អភិបាលខេត្តប្រាប់៣ចំណុចសំខាន់ៗទៅកាន់អាជីវករទាក់ទងការរុះរើផ្សារផល្លារាត្រីអង្គរ៥
- សៀមរាប
ខេត្តសៀមរាប ៖ ដឹកនាំក្រុមការងារដោយលោកបណ្ឌិត ឃឹម ប៊ុនសុង អភិបាលនៃគណៈអភិបាលខេត្ត លោក បណ្ឌិត នូ ផល្លា…
ខេត្តសៀមរាប ៖ ដឹកនាំក្រុមការងារដោយលោកបណ្ឌិត ឃឹម ប៊ុនសុង អភិបាលនៃគណៈអភិបាលខេត្ត លោក បណ្ឌិត នូ ផល្លា…
ខេត្តសៀមរាប ៖ ដឹកនាំក្រុមការងារដោយលោកបណ្ឌិត ឃឹម ប៊ុនសុង អភិបាលនៃគណៈអភិបាលខេត្ត លោក បណ្ឌិត នូ ផល្លា ប្រធានក្រុមប្រឹក្សាខេត្ត និងថ្នាក់ដឹកនាំខេត្ត មន្ទីរ អង្គភាព អាជ្ញាធរមូលដ្ឋានបានចុះជួបសំណេះសំណាល និងជម្រាបជូនអាជីវករផ្សារផល្លារាត្រីអង្គរ៥ គ្មានការរុះរើតូបលក់ដូរក្នុងផ្សារផល្លា
រាត្រីអង្គរ៥ ដូចការបំផុសព័ត៌មានបំផ្លើសការពិតនោះឡើយ កាលពីរសៀលថ្ងៃទី១០ ខែមិថុនា ឆ្នាំ២០១៨។
លោកបណ្ឌិត ឃឹម ប៊ុនសុង អភិបាលនៃគណៈអភិបាលខេត្ត បានជម្រាបជូនអាជីវករ កុំមានការភិតភ័យ ដូចព័ត៌មានបណ្តាញសង្គមមួយចំនួនដែលផ្សព្វផ្យាយបំផ្លើសការពិត។
ជាក់ស្តែង ការបើកផ្លូវនេះ អាជ្ញាធរមិនមានគម្រោងឈូសតូបលក់ដូរក្នុងផ្សារទាំងអស់នោះទេ គឺគ្រាន់តែបើកផ្លូវតាមអ្វីដែលម្ចាស់ផ្សារធ្លាប់បានព្រមពៀងជាមួយអាជ្ញាធរខេត្ត និងតាមការកំណត់របស់គណៈ
កម្មការរដ្ឋបាលតែប៉ុណ្ណោះ ។ ចំណុចសំខាន់ៗ មួយចំនួន ដែល លោក អភិបាលខេត្ត បានជម្រាបជូនបងប្អូនអាជីវកររួមមាន៖
១-អាជ្ញាធរខេត្ត អនុវត្តការបើកផ្លូវចំនួន៦ម៉ែត្រ តាមគោលការណ៍ច្បាប់តែប៉ុណ្ណោះ ២-អាជីវករបន្តការលក់ដូរជាធម្មតា កុំព្រួយបារម្ភ ឬភ័យខ្លាចការបិទផ្សារ ឬការឈូសតូប ដើម្បីបើកផ្លូវនេះ និង៣-ការបើកផ្លូវនេះ គឺការបង្កើតបណ្តាញផ្លូវប្រទាក់ក្រឡានៃការភ្ជាប់បណ្តាញផ្លូវឡើងវិញ ដើម្បីសម្រួលចរាចរណ៍ ការកកស្ទះ និងប្រើប្រាស់ក្នុងករណីចាំបាច់ ដូចជាការងារ សង្គ្រោះអគ្គីភ័យ និងការសង្គ្រោះបន្ទាន់ជាដើម។
អាជ្ញាធរខេត្តសូមស្វាគមន៍នូវរាល់ការស្នើសុំការបំភ្លឺព័ត៌មានបន្ថែម ឬការផ្តល់ព័ត៌មាន ឬសំណូមពរពីសំណាក់សារព័ត៌មានជាតិ អន្តជាតិ និងសាធារណជនទាំងអស់ ដើម្បីចៀសវាងការភាន់ច្រឡំនានា។
សូមបញ្ជាក់ផងដែរថា ការបើកផ្លូវ៦ម៉ែត្រជូនប្រជាពលរដ្ឋប្រមាណជាង៥០គ្រួសារ ដែលរស់នៅពីខាងក្រោយផ្សារផល្លារាត្រីអង្គរ៥នោះ លោក អភិបាលខេត្តមិនបានបញ្ជាក់ជូនពួកគាត់ច្បាស់ទេ ក្នុងកិច្ចសម្ភាសន៍ ជាមួយអ្នកព័ត៌មាន និងប្រជាពលរដ្ឋ ដែលពួកគាត់កំពុងស្នើសុំថា ការបើកផ្លូវនោះ គឺនៅថ្ងៃណា ខែណា ឆ្នាំណា មួយនោះទេ គឺរង់ចាំ និងសួរពីខាងរដ្ឋបាលខេត្តទៅវិញ ដូច្នេះប្រជាពលរដ្ឋមួយចំនួនគិតថា ប្រហែលសង្ឃឹមភាគតិចក្នុងការបើកផ្លូវនេះណាស់ ព្រោះពាក់ព័ន្ធទៅនឹងក្បាលដីរបស់ម្ចាស់ផ្សាររាត្រីអង្គរ៥ ដែលមានឈ្មោះ ប៉ិល ហូលី ភេទប្រុស អាយុប្រហែលជាង៦០ឆ្នាំ និងប្រពន្ធឈ្មោះ ភុំ ផល្លា ៕
ចែករំលែកព័តមាននេះ