ខេត្តប៉ៃលិន ៖ រហូតមកដល់ព្រឹកថ្ងៃទី២៩ ខែឧសភា ឆ្នាំ២០១៨ នេះដោយសារតែមានការលំបាកក្នុងការផ្គត់ផ្គង់តម្រូវការទឹកស្អាត ដល់ប្រជាពលរដ្ឋរស់នៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ទើបខាងអាជ្ញាធរក៏ដូចជាមន្ទីរបរិស្ថានខេត្ត…
ខេត្តប៉ៃលិន ៖ រហូតមកដល់ព្រឹកថ្ងៃទី២៩ ខែឧសភា ឆ្នាំ២០១៨ នេះដោយសារតែមានការលំបាកក្នុងការផ្គត់ផ្គង់តម្រូវការទឹកស្អាត ដល់ប្រជាពលរដ្ឋរស់នៅក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ទើបខាងអាជ្ញាធរក៏ដូចជាមន្ទីរបរិស្ថានខេត្ត បានអនុញ្ញាតិឱ្យក្រុមហ៊ុនទឹកស្អាត ធ្វើការឈូសឆាយ ត្រង់ចំហៀងភ្នំសារ៉ាវ៉ាន់ ដើម្បីដាក់អាងទឹក ដើម្បីបង្កភាពងាយស្រួលផ្គត់ផ្គង់ ដល់ភូមិប្រើប្រាស់គ្រប់គ្រាន់ មិនថា រដូវប្រាំង ឬវស្សានោះឡើយ ។ ជាពិសេសនៅតំបន់ព្រំដែនខេត្តប៉ៃលិន ដែលមានក្រុមហ៊ុនកាស៊ីណូធំៗ ជាច្រើន ត្រូវការទឹកជាចាំបាច់ផងដែរ ។
បើតាមប្រភពព័ត៌មានពីលោក ចាន់ ថានី ជាម្ចាស់ក្រុមហ៊ុនផ្គត់ផ្គង់ទឹកស្អាតបានឱ្យដឹងថា ក្រុមហ៊ុនទឹកស្អាតរបស់លោក គឺមានទីតាំង ស្ថិតនៅក្នុងសង្កាត់បរយ៉ាខា ក្រុងប៉ៃលិន ហើយបានដាក់បង្កប់ទុយោក្នុងដី និងលក់ចែកចាយទឹកដល់ភូមិជាច្រើន ដូចជា ភូមិបរហ៊ុយ បរតាំងស៊ូ អូរច្រា អូរបេង បឹងព្រលឹត និងភូមិជាច្រើនទៀត ក្នុងស្រុកសាលាក្រៅ រហូតដល់ផ្សារព្រំ ឃុំស្ទឹងកាច់ ស្រុកសាលាក្រៅតែម្តង ។
លោកបន្តទៀតថា ជារៀងរាល់ថ្ងៃ ដោយសារនីវ៉ូប្រព័ន្ធទឹកស្អាតរបស់ខ្លួនទាបជាងភូមិមួយចំនួនដែលធ្វើឱ្យម៉ាស៊ីនមិនអាចរុញច្រានទឹកដល់គ្រប់ទិសទី ជាហេតុធ្វើឱ្យប្រជាពលរដ្ឋលំបាកក្នុងការប្រើប្រាស់ ជូនមានទឹកប្រើ ជួនខ្វះខាត ទឹកខណ:ពេលអ្នកប្រើទឹកស្អាតកាន់តែច្រើនឡើងៗ ទើបលោកបានស្នើសុំអាជ្ញាធរខេត្ត និងមន្ទីរបរិស្ថាន ធ្វើការឈូសឆាយផ្នែកខាងជើងភ្នំសារ៉ាវ៉ាន់ ដើម្បីដាក់អាងធំៗ ស្តុកទឹកទុក ងាយស្រួលបង្ហូរទឹក ចែកចាយជូនប្រជាពលរដ្ឋប្រើប្រាស់ ជាពិសេសដល់ខាងក្រុមហ៊ុនកាស៊ីណូ និងអ្នកដែលបង្កើតផ្ទះសំណាក់ ព្រមទាំងផ្ទះ ល្វែង ដែលនៅជាប់នឹងព្រំដែនតែម្តង ។
ចំណែកលោក គឹម សុខា ប្រធានមន្ទីរបរិស្ថានខេត្តលោកបានឱ្យដឹងដែរថា ខាងក្រុមហ៊ុនផ្គត់ផ្គង់ទឹកស្អាតបានស្នើសុំច្បាប់ទៅខាងមន្ទីររបស់លោកដើម្បីឈូសឆាយភ្នំខាងលើ សម្រាប់ដាក់អាងស្តុកទឹក យកទៅផ្គត់ផ្គង់ដល់អ្នករស់នៅក្នុងភូមិផ្សារព្រំ ។ ហើយការឈូសឆាយនេះ មិនមានប៉ះពាល់អ្វីដល់ភ្នំនោះទេ គ្រាន់តែពង្រាបព្រៃឈើស្ថិតនៅចំហៀងខាងជើងភ្នំសារ៉ាវ៉ាន់មួយភាគ ឱ្យរាបស្មើ និងស្រឡះល្អ រួចធ្វើផ្លូវឡើង ដើម្បីងាយស្រួលក្នុងការដឹកសម្ភារយកទៅធ្វើអាងប៉ុណ្ណោះ ។
លោកបន្តថា លោកក៏សប្បាយរីករាយ ដែលខាងក្រុមហ៊ុន ធ្វើការអភិវឌ្ឍពង្រីកផ្នែកទឹកស្អាតរបស់ខ្លួន ដើម្បីឱ្យទាន់នឹងតម្រូវការចាំបាច់របស់ពលរដ្ឋរស់នៅក្នុងភូមិ ជាពិសេសបច្ចុប្បន្ននៅក្នុ ងភូមិផ្សារព្រំ ប្រជាពលរដ្ឋមានការសាងសង់ផ្ទះជាច្រើនបន្ថែមទៀត ៕
ចែករំលែកព័តមាននេះ