ខេត្តកំពត ៖ អ្នកបើកបររថយន្តកូរ៉េចំណុះ១តោនកន្លះ និងព្រូម្នាក់បានរងរបួសយ៉ាងធ្ងន់ធ្ងរទាំងពីរនាក់ ដោយជួបហេតុការដ៏ចៃដន្យមួយ ខណៈកំពុងតែបើកបរស្រាប់តែរេចង្កូតធ្លាក់ក្នុងស្នាមភ្លោះក្រឡាប់ផ្ងារជើងឡើងលើ បណ្តាលឲ្យអ្នកបើកបរ និងព្រូម្នាក់រងរបួសធ្ងន់ទាំងពីរ ។ ហេតុការនេះកើតឡើងកាលពីវេលាម៉ោង៤និង៣៥នាទីរសៀលថ្ងៃទី២៩…
ខេត្តកំពត ៖ អ្នកបើកបររថយន្តកូរ៉េចំណុះ១តោនកន្លះ និងព្រូម្នាក់បានរងរបួសយ៉ាងធ្ងន់ធ្ងរទាំងពីរនាក់ ដោយជួបហេតុការដ៏ចៃដន្យមួយ ខណៈកំពុងតែបើកបរស្រាប់តែរេចង្កូតធ្លាក់ក្នុងស្នាមភ្លោះក្រឡាប់ផ្ងារជើងឡើងលើ បណ្តាលឲ្យអ្នកបើកបរ និងព្រូម្នាក់រងរបួសធ្ងន់ទាំងពីរ ។ ហេតុការនេះកើតឡើងកាលពីវេលាម៉ោង៤និង៣៥នាទីរសៀលថ្ងៃទី២៩ ខែឧសភា ឆ្នាំ២០១៨ លើកំណាត់ផ្លូវជាតិលេខ៣ កំពត ខេត្តព្រះសីហនុ ស្ថិតក្នុងភូមិព្រែកក្រែង ឃុំព្រែកត្នោត ស្រុកទឹកឈូ ខេត្តកំពត ។
ប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញរថយន្តកូរ៉េចណុះមួយតោនកន្លះពណ៌សពាក់ស្លាកលេខភ្នំពេញ2B-4731 អ្នកបើកបរមិនស្គាល់អត្តសញ្ញាណមានផ្ទុកពីដុងប្រេងសាំងពេញទ្រុងរថយន្ត បើកបរក្នុងទិសដៅពីកើតទៅលិច លុះមកដល់កន្លែងកើតហេតុ ស្រាប់តែរថយន្តរេចង្កូតធ្លាក់ទៅស្នាមភ្លោះរួចក្រឡាប់ផ្ងារជើង បណ្តាលឲ្យអ្នកបើកបរ និងព្រូរថយន្តម្នាក់រងរបួសយ៉ាងធ្ងន់ធ្ងរត្រូវបានគេជួយដឹកទៅសង្គ្រោះភ្លាមៗ ដោយគ្មានអ្នកណា ឬសមត្ថកិច្ចសួរនាំពីឈ្មោះនោះឡើយ ។
លោកវរសេនីយទោពុធ សឺង នាយការិយាល័យចរាចរណ៍ជើងគោកនៃស្នងការដ្ឋាននគរបាលខេត្តបានឲ្យដឹងថា ចំពោះហេតុការគ្រោះថ្នាក់ចរាចរណ៍ខាងលើលោកពុំបានដឹងនោះទេ ដោយសារតែអធិការរងស្រុកទឹកឈូទទួលផែនចរាចរណ៍សណ្តាប់ធ្នាប់ មានហេតុការកើតឡើងមិនបានរាយការណ៍មកការិយាល័យចរាចរណ៍ជើងគោកឲ្យបានដឹងនោះទេ ច្រើនតែផ្អាប់រឿងទុក ហើយបើលោករាយការវិញ គឺរាយការទៅស្នងការរងទទួលផែនចរាចរណ៍តែម្តង ទើបមានហេតុការគ្រោះថ្នាក់ចរាចរណ៍នៅតាមស្រុកមួយនេះ ខាងការិយាល័យចរាចរណ៍ពុំសូវបានដឹងនោះទេ ។
លោកបានបន្តទៀតថា ជាក់ស្តែងដូចជា ករណីគ្រោះថ្នាក់ចរាចរណ៍ដែលកើតឡើងកាលពីរសៀលថ្ងៃទី២៩ខែឧសភា ឆ្នាំ២០១៨ នៅចណុចឃុំខាងលើនេះ ពេលដឹងតាមរយៈព័ត៌មានផ្សេងៗលុះសួរទៅអធិការរងស្រុកទឹកឈូរូបនោះបានឆ្លើយថា គ្រោះថ្នាក់ចរាចរណ៍មានមែន តែគ្មានអ្នករងរបួសនោះទេ ៕
ចែករំលែកព័តមាននេះ