រាជធានីភ្នំពេញ ៖ សេចក្តីរាយការណ៍បន្តឱ្យដឹង លើករណីរំលោភសម្លាប់លើក្មេងស្រីអាយុ៤ឆ្នាំម្នាក់យ៉ាងសាហាវព្រៃផ្សៃនោះ ទីបំផុត ឃាតករបានឆ្លើយសារភាពហើយថា ខ្លួនគេពិតជាបានចាប់ក្មេងស្រីរំលោភតាមរន្ធគូទរហូតដល់ស្លាប់ប្រាកដមែន ។ នេះបើតាមការឱ្យពីសមត្ថកិច្ចប្រាប់ឱ្យដឹង នៅថ្ងៃទី៣០ ឧសភា ២០១៨ នេះ ។
គួររំលឹកថា ហេតុការណ៍នេះ បានបង្កការភ្ញាក់ផ្អើលនៅវេលាម៉ោង១១យប់ថ្ងៃទី២៩ ឧសភា ស្ថិតតាមបណ្តោយផ្លូវជាតិលេខ៥ ត្រង់ចំណុចម្តុំគីឡូលេខ៧ (ផ្ទះឈើមាត់ច្រាំងទន្លេ) ក្នុងភូមិកសង្កាត់ច្រាំងចំរេះ២ ខណ្ឌប្ញស្សីកែវ ខណៈឪពុកម្តាយបានដើរតាមរកកូនស្រីក៏ប្រទះឃើញសាកសពនាងនៅក្នុងពាងទឹកតូចមួយសុទ្ធតែឈាម ។ ក្មេងស្រីរងគ្រោះអាយុ៤ឆ្នាំ មានឪពុកឈ្មោះ ខា ហូល អាយុ៣២ឆ្នាំ និងម្តាយឈ្មោះចាន់ ធីជី អាយុ២៦ឆ្នាំ ស្នាក់នៅភូមិក សង្កាត់ច្រាំងចំរះ២ ខណ្ឌប្ញស្សីកែវ ។ ចំណែកជនសង្ស័យ ឈ្មោះង្វៀង
យ៉ាំង យី អាយុ៣៣ឆ្នាំ ជនជាតិវៀតណាម មានទីលំនៅផ្ទះគ្មានលេខ ក្រុម៥ ភូមិក សង្កាត់ច្រាំងចំរេះ២ ខណ្ឌប្ញស្សីកែវ (នៅជិតគ្នា) ។
ប្រភពឱ្យដឹងទៀតថា យោងតាមចម្លើយសារភាពរបស់ឃាតករឱ្យដឹងទៀតថា នៅមុនពេលកើតហេតុ ខ្លួនគេ បានលួងលោមក្មេងស្រីឱ្យឡើងទៅលើផ្ទះ រួចក៏ធ្វើសកម្មភាពចាប់នាងរំលោភតាមរន្ធគូទរហូតទាល់តែនាងដាច់ខ្យល់ស្លាប់មែន ។ ក្រោយពីនាងស្លាប់ ខ្លួនបានលើកសពទៅដាក់ក្នុងពាងទឹក រួចគេចខ្លួនដោយលូនចេញតាមប្រហោងផ្ទះខាងក្រោយ រត់ចូលផ្ទះខ្លួនឯងតែម្តង ។
បើតាមសាក្សីនៅកន្លែងកើតហេតុវិញ ក៏បានឱ្យដឹងដែរថា ការពិតជនសង្ស័យរូបនេះ បានតាមឃ្លាំមើលក្មេងស្រីរងគ្រោះ តាំងពីថ្ងៃមកម្លេ៉ះ គ្រាន់តែគ្រប់គ្នាក៏មិនបានចាប់អារម្មណ៍លើជននេះ គេហ៊ានធ្វើដល់ថ្នាក់នេះទេ ។
គួររំលឹកថា ៖
https://kohsantepheapdaily.com.kh/article/643937.html
ចែករំលែកព័តមាននេះ