មូលនិធិរូបិយវត្ថុអន្តរជាតិដែលមនុស្សទូទៅស្គាល់ថា IMF បានអះអាងថា អត្រាអតិផរណានៅកម្ពុជាមិនមានសញ្ញានៃបញ្ហាឡើយ ដោយវានៅរក្សាស្ថិរភាពនៅក្នុងកម្រិត២,៣ភាគរយ ។ របាយការណ៍ទស្សនវិស័យសេដ្ឋកិច្ចក្នុងតំបន់របស់ IMF ដែលបានចេញផ្សាយកាល ពីពេលថ្មីៗនេះបានឲ្យដឹងថា…
មូលនិធិរូបិយវត្ថុអន្តរជាតិដែលមនុស្សទូទៅស្គាល់ថា IMF បានអះអាងថា អត្រាអតិផរណានៅកម្ពុជាមិនមានសញ្ញានៃបញ្ហាឡើយ ដោយវានៅរក្សាស្ថិរភាពនៅក្នុងកម្រិត២,៣ភាគរយ ។
របាយការណ៍ទស្សនវិស័យសេដ្ឋកិច្ចក្នុងតំបន់របស់ IMF ដែលបានចេញផ្សាយកាល ពីពេលថ្មីៗនេះបានឲ្យដឹងថា អត្រាអតិផរណាកម្ពុជានៅក្នុងឆ្នាំ២០២៤ វាឡើងបន្តិច ប៉ុន្តែជាកម្រិតមួយទាបណាស់ហើយ នៅតែអាចគ្រប់គ្រងបាន ។
ប្រភពដដែលបានបន្តថា “ កាលពីឆ្នាំ២០២៣ អត្រាអតិផរណា គឺ២,១ ភាគរយ តែនៅក្នុងឆ្នាំ២០២៤អាចឡើងដល់ ២,៣ភាគរយ » ។
ប្រភពដដែលនេះបានឲ្យដឹងថា ការកើនឡើងនៃអត្រាអតិផរណានៅកម្ពុជានេះ មិនមែនកើតមានតែនៅកម្ពុជានោះ គឺវាមាននៅប្រទេសផ្សេងៗនៅក្នុងតំបន់អាស៊ី និងប៉ាស៊ីហ្វិក។
នៅក្នុងឆ្នាំ២០២៥ ខាងមុខនេះ កំណើនអតិផរណាត្រូវគេព្យាករណ៍ថា ឡើងដល់៣ភាគរយ ប៉ុន្តែទោះបីជាយ៉ាងណាក៏ដោយរបាយការណ៍បានសង្កត់ធ្ងន់ថា កម្ពុជាជាប្រទេសមួយនៅ ក្នុងតំបន់អាស៊ី និងប៉ាស៊ីហ្វិក ដែលមានភាពធន និងអតិផរណា ខណៈដែលអត្រាកំណើន សេដ្ឋកិច្ចវិញគឺនៅក្នុងរង្វង់៦ ភាគរយនៅឆ្នាំនេះ និង ៦,១ ភាគរយនៅឆ្នាំ២០២៥ ៕ ដោយ ៖ ស ផាន់
ចែករំលែកព័តមាននេះ