អាមេរិកនឹងជំរុញឱ្យចិនទិញផលិតផលបន្ថែម
ទីក្រុងប៉េកាំង ៖ កាលពីថ្ងៃសៅរ៍ រដ្ឋមន្ត្រីពាណិជ្ជកម្មអាមេរិក លោក Wilbur Ross បានធ្វើដំណើរមកកាន់ប្រទេសចិន ដើម្បីជំរុញឲ្យប្រទេសចិនទិញផលិតផល និងថាមពលបន្ថែមទៀតពីសហរដ្ឋអាមេរិក…
ទីក្រុងប៉េកាំង ៖ កាលពីថ្ងៃសៅរ៍ រដ្ឋមន្ត្រីពាណិជ្ជកម្មអាមេរិក លោក Wilbur Ross បានធ្វើដំណើរមកកាន់ប្រទេសចិន ដើម្បីជំរុញឲ្យប្រទេសចិនទិញផលិតផល និងថាមពលបន្ថែមទៀតពីសហរដ្ឋអាមេរិក…
ទីក្រុងប៉េកាំង ៖ កាលពីថ្ងៃសៅរ៍ រដ្ឋមន្ត្រីពាណិជ្ជកម្មអាមេរិក លោក Wilbur Ross បានធ្វើដំណើរមកកាន់ប្រទេសចិន ដើម្បីជំរុញឲ្យប្រទេសចិនទិញផលិតផល និងថាមពលបន្ថែមទៀតពីសហរដ្ឋអាមេរិក បន្ទាប់ពីសហរដ្ឋអាមេរិកបន្ថែមសម្ពាធក្នុងជម្លោះពាណិជ្ជកម្មជាមួយប្រទេសចិន និងសម្ព័ន្ធមិត្តដទៃ ។
គួរបញ្ជាក់ថា សហរដ្ឋអាមេរិក និងប្រទេសចិន បានគំរាមដាក់ពន្ធលើផលិតផលទៅវិញទៅមកប្រមាណ១៥០ប៊ីលានដុល្លារ ។
កាលពីសប្តាហ៍មុន White House បានព្រមានថា ពួកគេអាចនឹងអនុម័តពន្ធលើផលិតផលនាំចូលពីប្រទេសចិនប្រមាណ៥០ប៊ីលានដុល្លារ ដោយដាក់កម្រិតលើការវិនិយោគរបស់ចិននៅសហរដ្ឋអាមេរិក និងត្រួតពិនិត្យការនាំចេញផងដែរ ។
លោក Ross នឹងជំរុញឲ្យប្រទេសចិនទិញកសិផល និងថាមពលពីអាមេរិកក្នុងរយៈពេលវែង ដើម្បីជួយកាត់បន្ថយឱនភាពពាណិជ្ជកម្មអាមេរិកជាមួយប្រទេសចិន ស្មើប្រមាណ៣៧៥ប៊ីលានដុល្លារ ។
លោកប្រធានាធិបតីអាមេរិក ដូណាល់ ត្រាំ បានទាមទារឲ្យប្រទេសចិនចេញវិធានការកាត់បន្ថយឱនភាពនេះប្រមាណ២០០ប៊ីលានដុល្លារជារៀងរាល់ឆ្នាំ រហូតដល់ឆ្នាំ២០២០។
ភាគីអាមេរិកក៏ចង់ឲ្យមានការការពារកម្មសិទ្ធិបញ្ញាកាន់តែប្រសើរឡើងផងដែរ និងចង់ឲ្យប្រទេសចិនបញ្ឈប់ការឧបត្ថម្ភធនរបស់ខ្លួន ដែលជំរុញដល់ការផលិតដែកថែប និងអាលុយមីញ៉ូមលើសលប់ ។
អ្នករិះគន់បានព្រមានថា សហរដ្ឋអាមេរិកអាចនឹងបង្កផលប៉ះពាល់ដល់សហភាពអឺរ៉ុប កាណាដា និងម៉ិកស៊ិក ដោយការដាក់ពន្ធ២៥%លើដែកថែប និង១០%លើអាលុយមីញ៉ូមនាំចូល ។
កាលពីថ្ងៃសុក្រ សម្ព័ន្ធមិត្តជិតស្និទ្ធិរបស់អាមេរិកបានវាយប្រហារលើរដ្ឋាភិបាលលោក ដូណាល់ ត្រាំ ទាក់ទងនឹងបញ្ហាការដាក់ពន្ធនេះ ដោយប្រទេសជប៉ុននិយាយថា សកម្មភាពអាមេរិកពិតជាគួរឲ្យសោកស្តាយយ៉ាងខ្លាំងនៅក្នុងអំឡុងកិច្ចប្រជុំ G7 នៅប្រទេសកាណាដា ៕
ចែករំលែកព័តមាននេះ