ខេត្តស្វាយរៀង ៖ ប្រជាពលរដ្ឋបានអំពាវនាវដល់អាជ្ញាធរខេត្ត និងក្រសួងអភិវឌ្ឍន៍ជនបទសូមពិនិត្យមើលផ្លូវលំ១ខ្សែប្រវែងជាង ២ ០០០ម៉ែត្រ តភ្ជាប់ពីភូមិបុស្ស ឃុំមេសថ្ងក ស្រុកចន្ទ្រាទៅភូមិត្រពាំងផ្លុង សង្កាត់បាទី…
ខេត្តស្វាយរៀង ៖ ប្រជាពលរដ្ឋបានអំពាវនាវដល់អាជ្ញាធរខេត្ត និងក្រសួងអភិវឌ្ឍន៍ជនបទសូមពិនិត្យមើលផ្លូវលំ១ខ្សែប្រវែងជាង ២ ០០០ម៉ែត្រ តភ្ជាប់ពីភូមិបុស្ស ឃុំមេសថ្ងក ស្រុកចន្ទ្រាទៅភូមិត្រពាំងផ្លុង សង្កាត់បាទី ក្រុងបាវិត ដែលកំពុងស្រុតខូចស្ទើរទាំងស្រុង ។
ការស្រុតខូចនេះ ដោយសារតែរថយន្តធុនធំ រថយន្តក្រឡុកស៊ីម៉ង់ត៍ ធ្វើចរាចរណ៍រាល់ថ្ងៃ ធ្វើឲ្យផ្លូវក្លាយជារណ្តៅ ជង្ហុកបែកល្បាប់ បណ្តាលឲ្យរអិលពិបាកធ្វើដំណើរយ៉ាងខ្លាំង ជាពិសេសសិស្សា នុសិស្សធ្វើដំណើរទៅរៀន ។
ការអំពាវនាវនេះ បានធ្វើឡើងកាលពីព្រឹកថ្ងៃទី១៩ ខែឧសភា ឆ្នាំ២០២៥កន្លងទៅ នៅភូមិត្រពាំងផ្លុង សង្កាត់បាទី ក្រុងបាវិត ។ ប្រជាពលរដ្ឋបានលើកឡើងថា ផ្លូវលំមួយខ្សែនេះបានស្រុតខូចជាច្រើនខែមកហើយ និងបានស្នើសុំទៅអាជ្ញាធរក្រុង ស្រុក ជួសជុលផ្លូវលំមួយខ្សែនេះ។ ក្រោយមក នៅក្នុងអំឡុងខែវិច្ឆិកា ឆ្នាំ២០២៤ អាជ្ញាធរបានប្រាប់ថា ផ្លូវ១ខ្សែនេះក្រសួងសាធារណការនិងដឹកជញ្ជូន មានគម្រោងជួសជុលហើយនឹងចាប់ផ្តើមជួសជុលនៅក្នុងខែកុម្ភៈ ឆ្នាំ២០២៥ ក៏ប៉ុន្តែជាក់ស្តែងស្ងាត់ឈឹងរហូតដល់បច្ចុប្បន្ន ។
ប្រភពដដែលបន្តថា នៅរដូវប្រាំងហុយ ហើយនៅរដូវវស្សា ចាប់ពីចុងខែមេសា ឆ្នាំ២០២៥មក មានភ្លៀងធ្លាក់ខ្លាំងជោកជាំ និងមានរថយន្តធំៗ រថយន្តដឹកស៊ីម៉ង់ត៍ ដឹកក្រួស ថ្ម ដឹកខ្សច់ធ្វើចរា ចរណ៍រាល់ថ្ងៃ ។ ហេតុនេះហើយ ទើបបណ្ដាលឲ្យបាក់ស្រុតខូចផ្លូវក្លាយជាជង្ហុកសម្បុកមាន់ បែកល្បាប់រអិលពិបាកធ្វើដំណើរយ៉ាងខ្លាំង ជាពិសេសសិស្សានុសិស្សជិះកង់-ម៉ូតូ ទៅសាលារៀន ។
ប្រជាពលរដ្ឋនៅភូមិបុស្ស ឃុំមេសថ្ងក ស្រុកចន្ទ្រា និងភូមិត្រពាំងផ្លុង សង្កាត់បាទី ក្រុងបាវិត បានអំពាវនាវសូមឯកឧត្តមអភិបាលខេត្តឯកឧត្តមរដ្ឋមន្ត្រីក្រសួងអភិវឌ្ឍន៍ជនបទ សូមជួសជុលផ្លូវ១ខ្សែនេះផង ៕
ចែករំលែកព័តមាននេះ