ហ្សកហ្ស៊ី ៖ តាមប្រភពព័ត៌មាន Metro បានឲ្យដឹងថា វាលចាក់សំរាមមួយកន្លែងនៅ Marneuli ប្រទេសហ្សកហ្ស៊ី បានក្លាយទៅជាកន្លែងភ្ញាស់ពងមាន់ដោយមិនដឹងខ្លួន ក្រោយកសិដ្ឋានមួយកន្លែងយកពងមាន់មកចោលនៅទីនោះ។
នៅក្នុងវីដេអូដែលត្រូវគេបានបង្ហោះចូលក្នុងហ្វេសប៊ុកកាលពីថ្ងៃអាទិត្យ ដោយអ្នកប្រើប្រាស់ឈ្មោះ Sahid Bayramov ដោយបានបង្ហាញពីទិដ្ឋភាពកូនមាន់ជាច្រើនក្បាលដើរពេញទីធ្លាចាក់សំរាម។ គ្រាន់តែឃើញវីដេអូនេះហើយ ថ្នាក់ជាតិ និងអន្តរជាតិបានធ្វើការចែករំលែកល្បីពេញបណ្តាញសង្គមតែម្តង។
ដោយសារតែមានសំនួរច្រើនពេកពីសំណាក់មហាជន ថ្នាក់ដឹកនាំនៅតំបន់នោះ លោក Timur Abazov បានធ្វើការបកស្រាយបឋម ដោយលោកបានមានប្រសាសន៍ថា៖ «នេះដោយសារតែម្ចាស់កសិដ្ឋាននោះច្រឡំថា ស៊ុតទាំងនោះស្អុយខូច ទើបបានជាពួកគេយកមកចោលដូច្នេះ។ តែដោយសារតែកំដៅល្មមអាចភ្ញាស់ស៊ុតបាន ទើបញាស់ចេញជាកូនមាន់ពេញវាលទីចាក់សំរាមបែបនេះ»។
សូមទស្សនាវីដេអូខាងក្រោមដកស្រង់ចេញពី Radio24 NEWS ៖
https://www.youtube.com/watch?v=PXGQFMZxhhU
ចែករំលែកព័តមាននេះ