ជំនឿបែបរូបីក្តី អរូបីក្តី កាលពីដើមខ្មែរយើងជឿណាស់ ហើយធ្វើតាមមិនលម្អៀងឡើយ តែមកដល់សម័យបច្ចុប្បន្នហាក់ដូចជាមានការរំសាយចិត្តខ្លះ ប៉ុន្តែក៏គង់នៅធ្វើតាមលំអានចាស់ដដែល ។
ជំនឿលើឃ្មុំមកទំនៅក្នុងផ្ទះ ចាស់បុរាណបានកំណត់ថា បើសត្វឃ្មុំទាំងនោះមកទំបែកគ្នាគឺនៅត្រង់នេះមួយ ត្រង់នោះមួយ ឬខ្លះទំឯណោះ ខ្លះទំឯណេះ លោកថា សភាពឃ្មុំបែបនេះពុំល្អឡើយ ត្រូវរើផ្ទះចេញពីកន្លែងចាស់ ទៅនៅកន្លែងផ្សេង ទោះជាស្ថិតក្នុងបរិវេណដីផ្ទះដដែល គ្រាន់តែធ្វើយ៉ាងណាកុំឱ្យចំទីតាំងចាស់ទៅបានហើយ ។
តែបើវាមកនៅមួយដុំរួមគ្នា ទោះជាទំនៅទិសណាក្តី ក៏សឹងប្រសើរហោង តែត្រូវរៀបចំបូជាដូចក្បួនដំបូកដែរ គឺត្រូវធ្វើពែ៩ មានកន្ទោង១៥ ដាក់បង្អែម ចង្អាប ចេក អំពៅ លាជនិងគ្រឿសក្ការៈដទៃទៀតតាមការគួរ រួចធ្វើពិធីបូជានាំវត្ថុទាំងនោះទៅទិសបូព៌ រួចចាំដេញឃ្មុំនោះចេញពីផ្ទះ ម្ចាស់លំនៅឋាននឹងបានរស់នៅជាសុខតរៀងទៅ ។
ចែករំលែកព័តមាននេះ