បើសិន Neymar ជួយឱ្យក្រុមជម្រើសជាតិប្រេស៊ីលរបស់គេឈ្នះពាន World Cup ២០១៨
នៅរុស្សុីមែននោះ រូបគេនឹងទទួលបានកញ្ចប់ទឹកប្រាក់ពីក្រុមហ៊ុនសម្លៀកបំពាក់អាមេរិក
Nike យ៉ាងច្រើនសន្ធឹកសន្ធាប់ ។
ខ្សែប្រយុទ្ធវ័យ ២៦ ឆ្នាំដែលទើបចូលទីលានហ្វឹកហាត់ជាមួយក្រុមជម្រើសជាតិវិញក្រោយរបួសប្រេះឆ្អឹងកជើងជាសះស្បើយបណ្តើរៗ Neymar នឹងទទួលបានទឹកប្រាក់៥០.០០០ ដុល្លារបើរូបគេជួយឱ្យក្រុមជម្រើសជាតិប្រេស៊ីលឈ្នះពានWorld Cup២០១៨ និងទឹកប្រាក់ ២០០.០០០ ដុល្លារទៀតបើឈ្នះពាន «Player of the Tournament» ឬ «កីឡាករល្អក្នុងការប្រកួត» ។
គួរបញ្ជាក់ថា Neymar បានចុះកុងត្រាជាមួយ Nike តាំងពីខែមីនា ឆ្នាំ២០១១ ពោលគឺតាំងពីរូបគេមានអាយុ១១ឆ្នាំម៉្លេះ បន្ទាប់មកត្រូវបានក្រុមហ៊ុន Panasonic របស់ជប៉ុនចំណាយ២,៤លានដុល្លារលើកុងត្រាពីរឆ្នាំ ។
ក្រៅពីនេះ Neymar បានចាប់ដៃជាមួយក្រុមហ៊ុនធំៗផ្សេងទៀតដូចជា៖ Volkswagen, Tenys Pé Baruel, Lupo, Ambev , Claro, Uniliver និងធនាគារអេស្ប៉ាញ Satander ។ តាមរយៈដៃគូពាណិជ្ជកម្មទាំងនេះ ធ្វើឱ្យកំលោះកូន១ Neymar រកចំណូលសរុបបានប្រហែល២០លានអឺរ៉ូក្នុង១ឆ្នាំ ខណៈកុងត្រាជាមួយ Nike មានសុពលភាពដល់ឆ្នាំ២០២២ ៕
ចែករំលែកព័តមាននេះ