ខេត្តកោះកុង ៖ ក្មេងស្រី ដែលផុងកៀបជើងម្ខាង ជាប់គន្លៀតថ្ម នៅទឹកជ្រោះតាតៃ ត្រូវបានសង្គ្រោះរួចផុតពីគ្រោះថ្នាក់ហើយ ។ នេះបើយោងតាមផេករដ្ឋបាលខេត្តកោះកុង បានប្រកាសនារសៀលថ្ងៃទី១៧…
ខេត្តកោះកុង ៖ ក្មេងស្រី ដែលផុងកៀបជើងម្ខាង ជាប់គន្លៀតថ្ម នៅទឹកជ្រោះតាតៃ ត្រូវបានសង្គ្រោះរួចផុតពីគ្រោះថ្នាក់ហើយ ។ នេះបើយោងតាមផេករដ្ឋបាលខេត្តកោះកុង បានប្រកាសនារសៀលថ្ងៃទី១៧ ខែឧសភានេះ។
រដ្ឋបាលខេត្តកោះកុង បានបន្តថា សូមជម្រាបជូនសាធារណជន មេត្តាជ្រាបថា កាលពីព្រឹកថ្ងៃទី១៧ ខែឧសភា ឆ្នាំ២០២៦ វេលាម៉ោង ប្រហែលជាម៉ោងថ្ងៃត្រង់ មានករណីក្មេងស្រីជំទង់ម្នាក់ ទៅលេងទឹកជ្រោះ បានរអិល ហើយកៀបជាប់ជើងម្ខាង ក្នុងចម្លោះថ្ម ។ ក្រោយពីមានការអន្តរាគមន៍ជួយសង្គ្រោះពីកម្លាំងសមត្ថកិច្ច អាជ្ញាធរឃុំ ស្រុក និងបងប្អូនប្រជាពលរដ្ឋ ក្មេងស្រីរងគ្រោះបានរួចផុតពីគ្រោះថ្នាក់ហើយ ។
ក្នុងឱកាសនេះផងដែរ លោកជំទាវអភិបាលខេត្ត អំពាវនាវចំពោះបង ប្អូនជាភ្ញៀវទេសចរជាតិ អន្តរជាតិ ដែលអញ្ជើញទៅកម្សាន្តនៅតាមទឹកធ្លាក់ ទឹកជ្រោះនានា សូមប្រុងប្រយ័ត្នឱ្យបានខ្ពស់បំផុត ជាពិសេសក្នុងរដូវវស្សានេះ ដើម្បីជៀសផុតពីការរអិល ការជាប់ផុង និងគ្រោះថ្នាក់ផ្សេងៗ និងសូមផ្ដល់ព័ត៌មានមកអាជ្ញាធរឃុំ សង្កាត់ ក្រុង ស្រុក និងសមត្ថកិច្ចពាក់ព័ន្ធជាបន្ទាន់ ក្នុងករណីមានបញ្ហាកើតឡើង ជាយថាហេតុ៕
ចែករំលែកព័តមាននេះ