ចិន​យល់ព្រម​នាំ​ចូល​ពី​សហរដ្ឋអាមេរិក​ច្រើន​ជាង​មុន


ទីក្រុង​វ៉ា​ស៊ី​ន​តោន ៖ ប្រទេស​ចិន និង​អា​មេ​រិ​កបាន​និយាយ​កាលពី​ថ្ងៃ​សៅរ៍​កន្លង​មក​ថា ចិន​បាន​យល់​ស្រប​ចេញ​វិធានការ​បង្កើន​ការ​នាំ​ចូល​ពី​អា​មេ​រិ​ក ដើម្បី​កាត់​បន្ថយ​ឱនភាព​ពាណិជ្ជកម្ម​ជាមួយ​អា​មេ​រិ​ក ប៉ុន្តែ​មិន​លើក​ឡើង​ពី​គោលដៅ​ចំនួន​២០០​ប៊ី​លាន​ដុល្លារ​ដែល White House ធ្លាប់​ចង់បាន​ទេ ។

ប្រទេស​ទាំង​ពីរ​បាន​ព្រមព្រៀង​គ្នា​ថា ពួក​គេ​នឹង​បន្ត​ចរចា​ពី​វិធានការ​ដែល​ចិន​នឹង​នាំ​ចូល​បន្ថែម​ពី​អា​មេ​រិ​ក ដើម្បី​កាត់​បន្ថយ​ឱនភាព​ពាណិជ្ជកម្ម​ចំនួន​៣៣៥​ប៊ី​លាន​ដុល្លារ​ក្នុង​១​ឆ្នាំ​របស់​អា​មេ​រិ​ក​ជាមួយ​ចិន ។

សេចក្តី​ប្រកាស​រួម​បាន​ឲ្យ​ដឹង​ថា ៖« មានការ​ព្រមព្រៀង​ជា​ឯកច្ឆន្ទ​លើ​ការ​ចេញ​វិធានការ​កាត់​បន្ថយ​ឱនភាព​ពាណិជ្ជកម្ម​អា​មេ​រិ​ក​យ៉ាងច្រើន​ជាមួយ​ចិន ។ ដើម្បី​ផ្គត់ផ្គង់​តាម​កំណើន​​តម្រូវការ​របស់​ប្រជាពលរដ្ឋ​ចិន និង​តម្រូវការ​អភិវឌ្ឍន៍​សេដ្ឋកិច្ច​មានគុណ​ភាព​ខ្ពស់ ប្រទេស​ចិន​នឹង​បង្កើន​ការ​ទិញ​ផលិតផល និង​សេវា​ពី​អា​មេ​រិ​ក​ជា​ច្រើន » ។

គួរ​បញ្ជាក់​ថា លោក​ប្រធានាធិបតី​អា​មេ​រិ​ក ដូ​ណា​ល់ ត្រាំ បាន​គំរាម​ថា នឹង​ដាក់​ពន្ធ​លើ​ផលិតផល​ចិន​ប្រមាណ​១៥០​ប៊ី​លាន​ដុល្លារ ដើម្បី​ប្រឆាំង​នឹង​ការ​រំលោភ​កម្មសិទ្ធិបញ្ញា​ផ្នែក​បច្ចេកវិទ្យា តាម​រយៈ​លក្ខខណ្ឌ​វិនិយោគ និង​គោលនយោបាយ​ផ្សេង​ៗ​ទៀត ។ ប្រទេស​ចិន​បាន​គំរាម​ថា នឹង​ដាក់​ពន្ធ​លើ​ការ​នាំ​ចេញ​ធំ​ៗ​របស់​អា​មេ​រិ​ក​ផង​ដែរ​ដូច​ជា យន្តហោះ សណ្តែកសៀង និង​យានយន្ត ជាដើម ។

អា​មេ​រិ​កបាន​ទាមទារ​ឲ្យ​ប្រទេស​ចិន​កាត់​បន្ថយ​ផល​លើស​ពាណិជ្ជកម្ម​របស់​ខ្លួន​ជាមួយ​អា​មេ​រិ​ក​ប្រមាណ​២០០​ប៊ី​លាន​ដុល្លារ ។ វា​ជា​ចំនួន​ដែល​សេដ្ឋវិទូ​ភាគច្រើន​និយាយ​ថា មិន​អាច​សម្រេច​បាន​ទេ ។

ការ​កាត់​បន្ថយ​បែប​នេះ នឹង​ត្រូវ​ផ្លាស់​ប្តូរ​ដ៏​ធំ​សម្រាប់​ការ​ធ្វើ​ពាណិជ្ជកម្ម​រវាង​ប្រទេស​ទាំង​ពីរ​។ ចំនួន​នេះ​ក៏​ច្រើន​ជាង​ការ​នាំ​ចេញ​កសិផល និង​ប្រេង​របស់​អា​មេ​រិ​ក​ប្រចាំឆ្នាំ​ផង​ដែរ។

ទោះជា​យ៉ាងណា សេចក្តីថ្លែងការណ៍​នេះ​ឲ្យ​ដឹង​ទៀត​ថា ប្រទេស​ចិន​នឹង​ធ្វើ​វិសោធន​កម្ម​លើ​ច្បាប់ និង​វិធានការ ដើម្បី​អនុញ្ញាត​ឲ្យ​មានការ​នាំ​ចូល​ពី​អា​មេ​រិ​ក​បន្ថែម រួម​មាន ការ​ធ្វើ​វិសោធនកម្ម​លើ​ច្បាប់​ប៉ាតង់ ។

តំណាងរាស្ត្រ និង​អ្នកជំនាញ​ផ្នែក​ពាណិជ្ជកម្ម​មួយ​ចំនួន​ព្រួយបារម្ភ​ថា លោក​ត្រាំ អាច​នឹង​ផ្តល់​អាទិភាព​ដល់​ការ​កាត់​បន្ថយ​ឱនភាព​ពាណិជ្ជកម្ម​ច្រើន​ជាង​ការ​រំលោភសិទ្ធិ​កម្មសិទ្ធិបញ្ញា​ដោយ​ប្រទេស​ចិន ៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ