ឪពុកពិការដេកនឹងកន្ទេល ម្ដាយវ័យជាង៧០ឆ្នាំកាន់រូបថតកូនប្រុសគរ ដើរស្វែងរក ក្រោយបា.ត់ខ្លួនច្រើនថ្ងៃ
- កំពត
ខេត្តកំពត ៖ ស្ត្រីចំណាស់ម្នាក់ឈ្មោះតី ខុម អាយុ៧២ឆ្នាំ រស់នៅភូមិភ្នំខ្យង ឃុំប្រាសាទភ្នំខ្យង ស្រុក
ខេត្តកំពត ៖ ស្ត្រីចំណាស់ម្នាក់ឈ្មោះតី ខុម អាយុ៧២ឆ្នាំ រស់នៅភូមិភ្នំខ្យង ឃុំប្រាសាទភ្នំខ្យង ស្រុក
ខេត្តកំពត ៖ ស្ត្រីចំណាស់ម្នាក់ឈ្មោះតី ខុម អាយុ៧២ឆ្នាំ រស់នៅភូមិភ្នំខ្យង ឃុំប្រាសាទភ្នំខ្យង ស្រុកកំពង់ត្រាច ខេត្តកំពត បានកាន់រូបថតកូនប្រុសម្នាក់ឈ្មោះហេង ឆាយ អាយុ៣៥ឆ្នាំ ជាមនុស្សគរបានបាត់ខ្លួន កាលពីវេលាម៉ោង៣រសៀលថ្ងៃទី២ ឧសភា ឆ្នាំ២០២៤ ។
ការបាត់ខ្លួនកូនប្រុសគរបស់ស្ត្រីចំណាស់ខាងលើនោះ បានធ្វើឱ្យមានការចាប់អារម្មដល់មន្ត្រីនគរច្រកទ្វារទ្វេភាគីតន់ហន់ ដោយសារតែស្ត្រីចំណាស់រូបនោះបាននិយាយរៀបរាប់គួរឱ្យអាណិតពាក់ព័ន្ធនិងកូនប្រុសដែលជាមនុស្សគរ រស់នៅជាមួយម្ដាយចាស់ជរា និងឪពុកឈ្មោះហេង វឿន អាយុ៦៦ឆ្នាំពិការជើងរយៈពេល៣ឆ្នាំហើយដេកនៅតែលើកន្ទេល ។
ដោយសារតែចង់ដឹងព័ត៌មានកាន់តែជ្រាបច្បាស់ អ្នកយកព័ត៌មានបានចុះតាមមកដល់ផ្ទះ ទើបដឹងពិតប្រាកដថាគ្រួសារខាងលើពិតជាមានរឿងរ៉ាវដូចការរៀបរាប់របស់ស្ត្រីចំណាស់មែន។
កាលពីព្រឹកថ្ងៃទី៧ ឧសភា ស្ត្រីចំណាស់ដែលត្រូវជាម្ដាយកូនប្រុសគរ បាននិយាយប្រាប់ថា បុរសជាប្ដីពិការជើង ដែលគេរកឃើញថាជាជំងឺលើសឈាម ដេកនឹងកន្ទេលអស់រយៈពេល៣ឆ្នាំហើយ និងរូបគាត់ជាម្ដាយរបស់កូនប្រុសគរនោះក៏ជរាដែរ សង្ឃឹមតែលើកូនប្រុសគរធ្វើការសំណង់ចិញ្ចឹមឪពុកម្ដាយតែប៉ុណ្ណោះ ប៉ុន្តែឥឡូវបាត់ខ្លួនទៀត មិនដឹងជាទៅកន្លែងណា។
ស្ត្រីចំណាស់រូបនោះបាននិយាយប្រាប់បន្តថា គ្រួសារគាត់ក៏មានបណ្ណ័ក្រីក្រដែរ ប៉ុន្តែត្រូវបានចប់អាណត្តិ ហើយត្រូវធ្វើថ្មីឡើងវិញ ។
ស្ត្រីចំណាស់ដែលបាត់កូនប្រុសជាមនុស្សគរជាទីស្រឡាញ់របស់គាត់ និងបានដើរស្វែងរកគ្រប់ច្រកល្ហកនាប៉ុន្មានថ្ងៃចុងក្រោយនេះ ក៏នៅតែគ្មានដំណឹង បើបងប្អូនណាបានប្រទះឃើញ សូមជួយផ្ដល់ដំណឹងឱ្យគាត់ផង ៕
ចែករំលែកព័តមាននេះ