ADផ្ទាំងផ្សព្វផ្សាយពាណិជ្ជកម្ម

Picture

​អ្នកលក់ចាប់ហួយបញ្ចូលសាំងដាក់ដប ក្បែរចង្ក្រាន​បាយ ក្លាយជា​គ្រោះផ្អើល​អ្នកភូមិ​

4 អាទិត្យ មុន
  • សៀមរាប

ខេត្តសៀមរាប ៖ មានករណីអគ្គីភ័យឆាប​ឆេះ​តូបលក់សាំង​ដាក់ដប និងអីវ៉ាន់ចាប់​ហួយមួយកន្លែង

ខេត្តសៀមរាប ៖ មានករណីអគ្គីភ័យឆាប​ឆេះ​តូបលក់សាំង​ដាក់ដប និងអីវ៉ាន់ចាប់​ហួយមួយកន្លែង បណ្ដាលឱ្យ​ស្ត្រីជា​ម្ចាស់​តូបរង​របួស​ធ្ងន់ ខណៈជនរងគ្រោះ​បញ្ចូល​សាំងដាក់​ដប និង​មានចង្ក្រានហ្គាសនៅជិតផង ទើប​បង្ក​ឱ្យមានការ​ឆាបឆេះ និង​ភ្ញាក់ផ្អើល​​ដល់អ្នកភូមិរត់មកជួយ​​តែម្តង​​ ។

ហេតុការណ៍​​ខាងលើនេះ​បានបង្កការភ្ញាក់​ផ្អើលកើតឡើង​កាលពី​វេលាម៉ោង៥និង​៣០​នាទី​ព្រឹក​ថ្ងៃទី ១៩ ខែឧសភា ឆ្នាំ២០២៤ ស្ថិតនៅក្នុងភូមិដំរីឆ្លង ឃុំសង្វើយ ស្រុកជីក្រែង ខេត្តសៀមរាប។

លោក​វរសេនីយ៍ ឯក រង លីហេង អធិការនគរបាលស្រុកជីក្រែង បាន​​​ឱ្យដឹង​នៅវេលាម៉ោង​៨​និង​៤៨ នាទីព្រឹកថ្ងៃទី​១៩ ខែឧសភា ឆ្នាំ ២០២៤ នេះថា ម្ចាស់តូប​​​រងគ្រោះ​ឈ្មោះ លី ណេត ភេទស្រី អាយុ ៦៣ ឆ្នាំ រស់នៅ​ភូមិ​ឃុំ​កើតហេតុខាងលើ ។

លោកអធិការនគរបាលស្រុកជីក្រែងបាន​​បន្តថា មុនពេលកើតហេតុ ជនរងគ្រោះ​បានវាល់សាំងដាក់ដបលក់ ហើយមានចង្ក្រានដាំបាយនៅក្បែរផងនោះ​ ទើបធ្វើឱ្យ​ឆាបឆេះ​​​ជនរងគ្រោះរលាកពេញខ្លួន បណ្ដាលឱ្យរបួសធ្ងន់ ត្រូវ​បញ្ជូនទៅសង្គ្រោះ​នៅ​មន្ទីរពេទ្យបង្អែកស្រុកសូទ្រនិគម ។ ប៉ុន្តែករណីឆេះនេះមិនបណ្ដាលឱ្យខូចខាតទ្រព្យសម្បត្តិទេ គឺដោយសារប្រជាពលរដ្ឋជួយពន្លត់ទាន់ ។

បច្ចុប្បន្ន ជនរងគ្រោះ​កំពុងសម្រាកព្យាបាលនៅមន្ទីរពេទ្យបង្អែកស្រុកសូទ្រនិគម​នៅឡើយ ៕

អត្ថបទសរសេរ ដោយ

កែសម្រួលដោយ