ក្រសួងធនធានទឹក និងឧតុនិយម បានអះអាងថា សម្ពាធទាបដែលកើតនៅលើសមុទ្រចិនខាងត្បូង មានឥទ្ធិពលលើរបបខ្យល់មូសុងនិរតីដែលបក់លើឈូងសមុទ្របេងហ្គាល សមុទ្រអាន់ដាម៉ាន់ អាងទន្លេមេគង្គ សមុទ្រកម្ពុជា និងកម្ពុជា ដូច្នេះភ្លៀង ខ្យល់កន្ត្រាក់ និងផ្គររន្ទះ កើនដល់៥០ភាគរយ ចាប់ពីថ្ងៃទី១៦ ដល់១៨ ខែមិថុនា ឆ្នាំ២០២៦ ។
ប្រភពដដែលបានអះអាងថា ស្ថានភាពអាកាសធាតុបែបនេះនឹងធ្វើឲ្យទំនាបកណ្តាលទទួលរងនូវបាតុភូត ភ្លៀង ខ្យល់កន្ត្រាក់ និងផ្គររន្ទះកើនឡើងខុសធម្មតាពោល គឺ៥០ភាគរយ នៅអំឡុងពេលខាងលើ ស្របពេលដែលនៅតំបន់ខ្ពង់រាបអាចកើតមាន៤០ភាគរយ ហើយនៅតំបន់មាត់សមុទ្រ គឺត្រឹម៣០ភាគរយទេ។
ទោះជាតំបន់មាត់សមុទ្របាតុភូតភ្លៀង ខ្យល់កន្ត្រាក់ និងផ្គររន្ទះ តិចជាតំបន់ដ៏ទៃក៏ពិតមែន ប៉ុន្តែរលកសមុទ្រអាចមានកម្ពស់ដល់ទៅ១,៥០ ម៉ែត្រឯណោះ ៕
ចែករំលែកព័តមាននេះ