រាជធានីភ្នំពេញ ៖ អគ្គនាយកដ្ឋានសុខភាពសត្វ និងផលិតកម្មសត្វ កម្លាំងដេញចាប់បានរថយន្ត០២គ្រឿង ដឹកស៊ុតមាន់ ៧ម៉ឺន៥ពាន់គ្រាប់ ដែលបម្រុងចូលរាជធានីភ្នំពេញ គោលដៅលក់បន្តចែកចាយដោយមិនមានលិខិតបព្ជាក់អ្វីនោះឡើយ ។…
រាជធានីភ្នំពេញ ៖ អគ្គនាយកដ្ឋានសុខភាពសត្វ និងផលិតកម្មសត្វ កម្លាំងដេញចាប់បានរថយន្ត០២គ្រឿង ដឹកស៊ុតមាន់ ៧ម៉ឺន៥ពាន់គ្រាប់ ដែលបម្រុងចូលរាជធានីភ្នំពេញ គោលដៅលក់បន្តចែកចាយដោយមិនមានលិខិតបព្ជាក់អ្វីនោះឡើយ ។
ប្រតិបត្តិការណ៍ស្ទាក់ចាប់នេះដែរ ធ្វើឡើងកាលពីវេលាម៉ោង០៨និង៣០នាទីយប់ នាថ្ងៃទី២៦ ខែមិថុនា ឆ្នាំ២០២៥ នៅគោលដៅចំនួន០២ផ្សេងគ្នា ក្នុងភូមិសាស្ត្រ រាជធានីភ្នំពេញ ។
យោងតាមការបញ្ចាក់ពីក្រុមអន្តរាគមន៍បង្ក្រាបបទល្មើសចលនាសត្វ នៃអគ្គនាយកដ្ឋានសុខភាពសត្វ និងផលិតកម្មសត្វ បានចុះឃាត់ចាប់រថយន្ត ២គ្រឿង ម៉ាក SSANGYONG ISTANA ដូចគ្នា ។
ប្រភពដដែលបន្តថា រថយន្តម៉ាកសាំយ៉ុង ទាំង០២គ្រឿងនេះ បានដឹកស៊ុតមាន់ ចេញពីប្រទេសវៀតណាម តាមច្រកស្វាយអាង៉ោង ស្រុកកំពង់ត្របែក ខេត្តព្រៃវែង ឆ្ពោះមកលក់ចែកចាយនៅរាជធានីភ្នំពេញ ដោយមិនមានលិខិតបព្ជាក់អ្វីនោះឡើយ ។
ក្នុងនោះ រថយន្តទាំង០២គ្រឿង ត្រូវបានកម្លាំងជំនាញ ឃាត់បាននៅខណ្ឌច្បារអំពៅ ១គ្រឿង និងខណ្ឌដង្កោ ១គ្រឿង ហើយដកហូតបានស៊ុតមាន់ ២៥០ដុំស្មើ ៧៥,០០០គ្រាប់ ។
ក្រោយឃាត់រួចមក មន្ត្រីជំនាញ បាននាំយកវត្ថុតាងនៃបទល្មើស ទៅរក្សាទុកនៅទីតាំងចត្តាឡីស័កសត្វរបស់អគ្គនាយកដ្ឋានសុខភាពសត្វ និងផលិតកម្មសត្វ ដើម្បីអនុវត្តន៍តាមនីតិវិធីច្បាប់ ៕
ចែករំលែកព័តមាននេះ