រាជធានីភ្នំពេញ ៖ សម្តេចតេជោ ហ៊ុន សែន ប្រមុខរដ្ឋស្តីទី បានប្រកាសធានារ៉ាប់រងលើការព្យាបាលជំងឺខូចតម្រង់នោមដំណាក់កាលចុងក្រោយរបស់អ្នកគ្រូ ម៉ូវ សុផាន់ ។…
រាជធានីភ្នំពេញ ៖ សម្តេចតេជោ ហ៊ុន សែន ប្រមុខរដ្ឋស្តីទី បានប្រកាសធានារ៉ាប់រងលើការព្យាបាលជំងឺខូចតម្រង់នោមដំណាក់កាលចុងក្រោយរបស់អ្នកគ្រូ ម៉ូវ សុផាន់ ។
នៅយប់ថ្ងៃទី១៧ ខែឧសភា ឆ្នាំ២០២៦ សម្តេចតេជោ ហ៊ុន បានសរសេលើបណ្តាញសង្គមយ៉ាងដូច្នេះថា៖ «មានបងប្អូនអ្នកចិត្តបុណ្យជាច្រើនបានអំពាវនាវជួយដល់អ្នកគ្រូដែលកំពុងមានជំងឺដែលត្រូវការជំនួយជាចាំបាច់ ។
សម្តេចតេជោបានឱ្យដឹងថា មុននេះបន្តិច ខ្ញុំរកឃើញអ្នកជំងឺនេះហើយតាមរយៈ ឯកឧត្តម សេង ទៀង ។ ចាប់ពីពេលនេះទៅ ខ្ញុំទទួលរ៉ាប់រងក្នុងការព្យាបាលទាំងស្រុង។
សម្តេចបានលើកឡើងទៀតថា ថ្ងៃស្អែក ឯកឧត្តម សេង ទៀង នឹងទៅជួបអ្នកគ្រូ ដើម្បីពិភាក្សារកដំណោះស្រាយដែលពេលនេះ មានពន្លឺខ្លះហើយ បន្ទាប់ពីបានពិភាក្សាជាមួយវេជ្ជបណ្ឌិត គង់ សន្យា ប្រធានមន្ទីរពេទ្យកាល់ម៉ែត ។
សូមជម្រាបថា ការប្រកាសជួយពីសម្តេចតេជោ បន្ទាប់ពីអ្នកគ្រូដែលទើបប្រឡងជាប់គ្រូកិច្ចព្រមព្រៀង ឈ្មោះ ម៉ូវ សុផាន់ អាយុ២៦ឆ្នាំ បានលើកដៃម្រាមដប់សំពះស្នើយ៉ាងទទូចនៅលើបណ្តាញសង្គម ដើម្បីផ្ញើសារទៅកាន់ឧបនាយករដ្ឋមន្ត្រី ហ៊ុន ម៉ានី រដ្ឋមន្ត្រីក្រសួងមុខងារសាធារណៈ មេត្តាជួយឧបត្ថម្ភការព្យាបាលជំងឺខូចតម្រងនោមដំណាក់កាលចុងក្រោយផង។
អ្នកគ្រូកំពុងបង្រៀននៅខេត្តព្រៃវែង បានចំនួន៤ខែ ស្រាប់តែធ្លាក់ខ្លួនឈឺ អ្នកគ្រូ ម៉ូវ សុផាន់ បានដាក់ច្បាប់ចំនួន៣ខែ ដោយសារឈឺធ្វើទុក្ខរហូត ។ យុវតីដែលកំព្រាម្តាយតាំងពីវ័យក្មេងរូបនេះ បាននិងកំពុងព្យាបាលជំងឺចំនួន២ខែមកហើយ ៕
ចែករំលែកព័តមាននេះ