ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនជាតិឥណ្ឌូនេស៊ីម្នាក់ចោទប្រកាន់ធ្វើសកម្មភាពលួចគាស់តូបប្តូរលុយយកបាន១ម៉ឺនបាតនិងទូរស័ព្ទ៥គ្រឿងត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី១៦ ខែឧសភា ឆ្នាំ២០២៦។ លោកអនុសេនីយ៍ឯក តិល តៃលីវ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យមានឈ្មោះ កា…
ខេត្តបន្ទាយមានជ័យ ៖ កម្លាំងកងរាជអាវុធហត្ថឃាត់ខ្លួនជនជាតិឥណ្ឌូនេស៊ីម្នាក់ចោទប្រកាន់ធ្វើសកម្មភាពលួចគាស់តូបប្តូរលុយយកបាន១ម៉ឺនបាតនិងទូរស័ព្ទ៥គ្រឿងត្រូវបានបញ្ជូនទៅសាលាដំបូងខេត្តបន្ទាយមានជ័យនៅថ្ងៃទី១៦ ខែឧសភា ឆ្នាំ២០២៦។
លោកអនុសេនីយ៍ឯក តិល តៃលីវ មេបញ្ជាការកងរាជអាវុធហត្ថក្រុងប៉ោយប៉ែតបានប្រាប់ថា៖ជនសង្ស័យមានឈ្មោះ កា រ៉ាន ភេទប្រុសអាយុ២៧ឆ្នាំ(ជនជាតិឥណ្ឌូនេស៊ី)ស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
លោកបានបញ្ជាក់ថា៖ក្រោយទទួលពាក្យបណ្តឹងឈ្មោះ ណាន ចាន់នី ភេទស្រីអាយុ២៥ឆ្នាំ(មុខរបបប្តូរប្រាក់)រស់នៅភូមិស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត បានប្តឹងជនសង្ស័យឈ្មោះ កា រ៉ាន (ជនជាតិឥណ្ឌូនេស៊ី)ដែលធ្វើសកម្មភាពលួចគាត់ទ្វាតូបប្តូរលុយយកអស់ចំនួន១ម៉ឺនបាត និងទូរស័ព្ទ៥គ្រឿងដែលធ្វើសកម្មភាពកាលពីថ្ងៃទី១៣ ខែឧសភា ឆ្នាំ២០២៦នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត។
លោកអនុសេនីយ៍ឯក តិល តៃលីវ បានបញ្ជាក់ថា៖ក្រោយកម្លាំងជំនាញទទួលបណ្តឹងហើយបានស្រាវជ្រាវតាមរយៈកាំម៉េរ៉ាសុវត្ថិភាពបានឃាត់ខ្លួនជនសង្ស័យ១នាក់ដែលជនជាតិឥណ្ឌូនេស៊ីកាលពីថ្ងៃទី១៤ ខែឧសភា ឆ្នាំ២០២៦នៅចំណុចភូមិស្នាក់នៅភូមិសាមគ្គីមានជ័យ សង្កាត់អូរជ្រៅ ក្រុងប៉ោយប៉ែត ហើយនាំយកសាកសួរតាមចម្លើយសារភាពត្រូវបានបញ្ជូនទៅសាលាដំបូងខេត្តបន្ទាយមានជ័យអនុវត្តតាមនីតិវិធីច្បាប់៕(ប៊ុន ធឿន)
ចែករំលែកព័តមាននេះ