សហរដ្ឋអាមេរិកនិងកូរ៉េខាងជើង ៖ សេតវិមានរាយការណ៍នាថ្ងៃទី៤ មិថុនាថា ប្រធានា ធិបតីអាមេរិកលោកដូណាល់ត្រាំ និងមេដឹកនាំកូរ៉េខាងជើងលោកគីមជុងអ៊ុន នឹងជួបគ្នានាថ្ងៃទី១២ មិថុនា វេលាម៉ោង៩ព្រឹកនៅសិង្ហបុរី…
សហរដ្ឋអាមេរិកនិងកូរ៉េខាងជើង ៖ សេតវិមានរាយការណ៍នាថ្ងៃទី៤ មិថុនាថា ប្រធានា
ធិបតីអាមេរិកលោកដូណាល់ត្រាំ និងមេដឹកនាំកូរ៉េខាងជើងលោកគីមជុងអ៊ុន នឹងជួបគ្នានាថ្ងៃទី១២ មិថុនា វេលាម៉ោង៩ព្រឹកនៅសិង្ហបុរី ។
ដោយប្រកាសពេលម៉ោងនៃការជួបគ្នាកំពូលជាប្រវត្តិសាស្ត្រនេះ អ្នកនាំពាក្យសេតវិមាន លោកស្រី SARAH SANDERS ថ្លែងថា ការរៀបចំនានាកំពុងតែបង្ហើយ ដោយក្រុមអ្នករៀបចំនៅសិង្ហបុរី។លោកស្រីក៏អះអាងផងដែរថា គណៈប្រតិភូមួយទៀតរបស់អាមេរិកដឹកនាំដោយឯកអគ្គរដ្ឋទូត លោកSUNG KIM បានធ្វើការចរចាខាងការទូតយ៉ាងវិជ្ជមានបំផុត ជាមួយបណ្ដាមន្ត្រីកូរ៉េខាងជើង នៅតំបន់ហាមមិនឲ្យមានកងទ័ព ដែលពុះចែកកូរ៉េទាំង២។ការរីកចម្រើនសំខាន់ៗត្រូវសម្រេចបាន ។
ម្យ៉ាងវិញទៀតអ្នកនាំពាក្យរូបនេះនិយាយថា លោកត្រាំចាត់ទុកសំខាន់ណាស់ សារលិខិតដែលលោកគីមជុងអ៊ុនផ្ញើជូនលោក តាមរយៈលោកKIM YONG CHOL ដៃស្ដាំមេដឹកនាំកូរ៉េខាងជើងនៅសេតវិមាន ។
លោកត្រាំអះអាងថាទិសដៅរបស់លោក គឺរារាំងកូរ៉េខាងជើងមិនឲ្យមានអាវុធនុយក្លេអ៊ែរ ។ ទោះបីយ៉ាងណាលោកបានបន្ទន់សំឡេង ដោយថា បញ្ហានោះនឹងពុំអាចដោះស្រាយបានក្នុងកិច្ចប្រជុំតែមួយបានទេ ។
ចំណែកកូរ៉េខាងជើងចង់ឲ្យមានការដោះស្រាយជាដំណាក់ៗ ហើយចង់ឲ្យទទួលបានការធានាមួយដល់សន្តិសុខរបស់ខ្លួនព្រមទាំងទទួលបានជំនួយសេដ្ឋកិច្ច ៕
ចែករំលែកព័តមាននេះ