តម្លៃមាសកើនឡើង ក្រោយលោក ត្រាំ ប្រកាសពន្ធថ្មីលើកាណាដា និងគំរា.មកំហែងពន្ធដល់ប្រទេសដៃគូផ្សេងទៀត
សហរដ្ឋអាមេរិក ៖ តម្លៃមាសបានកើនឡើងនៅថ្ងៃទី១១ ខែកក្កដា ឆ្នាំ២០២៥ បន្ទាប់ពីប្រធានាធិបតីអាមេរិក លោក ដូណាល់ ត្រាំ (Donald…
0:00
0:00
សហរដ្ឋអាមេរិក ៖ តម្លៃមាសបានកើនឡើងនៅថ្ងៃទី១១ ខែកក្កដា ឆ្នាំ២០២៥ បន្ទាប់ពីប្រធានាធិបតីអាមេរិក លោក ដូណាល់ ត្រាំ (Donald Trump) បានប្រកាសពន្ធថ្មីលើការនាំចូលទំនិញពីប្រទេសកាណាដា និងបានចេញការគំរាមកំហែងពន្ធកាន់តែទូលំទូលាយដល់ដៃគូពាណិជ្ជកម្មផ្សេងទៀត។
តម្លៃមាសអន្តរជាតិបានកើនឡើង ០,៥០% នៅក្នុងតម្លៃ ៣ ៣៣៤ដុល្លារក្នុង១អោន ឬ ៤ ០១៦ដុល្លារក្នុង១តម្លឹង គិតត្រឹមម៉ោង១១ព្រឹកថ្ងៃទី១១ ខែកក្កដា ឆ្នាំ២០២៥។ ទន្ទឹមនឹងនេះដែរ សន្ទស្សន៍ប្រាក់ដុល្លារអាមេរិកក៏បានកើនឡើងប្រចាំសប្តាហ៍លើសពី ០.៩% ដែលធ្វើឱ្យមាសមានតម្លៃថ្លៃសម្រាប់អ្នកទិញអន្តរជាតិ។
តម្លៃមាសបានកើនឡើង បន្ទាប់ពីលោក ត្រាំ បានប្រកាសកាលពីថ្ងៃទី១០ ខែកក្កដា ឆ្នាំ២០២៥ ថា សហរដ្ឋអាមេរិកនឹងដាក់ពន្ធ ៣៥% លើការនាំចូលទំនិញពីកាណាដានៅខែក្រោយ ហើយគ្រោងនឹងដាក់ពន្ធ ១៥% ឬ ២០% លើដៃគូពាណិជ្ជកម្មភាគច្រើនផ្សេងទៀតផងដែរ។ ការប្រកាសនេះកើតឡើង បន្ទាប់ពីការប្រកាសរបស់លោកកាលពីថ្ងៃទី៩ ខែកក្កដា កន្លងទៅ អំពីពន្ធ ៥០% លើការនាំចូលទង់ដែង ក៏ដូចជាពន្ធ ៥០% លើទំនិញពីប្រេស៊ីល រួមទាំងការផ្ញើលិខិតជូនដំណឹងអំពីពន្ធសម្រាប់ដៃគូពាណិជ្ជកម្មផ្សេងទៀត ដែលទាំងអស់នឹងចូលជាធរមានចាប់ពីថ្ងៃទី១ ខែសីហា ឆ្នាំ២០២៥ តទៅ៕ ដកស្រង់ ៖ Reuters និង The Economic Times
ចែករំលែកព័តមាននេះ