ខេត្តប៉ៃលិន ៖ សេចក្តីរាយការណ៍បានឱ្យដឹងថា មានការភ្ញាក់ផ្អើលមួយដោយស្ត្រីម្នាក់ បានឈឺពោះឆ្លងទន្លេកណ្តាលផ្លូវទៅពេទ្យមិនទាន់ ហើយត្រូវបានក្រុមការងារនគរបាលស្នងការខេត្ត រួមជាមួយក្រុមគ្រូពេទ្យបង្អែកខេត្តបានជួយសង្គ្រោះទាន់ពេលវេលា ដោយមានសុវត្ថិភាពទាំងម្តាយទាំងកូន កើតឡើងកាលពីព្រឹកថ្ងៃទី០២ មិថុនា…
ខេត្តប៉ៃលិន ៖ សេចក្តីរាយការណ៍បានឱ្យដឹងថា មានការភ្ញាក់ផ្អើលមួយដោយស្ត្រីម្នាក់ បានឈឺពោះឆ្លងទន្លេកណ្តាលផ្លូវទៅពេទ្យមិនទាន់ ហើយត្រូវបានក្រុមការងារនគរបាលស្នងការខេត្ត រួមជាមួយក្រុមគ្រូពេទ្យបង្អែកខេត្តបានជួយសង្គ្រោះទាន់ពេលវេលា ដោយមានសុវត្ថិភាពទាំងម្តាយទាំងកូន កើតឡើងកាលពីព្រឹកថ្ងៃទី០២ មិថុនា នេះ ស្ថិតត្រង់ចំណុចភូមិស្រះពីរ ឃុំអូរអណ្តូង ស្រុកសាលាក្រៅ ខេត្តប៉ៃលិន ។
សេចក្តីរាយការណ៍បន្តថា ស្ត្រីសម្រាលកូនខាងលើ មានឈ្មោះ មុច ត្រង អាយុ២៧ឆ្នាំ រស់នៅភូមិស្រះពីរ ឃុំអូរអណ្តូង ស្រុកសាលាក្រៅ ខេត្តប៉ៃលិន ។ រីឯកូនង៉ែតគឺកូនប្រុស មានសុខភាពល្អ ។
ប្រភពបន្តថា មុនពេលកើតហេតុ គឺមានក្រុមការងារខេត្តកំពុងចុះទៅភូមិស្រះពីរនោះ លុះដល់ពាក់កណ្តាលផ្លូវ ស្រាប់តែបានជួបប្រទះស្ត្រីរូបនេះ កំពុងឈឺពោះរៀបនឹងកើតកូននៅលើគ្រែផ្ទះរបស់អ្នកភូមិតាមផ្លូវ ក៏នាំគ្នាជួយសម្រាលកូនមកបានដោយសុវត្ថិភាព និងបានប្រញាប់ហៅរថយន្តមន្ទីរពេទ្យបង្អែកខេត្តប៉ៃលិន ឱ្យទៅជួយសង្គ្រោះទាន់ពេលវេលាតែម្តង ។
លោក ឆម វ៉ាន់ធី នាយការិយាល័យព្រហ្មទណ្ឌកម្រិតធ្ងន់នៃស្នងការនគរបាលខេត្ត ក៏បានផ្តល់ថវិការចំនួន៥០០០០៛ ដើម្បីជួយដោះស្រាយជីវភាព ។ ប្រភពបញ្ជាក់ទៀតថា ស្ត្រីដែលសម្រាលកូនខាងលើ រហូតមកដល់ពេលនេះ កំពុងសម្រាក នៅក្នុងមន្ទីរពេទ្យបង្អែកខេត្ត ដោយរូបនាង និងកូនមានសុខភាពល្អមាំទាំ មិនមានបញ្ហាអ្វីនោះទេ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ