រាជធានីភ្នំពេញ ៖ គណបក្សខ្មែររួបរួមជាតិធ្វើសមាជប្រកាសទទួលលោក ញឹក ប៊ុនឆៃ ធ្វើជាប្រធានគណបក្សជំនួសលោក សឹង្គ គិរី ដែលប្រកាសលាឈប់ពីប្រធានដោយសារបញ្ហា សុខភាព ។
លោក រុន មេត្រា មន្ត្រីជាន់ខ្ពស់គណបក្សខ្មែររូបរួមជាតិបានឲ្យ កោះសន្តិភាព ដឹង នៅថ្ងៃទី៨ ខែមិថុនា ថានៅព្រឹកថ្ងៃទី៩ ខែមិថុនា វេលាម៉ោង៨ព្រឹក គណបក្សខ្មែររួបរួមជាតិ និង ធ្វើសមាជដើម្បីជ្រើសលោក ញឹក ប៊ុនឆៃ ធ្វើជាប្រធានគណបក្សជំនួសលោក សឹង្ហ គិរី វិញដែលសុំលាឈប់ពីប្រធានគណបក្សដោយសារបញ្ហាសុខភាព ។
លោក រុន មេត្រា បានបញ្ជាក់ឲ្យដឹងថា តាមទូរស័ព្ទថា «យើងធ្វើសមាជនឹងដើម្បីផ្លាស់ប្តូរប្រធានបក្សដោយសារលោក សឹង្ហ គិរី សុំលាឈប់សម្រាកមកពីបញ្ហាសុខភាព អីញ្ចឹងលោក ញឹក ប៊ុនឆៃ ទទួលធ្វើជាប្រធានឡើងវិញនៅថ្ងៃទី៩ ខែមិថុនា ឆ្នាំ២០១៨ វេលាម៉ោង៨ព្រឹក» ។
មន្ត្រីជាន់ខ្ពស់គណបក្សខ្មែររួបរួមជាតិរូបនេះក៏បានឲ្យដឹងថា ចំពោះបេក្ខភាពលោក សឹង្ហ គិរី និងទៅជាសមាជិកអចិន្ត្រៃយ៍គណបក្សវិញ ។ សម្រាប់សមាជរបស់គណបក្សបខ្មែររួបរួមជាតិនេះដែរលោក រុន មេត្រា បានអះអាងថា នឹងសមាជិកអ្នកគាំទ្រគណបក្សមកលើកដៃទទួលគាំទ្រលោក ញឹក ប៊ុនឆៃ ជាប្រធានគណបក្សប្រមាណ៦០០នាក់មកពីបណ្តារាជធានីខេត្តទូទាំងប្រទេស ៕
ចែករំលែកព័តមាននេះ