រាជធានីភ្នំពេញ ៖ ផ្ទះទឹកបែចិញ្ចឹមត្រី ផ្ទះតូចៗ និងសំណង់មិនរៀបរយនៅលើផ្ទៃទឹកទន្លេសាបក្នុងភូមិគ្រួស សង្កាត់សំរោង ខណ្ឌព្រែកព្នៅ នៅតែបន្តអណ្តែតខ្លួនត្រៀមត្រាលើផ្ទៃទឹក កំពុងតែបង្កអោយប៉ះពាល់ដល់សោភ័ណភាពរាជធានីភ្នំពេញ និងបរិស្ថានយ៉ាងខ្លាំង…
រាជធានីភ្នំពេញ ៖ ផ្ទះទឹកបែចិញ្ចឹមត្រី ផ្ទះតូចៗ និងសំណង់មិនរៀបរយនៅលើផ្ទៃទឹកទន្លេសាបក្នុងភូមិគ្រួស សង្កាត់សំរោង ខណ្ឌព្រែកព្នៅ នៅតែបន្តអណ្តែតខ្លួនត្រៀមត្រាលើផ្ទៃទឹក កំពុងតែបង្កអោយប៉ះពាល់ដល់សោភ័ណភាពរាជធានីភ្នំពេញ និងបរិស្ថានយ៉ាងខ្លាំង ខណៈពេលដែលអាជ្ញាធរបានពន្យារពេលនៅក្នុងការរុះរើនោះ ។
ទោះបីជាយ៉ាងណា រហូតមកដល់ថ្ងៃទី០៧ ខែឧសភា ឆ្នាំ២០២៤ នេះ គឺនៅដល់តែ១និង៥ថ្ងៃនោះទេ ដល់ថ្ងៃឱសានវាទហើយ តើអាជ្ញាធរមានវិធានការយ៉ាងណា? ឬមួយពន្យារពេលអោយទៀត។
តាមប្រជាពលរដ្ឋនៅរស់នៅភូមិគ្រួស បានអោយដឹងថា ផ្ទះទឹកបែចិញ្ចឹមត្រីរបស់ជនជាតិវៀតណាមទាំងនោះ ធ្វើអោយប៉ះពាល់ដល់បរិស្ថាន និងសោភ័ណភាពយ៉ាងធ្ងន់ធ្ងរ បន្ទាប់ពីបន្ទាប់ពីអាជ្ញាធរ បានប្រើកម្លាំងអនុវត្តវិធានការរដ្ឋបាលរុះរើយ៉ាងក្រៅគគុក កាលពីថ្ងៃទី១២ ខែមិថុនាឆ្នាំ ២០២១ កន្លងមក ហើយបណ្តេញបែត្រីនឹងផ្ទះទឹកទាំងនោះបានចលត មកចតត្រៀបត្រា នៅមាត់ទន្លេសាបក្រោយវត្តគ្រួស។
ការចល័តបែចិញ្ចឹមនេះ ធ្វើឡើងតាមការណែនាំរបស់អាជ្ញាធរ ដើម្បីទុកពេល អោយម្ចាស់បែ ចិញ្ចឹមត្រីធំសិន តែម្ចាស់បែរចិញ្ចឹមត្រីទាំងនោះ បានបន្តដាក់កូនត្រីចិញ្ចើមឡើងវិញ ។ តាមប្រជាពលរដ្ឋម្នាក់បានអោយដឹងថា ចាប់តាំងពីផ្ទះទឹកបែចិញ្ចឹមត្រី ផ្ទះតូចៗនិងសំណង់មិនរៀបរយចលតមកតាំងទីលំនៅក្នុងតំបន់នោះ ប្រជាពលរដ្ឋលែងបានប្រើប្រាស់ទឹកទន្លេ ។
មិនតែប៉ុណ្ណោះ នៅក្នុងភូមិត្រង់ចំណុចកំពុងទំលាក់ចំណីត្រីធំក្លិនស្អុយ ឆ្អាបសាយភាយ ព្រោះទាំងយប់ទាំងថ្ងៃ ជនជាតិវៀតណាមបានដឹកចំណីត្រីរួមមាន៖ ក្បាលត្រី,កាកសំណល់, ពោះវៀនមាន់ ទា ជ្រូកស្អុយៗជាដើមយកទៅអោយត្រីស៊ី ជ្រុះធំក្លិនស្អុយអាសោច។
តាមលោកពូម្នាក់ ដែលជាអ្នកចិញ្ចឹមដែរនោះ បានអោយកោះសន្តិភាពដឹងថា បែចិញ្ចឹមត្រីទាំងនោះដើមឡើយបានអូសទៅវៀតណាម នៅពេលដែលអាជ្ញាធរ បានប្រើកម្លាំរុះរើហើយអាជ្ញាធរវៀតណាមហាមឃាត់នៅជាប់ព្រំប្រទល់។ នៅពេលស្ងប់ស្ងាត់ក៍បានអូសត្រឡប់មកវិញមកប្រមូលផ្តុំគ្នានៅភូមិគ្រួសនេះ។
តាមអ្នកចិញ្ចឹមត្រីរូបនោះបានអោយដឹងទៀតថា ដោយមានការស្នើសុំ អាជ្ញាធរបានទុកពេល៦ខែចាំត្រីធំសិនក្រោយមកមានអន្តរាគមន៍ពីស្ថានទូតវៀតណាមសុំពន្យាពេល៣ឆ្នាំ ហើយពេលនេះ នៅសល់តែ ជាង១ខែទៀត។
តាមអាជ្ញាធរមូលដ្ឋានបានអោយដឹងថា ពុំដឹងថ្ងៃណានោះទេ បានមានវិធានការណ៍រុះរើបែចិញ្ចឹមត្រី ផ្ទះបណ្តែតទឹក ផ្ទះតូចៗ និង សំណង់មិនរៀបរយនៅលើផ្ទៃទន្លេទាំងនោះរងចាំតែថ្នាក់លើ ។
តាមអាជ្ញាធរ បានអោយដឹងទៀតថា បែចិញ្ចឹមត្រី ផ្ទះបណ្តែតទឹក ផ្ទះតូចៗ និង សំណង់មិនរៀបរយទាំងនោះមុនដំបូងមានចំនួន២៧០ខ្នង ហើយបើតាមការចុះធ្វើស្ថិតិរបស់នគរបាលអន្តោរប្រវេសន៍ នៃអធិការដ្ឋាននគរបាលខណ្ឌព្រែកព្នៅ កាលពីកំឡុងខែកុម្ភះឆ្នាំ២០២៤ ផ្ទះទឹក សល់ចំនួន១០៧ផ្ទះ,បែចិញ្ចឹមត្រីចំនួន១៥២បែ, សរុបចំនួន១០៩គ្រួសារ មនុស្សចំនួន៤៤៧នាក់,ស្រីចំនួន២១៩នាក់, អាយុ១៨ឆ្នាំឡើងចំនួន៣០៨នាក់ ,។នៅក្នុងនោះជនជាតិខ្មែរចំនួន០៨គ្រួសារ, ជនជាតិខ្មែរអ៊ីស្លាមចំនួន៤គ្រួសារនិងជនជាតិវៀតណាម ៩៧គ្រួសារ។
តាមបញ្ជី រាយនាមគ្រួសារជនបរទេសអន្តោរប្រវេសវៀតណាមលើផ្ទះទឹក ក្នុងភូមិ គ្រួស សង្កាត់សំរោងខណ្ឌព្រែកព្នៅ បានអោយដឹងទៀតថា ជនជាតិវៀតណាមទាំងនោះ សុទ្ធតែមានឯកសារប្រើប្រាស់ ស្នាក់នៅ ជាជនអន្តោប្រវេសស្របច្បាប់។
គួរបញ្ជាក់ថា កាលពីថ្ងៃទី១២ ខែមិថុនា ឆ្នាំ២០២១កន្លងមក អាជ្ញាធរខណ្ឌទាំង៦នៅជាប់ដងទន្លេ បានប្រើកម្លាំងអនុវត្តន៍វិធានការរដ្ឋបាលរុះរើ បែចិញ្ចឹមត្រី ផ្ទះបណ្តែតទឹក ផ្ទះតូចៗ និងសំណង់មិនរៀបរយនៅលើផ្ទៃទន្លេ ដើម្បីបើកផ្លូវនាវាចរ កុំអោយប៉ះពាល់ដល់ប្រព័ន្ធអេកូឡូហ្ស៊ី មានចរន្តទឹកហូរ គោករាក់ ពិសេសកុំអោយបន្តការប្រើប្រាស់ចំណីសម្រាប់ចិញ្ចឹមត្រី និងការបញ្ចេញកាកសំណល់ ការបន្ទោបង់ពាសវាលពាសកាលក្នុងទន្លេ ធ្វើឱ្យខូចខាតយ៉ាងធ្ងន់ធ្ងរដល់ជីវៈចម្រុះក្នុងទឹក ខូចគុណភាពទឹក បំពុលបរិស្ថាន និងប៉ះពាល់ដល់សោភ័ណរភាពរាជធានីភ្នំពេញ ព្រមទាំងប៉ះពាល់ដល់សុខភាពប្រជាពលរដ្ឋ ដែលបានប្រើប្រាស់ទឹកមិនស្អាតផងដែរ។
ការប្រើវិធានការរដ្ឋបាលនេះ ទទួលបាននូវការគាំទ្រពីមហាជនយ៉ាងខ្លាំង ហើយ អាជ្ញាធរបានចាតទុកថា ការអនុវត្តវិធាន ការរៀបចំសណ្ដាប់ធ្នាប់លើផ្ទៃទន្លេបានប្រព្រឹត្តទៅយ៉ាងរលូននិងទទួលបានជោគជ័យ ។ នេះបើតាមការបញ្ជាក់ឲ្យដឹងនៅក្នុងកិច្ចប្រជុំ សាមញ្ញលើកទី២៦របស់ក្រុមប្រឹក្សារាជធានីភ្នំពេញក្រោមវត្តមានលោកប៉ា សុជាតិវង្សប្រធានក្រុមប្រឹក្សារាជធានីភ្នំពេញនិងលោកមាន ចាន់យ៉ាដា អភិបាលរងរាជធានីភ្នំពេញនិងជាតំណាងឲ្យលោកឃួង ស្រេង អភិបាលរាជធានីភ្នំពេញ កាលពីដើមខែកក្កដា ឆ្នាំ២០២១កន្លង។
កាលនោះ លោកមាន ចាន់យ៉ាដា បានមានប្រសាសន៍ឲ្យដឹងថា រាជធានីភ្នំពេញមានខណ្ឌចំនួន០៦ ដែលមានផ្ទះបណ្ដែតទឹក បែត្រីនិងសំណង់មិនរៀបរយនៅតាមដងទន្លេ ដែលមានចំនួន១៤៧២ទីតាំង ចែកចេញជា៤ប្រភេទ ក្នុងនោះមានប្រភេទជា បែត្រី សំណង់មិនរៀបរយ ដៃត្រីនិងទូកនេសាទ។
អាជ្ញាធរក៏បានបញ្ជាក់ថា នៅក្នុងយុទ្ធនាការរុះរើបងប្អូនប្រជាពលរដ្ឋបានស្ម័គ្រចិត្តរុះរើបានចំនួន១២៤២ទីតាំង។ នៅសល់មួយចំនួន អាជ្ញារបានរៀបចំឲ្យពួកគាត់ចិញ្ចឹមត្រីជាបណ្តោះអាសន្នចំនួន២ទីតាំងផ្សេងគ្នា,ទី១ នៅជាប់ព្រំប្រទល់រវាងស្រុកពញាឮនិងខណ្ឌព្រែកព្នៅ មានចំនួន១៩៤ទីតាំងនិងទីតាំងទី២ នៅជាប់និងស្រុកលើកដែកចំនួន១៩ទីតាំងហើយកំពុងតែរុះរើជាបណ្តើរ។
ការអនុវត្តនូវវិធានការរដ្ឋបាល ក្នុងការរៀបចំសណ្តាប់ធ្នាប់របៀបរៀបរយនៅតាមដងទន្លេនៅរាជធានីភ្នំពេញនេះទទួលបានជោគជ័យ គឺដោយសារ យើងបានសហការគ្នាល្អជាមួយដៃគូពាក់ព័ន្ធនិងមានការគាំទ្រពីមហាជនយ៉ាងពេញទំហឹង។
ទោះបីជាយ៉ាងណា នៅមានបែត្រី ដែលអាជ្ញាធរអះអាងថានៅសល់ប្រមាណ២០០ទៀត បន្តនៅចតត្រៀមត្រាតាំងលំអរាជធានីភ្នំពេញ រហូតមកដល់ពេលនេះជិត៣ឆ្នាំមកហើយ ៕
ចែករំលែកព័តមាននេះ