រាជធានីភ្នំពេញ ៖ ចាប់ផ្តើមភ្លៀងប៉ុន្មានមេនៅភ្នំពេញ ស្រាប់តែបាក់ដើមអំពិលមួយដើមរលំសង្កត់ទៅលើបង្គោលភ្លើងបណ្ដាលឲ្យបង្គោលភ្លើងបាក់បន្តទៀត តែសំណាងល្អមិនបណ្ដាលឲ្យអ្នកធ្វើដំណើររងរបួសនោះឡើយ ។ ហេតុការណ៍នេះបានកើតឡើង នៅវេលាម៉ោង០១និង៤៥នាទីរសៀល ថ្ងៃទី០៧ ខែឧសភា…
រាជធានីភ្នំពេញ ៖ ចាប់ផ្តើមភ្លៀងប៉ុន្មានមេនៅភ្នំពេញ ស្រាប់តែបាក់ដើមអំពិលមួយដើមរលំសង្កត់ទៅលើបង្គោលភ្លើងបណ្ដាលឲ្យបង្គោលភ្លើងបាក់បន្តទៀត តែសំណាងល្អមិនបណ្ដាលឲ្យអ្នកធ្វើដំណើររងរបួសនោះឡើយ ។
ហេតុការណ៍នេះបានកើតឡើង នៅវេលាម៉ោង០១និង៤៥នាទីរសៀល ថ្ងៃទី០៧ ខែឧសភា ឆ្នាំ២០២៤ ស្ថិតនៅតាមណ្ដោយផ្លូវលេខ២៤០ ក្បែរ និងមន្ទីរពេទ្យគន្ធបុប្ផា មូលដ្ឋានសង្កាត់ចតុមុខ ខណ្ឌដូនពេញ រាជធានីភ្នំពេញ ។
បើតាមប្រភពព័ត៏មានពីប្រជាពលរដ្ឋធ្វើដំណើរឆ្លងកាត់បានប្រាប់អោយដឹងថា គាត់បានធ្វើដំណើរឆ្លងកាត់តាមបណ្តោយផ្លូវ២៤០នេះទៅធ្វើការជារៀងរាល់ថ្ងៃ ខណៈពេលមកដល់វេលាម៉ោងកើតហេតុ ស្របពេលនោះគាត់បានឆ្លងកាត់ចំណុចបាក់ដើមអំពិលខាងលើផុតបានបន្តិច ក៏ស្រាប់តែឮសំឡេងបាក់ដើមឈើយ៉ាងខ្លាំង ភ្លាមៗនោះគាត់បានឈប់ម៉ូតូ ដើម្បីមើលនិងបានឃើញដើមអំពិលមួយដើមបានរលំមកសង្កត់ និងខ្សែភ្លើងបណ្តាលបាក់បង្គោលភ្លើងមួយដើមបន្ថែមទៀត ។ ក្នុងហេតុការណ៍នោះដែរ មិនបានបង្កអោយមានមនុស្សរងរបួសនោះឡើយ ។
បន្ទាប់ពីបាក់ដើមឈើក៏ឃើញមានវត្តមានលោក ជា ខេមា អភិបាលខណ្ឌដូនពេញបានចុះមកដល់ទីតាំងផ្ទាល់តែម្តង ។ ភ្លាមៗលោក អភិបាល បានទំនាក់ទំនងទៅក្រសួងសាធារណការអោយជួយចុះមកទីតាំងកើតហេតុផងដែរ ។
ក្រោយពេលកើតហេតុ ក្រសួងសាធារណការ និងដឹកជញ្ជូន បានចុះមកដល់ រួចធ្វើការកាត់ដើមអំពិលចេញ និងជួសជុលបង្គោលភ្លើងឡើងវិញ កុំអោយមានការកកស្ទះចរាចរណ៍ដល់ បងប្អូនប្រជាពលរដ្ឋធ្វើដំណើរ ៕ ដោយ ៖ រដ្ឋា
ចែករំលែកព័តមាននេះ