថិភាព សម្រាប់ក្រុមគ្រួសាររបស់ពួកគាត់។
ផ្អែកតាមលទ្ធផលនៃការចុះត្រួតពិនិត្យនិងវាយតម្លៃគុណភាពសំណង់ ការវិភាគលើគុណភាពនិងសុវត្ថិភាព គ្រឿងផ្គុំសំណង់ និងលទ្ធផលនៃការពីសោធន៍លើសម្ភារៈសំណង់អគារនេះរបស់មន្ទីរពិសោធន៍ជាតិសំណង់ ក្រសួង ដ.នី.ស. បានពិនិត្យឃើញថា សំណង់អគារនេះមានសភាពចាស់ទ្រុឌទ្រោមខ្លាំង បាត់បង់តុល្យភាពលំនឹងនៃរចនា សម្ព័ន្ធគ្រឿងផ្គុំសំណង់ និងប្រឈមមុខនឹងការបាក់រលំជាយថាហេតុដោយមិនផ្តល់សញ្ញាណជាមុន ដែលអាចនឹង បង្កគ្រោះថ្នាក់ដល់អាយុជីវិតនិងទ្រព្យសម្បត្តិរបស់បងប្អូនប្រជាពលរដ្ឋយ៉ាងធ្ងន់ធ្ងរ។
ក្នុងន័យនេះ ផ្នែកតាមច្បាប់ស្តីពីសំណង់ឆ្នាំ២០១៩ និងដើម្បីបញ្ចៀសគ្រោះថ្នាក់ដល់អាយុជីវិត ការបាត់បង់ ទ្រព្យសម្បត្តិនិងគ្រោះថ្នាក់ផ្សេងៗដែលអាចកើតមានឡើងជាយថាហេតុ ដោយសារសំណង់អគារអតីតសណ្ឋាគារ អង្គរមានជ័យ ក្រសួងរៀបចំដែនដី នគរូបនីយកម្ម និងសំណង់ សូមធ្វើការណែនាំដូចខាងក្រោម ៖
១-សូមបងប្អូនប្រជាពលរដ្ឋ ៤គ្រួសារ ដែលកំពុងស្នាក់នៅ ប្រើប្រាស់ និងប្រកបអាជីវកម្មក្នុងអគារនេះ ត្រូវបញ្ឈប់ការរស់នៅនិងការប្រកបអាជីវកម្មជាបន្ទាន់ និងត្រូវធ្វើការចាកចេញពីអគារនេះ ក្នុងរយៈពេល ១៥ថ្ងៃ គិតចាប់ពីថ្ងៃជូនដំណឹងនេះតទៅ។ ជាមួយគ្នានេះ ក្រុមការងារក្រសួង ដ.ន.ស. នឹងបន្តសម្របសម្រួល ដោះស្រាយសំណងជូនប្រជាពលរដ្ឋដែលនៅសល់ចុងក្រោយ ចំនួន ៤គ្រួសារ ។
២-រដ្ឋបាលរាជធានីភ្នំពេញ ត្រូវចាត់វិធានការបន្ទាន់ ជាអាទិ៍ ហ៊ុព័ទ្ធ ហាមចូល និងហាមប្រើប្រាស់អគារនេះ ចាប់ពីថ្ងៃជូនដំណឹងនេះតទៅ ដើម្បីធានាសុវត្ថិភាព សន្តិសុខ និងសណ្តាប់ធ្នាប់សាធារណៈ។
៣-ក្រសួង ដ.ន.ស. នឹងសហការជាមួយរដ្ឋបាលរាជធានីភ្នំពេញ ដើម្បីវាយរំលំសំណង់អគារចាស់ទ្រុឌទ្រោមនេះ ក្រោយផុតពេលកំណត់នៃការចាកចេញរបស់គ្រួសារប្រជាពលរដ្ឋចុងក្រោយ ចំនួន ៤គ្រួសារ ខាងលើ ។
សេចក្តីដូចបានជម្រាបជូនខាងលើ សូមសាធារណជនមេត្តាជ្រាបជាព័ត៌មាន និងចូលរួមអនុវត្តឱ្យមាន ប្រសិទ្ធភាព និងការទទួលខុសត្រូវខ្ពស់ ៕
ចែករំលែកព័តមាននេះ