រាជធានីភ្នំពេញ ៖ បុរសជានិស្សិតសាលាច្បាប់ម្នាក់បានបាត់ម៉ូតូអស់មួយគ្រឿង បន្ទាប់ពីត្រឡប់មកពីសាលារៀនវិញចតម៉ូតូនៅខាងមុខផ្ទះតែមួយភ្លែត លុះចេញមកវិញត្រូវជនសង្ស័យលួចកាច់សោ.កម៉ូតូ ជិះយកទៅបាត់ដោយសុវត្ថិភាព កាលពីវេលាម៉ោង៦និង៣០នាទីយប់ថ្ងៃទី៣០ ខែឧសភា ឆ្នាំ២០១៨ ស្ថិតនៅក្នុងភូមិព្រៃជីសាក់…
រាជធានីភ្នំពេញ ៖ បុរសជានិស្សិតសាលាច្បាប់ម្នាក់បានបាត់ម៉ូតូអស់មួយគ្រឿង បន្ទាប់ពីត្រឡប់មកពីសាលារៀនវិញចតម៉ូតូនៅខាងមុខផ្ទះតែមួយភ្លែត លុះចេញមកវិញត្រូវជនសង្ស័យលួចកាច់សោ.កម៉ូតូ ជិះយកទៅបាត់ដោយសុវត្ថិភាព កាលពីវេលាម៉ោង៦និង៣០នាទីយប់ថ្ងៃទី៣០ ខែឧសភា ឆ្នាំ២០១៨ ស្ថិតនៅក្នុងភូមិព្រៃជីសាក់ សង្កាត់ចោមចៅ៣ ខណ្ឌពោធិសែនជ័យ ។
ម្ចាស់ម៉ូតូឈ្មោះ សៀក ណារិទ្ធ ហៅប្រិមប្រិយ ភេទប្រុស អាយុ២១ឆ្នាំ ជានិស្សិតសាលាច្បាប់ មានទីលំនៅកន្លែងកើតហេតុ ។ ចំណែកម៉ូតូមួយគ្រឿងដែលជនសង្ស័យលួចយកទៅបាត់ម៉ាកនិច ពណ៌ស ពាក់ស្លាកលេខ ភ្នំពេញ ១FI-៣៨៦៨ ។
តាមសម្តីបុរសជាម្ចាស់ម៉ូតូបានឲ្យដឹងថា មុនពេលកើតហេតុ បន្ទាប់ពីខ្លួនត្រឡប់មកពីរៀនវិញ បានចតម៉ូតូ នៅមុខផ្ទះ ថែមទាំងចាក់សោ.កទៀតផង ក៏ព្រោះតែផ្ទះជាកន្លែងលក់ដូរ មិនទាន់អូសម៉ូតូចូលបានភ្លាមនោះទេ ដោយទុកម៉ូតូនៅខាងមុខផ្ទះ ហើយខ្លួនបានដើរចូលផ្ទះមិនទាន់បាន៥នាទីផង ចេញមកវិញ ក៏ស្រាប់តែមានជនសង្ស័យលួចកាច់សោ.កម៉ូតូយកទៅបាត់ ។
ក្រោយកើតហេតុ បុរសជាម្ចាស់ម៉ូតូបានទៅដាក់ពាក្យបណ្តឹងនៅប៉ុស្តិ៍ចោមចៅ៣ ដើម្បីឲ្យសមត្ថកិច្ចជួយស្រាវជ្រាវ ៕
ចែករំលែកព័តមាននេះ