កម្ពុជាបានរកឃើញគ្រាប់គ្រាប់បែកខ្នាតធំជាច្រើនគ្រាប់ដែលទម្លាក់ពីលើយន្តហោះអាមេរិកក្នុងសម័យសង្គ្រាម ហើយបានកម្ទេចវាចោល ។ គ្រាប់បែកខ្នាតធំនោះ ត្រូវបានគេជឿជាក់ថា ជារបស់ទាហានអាមេរិកប្រើប្រាស់នៅក្នុង សម័យសង្គ្រាមវៀតណាម នៅឥណ្ឌូចិនជាបន្តបន្ទាប់ ។ តាមសេចក្តីរាយការណ៍របស់មជ្ឈមណ្ឌលសកម្មភាពកម្ចាត់មីនកម្ពុជាបានឲ្យដឹងថា…
កម្ពុជាបានរកឃើញគ្រាប់គ្រាប់បែកខ្នាតធំជាច្រើនគ្រាប់ដែលទម្លាក់ពីលើយន្តហោះអាមេរិកក្នុងសម័យសង្គ្រាម ហើយបានកម្ទេចវាចោល ។ គ្រាប់បែកខ្នាតធំនោះ ត្រូវបានគេជឿជាក់ថា ជារបស់ទាហានអាមេរិកប្រើប្រាស់នៅក្នុង សម័យសង្គ្រាមវៀតណាម នៅឥណ្ឌូចិនជាបន្តបន្ទាប់ ។
តាមសេចក្តីរាយការណ៍របស់មជ្ឈមណ្ឌលសកម្មភាពកម្ចាត់មីនកម្ពុជាបានឲ្យដឹងថា គិតចាប់ពីខែមករាដល់ដើមខែឧសភា ឆ្នាំ២០២៤នេះ គ្រាប់បែកទម្លាក់ខ្នាតធំដែលបានរកឃើញ គឺមានប្រភេទ MK-82 ចំនូន៦គ្រាប់ និងប្រភេទ M117 មួយគ្រាប់។
គ្រាប់ទាំងនេះ គឺទម្លាក់ពីយន្តហោះអាមេរិកនៅសម័យសង្គ្រាម ។ គ្រាប់បែកប្រភេទធំដែល មានអនុភាពបំផ្លាញយ៉ាងគ្រោះថ្នាក់ទាំងនេះត្រូវបានរកឃើញនៅក្នុងភូមិសាស្ត្រខេត្តផ្សេងៗដូចជា កំពង់ចាម កំពង់ស្ពឺ កណ្តាល និងខេត្តព្រះសីហនុជាដើម ។ មកដល់ពេលនេះគេដឹងថា គ្រាប់បែកប្រភេទ MK-82 គឺជាគ្រាប់បែកដែលមានទម្ងន់សរុប ២៣០គីឡូក្រាម ខណៈដែលគ្រាប់បែកប្រភេទ M117 គឺមានទម្ងន់ប្រមាណជា៣៥០គីឡូក្រាម ។
តាមសេចក្តីរាយការណ៍បានឲ្យដឹងថា គ្រាប់បែកខ្នាតធំចុងក្រោយ ដែលបានរកឃើញ និងដោះបន្សាបនោះ រកឃើញនៅកន្លែងការដ្ឋានជីកប្រពន្ធ័ធារាសាស្ត្រទឹកស្រោចស្រពមួយកន្លែងដែលស្ថិតនៅភូមិសំពងជ័យ ឃុំសំពងជ័យ ស្រុកជើងព្រៃ ខេត្តកំពង់ចាម នៅក្រោមដីក្នុងជម្រៅជាង៤ម៉ែត្រ ហើយគេជឿជាក់ថា វាមានអាយុកាលជាង៥០ឆ្នាំមកហើយ ។
មកដល់ពេលនេះ កម្ពុជាជឿជាក់ថា មានគ្រាប់បែកពីលើអាកាសជាង៤លានតោន និងគ្រាប់ បែកចង្កោម២៧លានគ្រាប់ ត្រូវបានទម្លាក់លើទីតាំងចំនួន១១៥.២៧៣ កន្លែង នៅទូទាំង ប្រទេស ដោយបេសកកម្មទម្លាក់គ្រាប់បែករបស់សហរដ្ឋអាមេរិកនៅចន្លោះពីឆ្នាំ១៩៦៥ ដល់១៩៧៣ ។
ប្រទេសកម្ពុជា គឺជាប្រទេសមួយក្នុងចំណោមប្រទេសដ៏អាក្រក់បំផុតនៅលើពិភពលោកដែលរងគ្រោះដោយសារគ្រាប់មីន និងយុទ្ធភណ្ឌមិនទាន់ផ្ទុះ ដែលជាលទ្ធផលនៃសង្គ្រាម និងជម្លោះ ផ្ទៃក្នុងរយៈពេលបីទសវត្សរ៍ចាប់ពីពាក់កណ្តាលទសវត្សរ៍នៃឆ្នាំ១៩៧០ ដល់ចុងឆ្នាំ ១៩៩៨ ។
គិតចាប់ ពីឆ្នា១៩៧៩ដល់ខែកុម្ភៈ ឆ្នាំ២០២៤គ្រាប់មីន និងគ្រាប់មិនទាន់ផ្ទុះបានឆ.ក់យកជីវិតពលរដ្ឋកម្ពុជាចំនួន ១៩.៨២២នាក់ និងជាង៤ម៉ឺននាក់ទៀតរបួស និងពិការ ៕ ដោយ ស ផាន់
ចែករំលែកព័តមាននេះ