ទីក្រុងហូជីមិញ ៖ យោងតាមទិន្នន័យរបស់នាយកដ្ឋានពន្ធដារវៀតណាម បានឲ្យដឹងថា គិតមកដល់ថ្ងៃទី១៥ ខែឧសភា ឆ្នាំ២០១៨ ការនាំចេញរបស់វៀតណាមសម្រេចបាន៨២,៦៣ប៊ីលានដុល្លារ កើនឡើង១៨,៧% បើធៀបនឹងរយៈពេលដូចគ្នាឆ្នាំមុន…
ទីក្រុងហូជីមិញ ៖ យោងតាមទិន្នន័យរបស់នាយកដ្ឋានពន្ធដារវៀតណាម បានឲ្យដឹងថា គិតមកដល់ថ្ងៃទី១៥ ខែឧសភា ឆ្នាំ២០១៨ ការនាំចេញរបស់វៀតណាមសម្រេចបាន៨២,៦៣ប៊ីលានដុល្លារ កើនឡើង១៨,៧% បើធៀបនឹងរយៈពេលដូចគ្នាឆ្នាំមុន ។
ជាមួយគ្នានេះដែរ វៀតណាមបាននាំចូលចំនួន៨០,១១ប៊ីលានដុល្លារ ឬច្រើនជាងឆ្នាំមុន ១០,៤% ។
របាយការណ៍បានឲ្យដឹងទៀតថា គិតមកដល់ពាក់កណ្តាលខែឧសភា ការធ្វើពាណិជ្ជកម្មរបស់វៀតណាមបានកើនដល់១៦២,៧៤ប៊ីលានដុល្លារ កើនឡើង១៤,៤% បើធៀបនឹងរយៈពេលដូចគ្នាកាលពីឆ្នាំមុន ។
បើទោះជាប្រទេសវៀតណាមមានឱនភាពពាណិជ្ជកម្មប្រមាណ១,៣៧ប៊ីលានដុល្លារក្តីនាដើមខែឧសភា ប្រទេសនេះនៅតែមានផលលើសពាណិជ្ជកម្ម២,៥ប៊ីលានដុល្លារតាំងពីដើមឆ្នាំ មកដល់ថ្ងៃទី១៥ ខែឧសភា កន្លងមកនេះ ។
ក្នុងអំឡុងពេលនោះ ការវិនិយោគផ្ទាល់ពីបរទេស(FDI)មានតម្លៃទឹកប្រាក់ស្មើនឹង១០៥,៦៤ប៊ីលានដុល្លារ ឬកើនឡើងបាន១៣,២% បើធៀបនឹងឆ្នាំមុន ។
វិស័យនេះមានផលលើសពាណិជ្ជកម្ម៤៦៥លានដុល្លារនៅដើមខែឧសភា ដែលធ្វើឲ្យផលលើសពាណិជ្ជកម្មសរុបស្មើនឹង១,៤១ប៊ីលានដុល្លារ ។
វិស័យវិនិយោគផ្ទាល់ពីបរទេសបាននាំចេញចំនួន៥៨,៥២ប៊ីលានដុល្លារផងដែរ ដែលលូតលាស់បាន១៨,៦% បើធៀបនឹងឆ្នាំមុន ឬស្មើ នឹង៧០,៨%នៃការនាំចេញសរុបរបស់ប្រទេស។
វិស័យនេះក៏បាននាំចូលប្រមាណ៤៧,១១ប៊ីលានដុល្លារ ដែលច្រើនជាងឆ្នាំមុន៧,២% ឬស្មើនឹង៥៨,៨%នៃការនាំចូលសរុបរបស់ប្រទេសផងដែរ ៕
ចែករំលែកព័តមាននេះ