ប្រទេសអ៊ីស្រាអែល ៖ កងទ័ពអ៊ីស្រាអែលក្នុងសេចក្ដីប្រកាសមួយ និយាយថា បានធ្វើការវាយប្រហារតាមអាកាស ក្នុងទ្រង់ទ្រាយធំមួយលើជ្រោយហ្គាហ្សាកាលពីថ្ងៃ្ងទី២៩ឧសភា សំដៅលើគោលដៅ៣៥ និងផ្លូវរូងក្រោមដីមួយ។
ការវាយប្រហារតាមអាកាសទ្រង់ទ្រាយធំនេះ ជាការឆ្លើយតបចំពោះការបាញ់គ្រាប់ផ្លោង និងគ្រាប់រ៉ុក្កែតប្រមាណ១០០គ្រាប់ ពីសំណាក់ពួកយុទ្ធជននៅហ្គាហ្សាដាក់អ៊ីស្រាអែលនាព្រឹកថ្ងៃទី២៩ ឧសភា។ តាមរយៈកងទ័ពអ៊ីស្រាអែលថា ការបាញ់ផ្លោងទាំងនេះពុំបណ្ដាលឲ្យមានការខូចខាតឡើយ តែទាហាន៣នាក់រងរបួស ហើយពុំមានមនុស្សស្លាប់ទេ។
សេចក្ដីប្រកាសបន្តថា ការវាយប្រហារតាមអាកាសរបស់បណ្ដាយន្តហោះប្រយុទ្ធ អ៊ីស្រាអែលសំដៅលើគោលដៅ៣៥។ ទីតាំងរងការវាយប្រហារទាំងនេះ ជារបស់ក្រុមហាម៉ាស់ ដែលដឹកនាំជ្រោយហ្គាហ្សា និងរបស់ក្រុមជីហាដ អ៊ិស្លាមប៉ាឡេស្ទីន។ ការវាយប្រហារតាមអាកាសសំដៅមូលដ្ឋានយោធា៦ បណ្ដាឃ្លាំងគ្រាប់រំសេវ ទីតាំងនាវាចរណ៍ និងបណ្ដាទីស្នាក់ការរបស់ពួកភេរវករ។
កងទ័ពអាកាសអ៊ីស្រាអែលក៏វាយប្រហារដែរ ផ្លូវរូងក្រោមដីមួយជារបស់ក្រុមហាម៉ាស់នៅតំបន់ឆ្លងកាត់ KEREM SHALOM ជិតក្រុងរ៉ាហ្វា។ ផ្លូវរូងក្រោមដីនេះ ជីកនៅជ្រោយហ្គាហ្សា ទៅកាន់តំបន់វាលខ្សាច់ស៊ីណៃអ៊ីអេហ្ស៊ីប មុនពង្រីកមកដែនដីអីុស្រាអែល។
ទោះបីយ៉ាងណានៅហ្គាហ្សា បណ្ដាសារព័ត៌មានរាយការណ៍ថា តាមការពិតផ្លូវរូងក្រោមដីនេះជាច្រកបញ្ជូនទំនិញនានា ចូលជ្រោយហ្គាហ្សាដែលជាប់ការឡោមពទ្ធ័ប៉ុណ្ណោះ៕
ចែករំលែកព័តមាននេះ