ខេត្តកណ្ដាល ៖ មេល្បែង៥នាក់ ត្រូវបានចាប់ខ្លួនបញ្ជូនទៅតុលាការខេត្តកណ្ដាល ដើម្បីចាត់ការតាមច្បាប់ ប៉ុន្តែក្រោយការសាកសួរនៅល្ងាចថ្ងៃទី៣០ ឧសភា មេល្បែង៤នាក់ត្រូវបានបញ្ជូនទៅឃុំក្នុងពន្ធនាគារជាបណ្តោះអាសន្ន រីឯមេល្បែងម្នាក់ត្រូវបានលោកសាយ សម្ផស្សសេរី…
ខេត្តកណ្ដាល ៖ មេល្បែង៥នាក់ ត្រូវបានចាប់ខ្លួនបញ្ជូនទៅតុលាការខេត្តកណ្ដាល ដើម្បីចាត់ការតាមច្បាប់ ប៉ុន្តែក្រោយការសាកសួរនៅល្ងាចថ្ងៃទី៣០ ឧសភា មេល្បែង៤នាក់ត្រូវបានបញ្ជូនទៅឃុំក្នុងពន្ធនាគារជាបណ្តោះអាសន្ន រីឯមេល្បែងម្នាក់ត្រូវបានលោកសាយ សម្ផស្សសេរី ចៅក្រមស៊ើបសួរសាលាដំបូងខេត្តកណ្ដាលសម្រេចមិនឃុំខ្លួន តែដាក់ឱ្យស្ថិតក្រោមការត្រួតពិនិត្យតាមផ្លូវតុលាការ ។
គួរបញ្ជាក់ថា មេល្បែងទាំង៤នាក់ ១-ឈ្មោះ ស៊ិន គុន ភេទប្រុស អាយុ៦៦ឆ្នាំ ២-ឈ្មោះប៊ាន សុខជា ភេទប្រុស អាយុ៥០ឆ្នាំ ៣-ឈ្មោះដង យ៉ាំងហ្វាង ភេទប្រុស អាយុ៤៩ឆ្នាំ និង៤-ឈ្មោះ ឆាយ ហុក ភេទប្រុស អាយុ៤០ឆ្នាំ មេល្បែងទាំង៤នាក់ជាប់ចោទពីបទ «បើកល្បែងនិងលេងល្បែងស៊ីសងខុសច្បាប់» ប្រព្រឹត្តនៅចំណុចភូមិទួលដូង ឃុំគគីរ ស្រុកកៀនស្វាយ ខេត្តកណ្ដាល កាលពីថ្ងៃទី២៨ ឧសភា ឆ្នាំ២០១៨ តាមមាត្រា៤និងមាត្រា៥ច្បាប់ស្ដីពីការបង្ក្រាបល្បែងស៊ីសង ។ ដោយឡែក មេល្បែងដែលមានសំណាងនោះឈ្មោះ ឆោម ឆៃយ៉ា ភេទប្រុស អាយុ៣៩ឆ្នាំ ។
សូមរំលឹកដែរថា ទីតាំងលេងល្បែងអាប៉ោងដ៏ធំនៅស្រុកកៀនស្វាយ សម្រាប់មេអាប៉ោងមកបាញ់ភ្នាល់ចំនួនបីខេត្ត គឺខេត្តព្រៃវែង ខេត្តត្បូងឃ្មុំ និងខេត្តកណ្តាល ត្រូវបានលោកវរសេនីយ៍ទោ ឡាក់ ម៉េងធី ប្រធានការិយាល័យព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកណ្តាល បានដឹកនាំកម្លាំង និងមានការសម្របសម្រួលពីសំណាក់លោក ឯក ស៑ុនរស្មី ព្រះរាជអាជ្ញាររងអមសាលាដំបូងខេត្តកណ្តាល បានចុះបង្ក្រាប និងបំបែកទីតាំង ហើយឃាត់ខ្លួន មេអាប៉ោង និងអ្នកភ្នាល់បាន០៦នាក់ លុយដុល្លារ ៨៧៥ដុល្លារលុយខ្មែរ ៣.៧០០.០០០រៀល ឡាន០២គ្រឿង និងវត្ថុតាងមួយចំនួនទៀត។ ហេតុការណ៍ចុះបង្ក្រាបកាលពីទី២៨ ឧសភា វេលាម៉ោង០១ និង៣០នាទីរសៀល ស្ថិតនៅចំណុចផ្ទះឈ្មោះ ប៉ែន ថុល (ម្ចាស់ផ្ទះ) ភូមិទួលដូង ឃ៊ំគគីរ ស្រុកកៀនស្វាយ ខេត្តកណ្ដាល ។
វត្ថុតាងចាប់យក មេអាប៉ោង០៨ និង ប្រដាប់ខាតជើងអាប៉ោង ០១សន្លឹក គម្រប០១.កម្រាលអាប៉ោង០១
ទូរស័ព្ទដៃ ០៧គ្រឿងSAMSUNG J7ពណ៌ស០១គ្រឿង iPhone 6plus ពណ៌ប្រផេះ០១គ្រឿង, iPhone 6 ពណ៌មាស០១គ្រឿង, Metfone ពណ៌ខ្មៅ០១គ្រឿង, Alcatel ពណ៌ខ្មៅ០១គ្រឿង, Nokia ពណ៌ខ្មៅ០២គ្រឿង លុយដុល្លារ ៨៧៥ដុល្លារ លុយខ្មែរ ៣.៧០០.០០០រៀលឡាន០២គ្រឿង
ម៉ាកបាឡែន ស្លាកលេខ ភ្នំពេញ 2V-7570 ពណ៌ស្ករម៉ាកឆ្លាម ស្លាកលេខ ភ្នំពេញ 2Q-7796 ពណ៌ទឹកប្រាក់។
ចែករំលែកព័តមាននេះ