រាជធានីភ្នំពេញ ៖ មណ្ឌលអប់រំកែប្រែទី១ (គុកព្រៃស) បានផ្ទេរជនជាប់ឃុំចំនួន១០០នាក់ ទៅឃុំខ្លួនបន្តនៅមណ្ឌលអប់រំកែប្រែទី៤ ក្នុងគោលបំណងកាត់បន្ថយភាពចង្អៀតណែន ។ នេះបើយោងតាមផេក អគ្គនាយកដ្ឋានពន្ធនាគារបានប្រកាសនាថ្ងៃរសៀលទី១៧…
រាជធានីភ្នំពេញ ៖ មណ្ឌលអប់រំកែប្រែទី១ (គុកព្រៃស) បានផ្ទេរជនជាប់ឃុំចំនួន១០០នាក់ ទៅឃុំខ្លួនបន្តនៅមណ្ឌលអប់រំកែប្រែទី៤ ក្នុងគោលបំណងកាត់បន្ថយភាពចង្អៀតណែន ។ នេះបើយោងតាមផេក អគ្គនាយកដ្ឋានពន្ធនាគារបានប្រកាសនាថ្ងៃរសៀលទី១៧ ខែឧសភានេះ ។
អគ្គនាយកដ្ឋានពន្ធនាគារ បានបន្តថា ដោយបានការអនុញ្ញាតជាគោលការណ៍ដ៏ខ្ពង់ខ្ពស់ពីឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្រី្តក្រសួងមហាផ្ទៃ អគ្គនាយកដ្ឋានពន្ធនាគារ សហការជាមួយនឹងសមត្ថកិច្ចគោលដៅពាក់ព័ន្ធរាជធានីភ្នំពេញ ខេត្តកណ្តាល ខេត្តកំពង់ឆ្នាំង និងខេត្តពោធិ៍សាត់ បានធ្វើការផ្ទេរ និងដឹកជញ្ជូនជនជាប់ឃុំ១០០នាក់ ចេញពីមណ្ឌលអប់រំកែប្រែទី១ ទៅឃុំបន្តនៅមណ្ឌលអប់រំកែប្រែទី៤ ។
ក្នុងកិច្ចប្រតិបត្តិការនេះ ក្រោមការចង្អុលបង្ហាញពីឯកឧត្ដម ឧត្ដមអគ្គានុរក្សលេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ បានចាត់លោក ឧត្តមអគ្គានុរក្សថ្នាក់លេខ១ មាន ថាវរិន្ធ ប្រធាននាយកដ្ឋានសន្តិសុខពន្ធនាគារ និងលោកឧត្តមអគ្គានុរក្ស.១ ឈឹម សុផានណារ៉ាតប្រធាននាយកដ្ឋានប្រតិបត្តិ ចុះបញ្ជាផ្ទាល់ដឹកនាំកម្លាំងប្រតិបត្តិការប្រកបដោយសុវត្ថិភាព ៕
ចែករំលែកព័តមាននេះ