រាជធានីភ្នំពេញ ៖ លោកវរសេនីយ៍ទោ ជាចិត្រា នាយការិយាល័យស៊ើបអង្កេត និងអនុវត្តនីតិវិធីបានដឹកនាំកម្លាំងសហការជាមួយនាយកដ្ឋានស៊ើបអង្កេត អនុវត្តនីតិវិធីនៃអគ្គនាយកដ្ឋានអន្តោប្រវេសន៍ និងកម្លាំងសមត្ថកិច្ចមូលដ្ឋានខណ្ឌចំការមនខណ្ឌសែនសុខ និងខណ្ឌទួលគោក សម្របសម្រួលផ្លូវច្បាប់កាលព្រឹកថ្ងៃទី២៩…
រាជធានីភ្នំពេញ ៖ លោកវរសេនីយ៍ទោ ជាចិត្រា នាយការិយាល័យស៊ើបអង្កេត និងអនុវត្តនីតិវិធីបានដឹកនាំកម្លាំងសហការជាមួយនាយកដ្ឋានស៊ើបអង្កេត អនុវត្តនីតិវិធីនៃអគ្គនាយកដ្ឋានអន្តោប្រវេសន៍ និងកម្លាំងសមត្ថកិច្ចមូលដ្ឋានខណ្ឌចំការមនខណ្ឌសែនសុខ និងខណ្ឌទួលគោក សម្របសម្រួលផ្លូវច្បាប់កាលព្រឹកថ្ងៃទី២៩ ខែឧសភា ឆ្នាំ២០១៨ ។
ដោយលោកសៀង សុខ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញនឹងលោកលឹម ស៊ាងហៃ ក្រឡាបញ្ជីចុះត្រួតពិនិត្យជនជាតិបរទេសដែលឆ្លងដែន និងធ្វើការខុសច្បាប់ចំនូន០៤ទីតាំង ។
លោកនាយការិយាល័យស៊ើបអង្កេត និងអនុវត្តនីតិវិធីរាជធានីភ្នំពេញបានឲ្យដឹងថា ទីតាំងទី១- ផ្ទះវីឡាលេខ៤៤ ផ្លូវលេខ៥៧២ សង្កាត់បឹងកក់២ ខណ្ឌទួលគោកបានពិនិត្យឃើញតែស្ត្រីជនជាតិកូរ៉េម្នាក់ឈ្មោះkwon jisu ជាទីតាំងរបស់អង្គការកូរ៉េស្ម័គ្រចិត្ត koica (មានលិខិតឆ្លងដែន) និងជនជាតិកូរ៉េចំនួន០៥នាក់ (ស្រីម្នាក់) គ្មានលិខិតឆ្លងដែនជាប់ខ្លួនត្រូវបានឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់ ។
ទីតាំងទី២- ផ្ទះខុនដូ៧ជាន់លេខ៣៣ ផ្លូវលេខ៣៣៤ សង្កាត់បឹងកេងកង១ ខណ្ឌចំការមន បានពិនិត្យឃើញ ជនជាតិចិនចំនួន៣១នាក់(ស្រី០៤នាក់) សង្ស័យពាក់ព័ន្ធករណីជម្រិតទារប្រាក់តាម Internet(VOIP) និងសម្ភារប្រព្រឹត្តបទល្មើសមួយចំនួន លិខិតឆ្លងដែនចិនចំនួន៥៦ក្បាល នឹងជនជាតិចិនទាំង៣១នាក់ ត្រូវបានឃាត់ខ្លួនបញ្ជូនទៅអគ្គនាយកដ្ឋានអន្តោប្រវេសន៍ ដើម្បីអនុវត្តនីតិវិធីបន្តនៃច្បាប់ ។
ទីតាំងទី៣- ផ្ទះខុនដូ៧ជាន់លេខ១៦បេ ផ្លូវលេខ២៨៨ សង្កាត់បឹងកេងកង២ ខណ្ឌចំការមន គ្មានជនបរទេសស្នាក់នៅ ហើយត្រូវបានបិទសៀលបណ្ដោះអាសន្ន ។ ទីតាំទី៤ – ផ្ទះល្វែងលើក្រោមលេខ២២៥ ផ្លូវភ្នំពេញថ្មី ខណ្ឌសែនសុខ គ្មានជនបរទេស្នាក់នៅ ហើយត្រូវបានបិទសៀលបណ្ដោះអាសន្ន ៕
ចែករំលែកព័តមាននេះ