រាជធានីភ្នំពេញ ៖ អ្នកនាំពាក្យគណបក្សប្រជាជនកម្ពុជាលោក សុខ ឥសាន បានការថ្លែងការណ៍របស់ក្រសួងការការបទេសអាមេរិកដើម្បីទាមទារឲ្យរដ្ឋាភិបាលអនុញ្ញាតឲ្យអតីតបក្សប្រឆាំងជាការរំលោភលើអធិបតេយ្យភាពកម្ពុជា ។ ការលើកឡើងរបស់មន្ត្រីអ្នកនាំពាក្យគណបក្សកាន់អំណាចនេះបន្ទាប់ពីក្រសួងការបរទេសសហរដ្ឋអាមេរិកទាមទារឲ្យរដ្ឋាភិបាលអនុញ្ញាតឲ្យបក្សប្រឆាំងចូលរួមបោះឆ្នោតនៅពេលខាងមុខ និងមានការដោះលែងលោក កឹម សុខា អតីតប្រធានគណបក្សសង្គ្រោះជាតិ ។
យោងតាមខ្លឹមសារសេចក្តីថ្លែងការណ៍របស់លោកស្រី Heather Nauert អ្នកនាំពាក្យរបស់ក្រសួងការបរទេសវ៉ាស៊ីនតោន ឌីស៊ីកាលពីថ្ងៃទី១៧ ខែឧសភា ឆ្នាំ២០១៨ បានបញ្ជាក់ថា សហរដ្ឋអាមេរិកសោកស្តាយយ៉ាងខ្លាំងបំផុតចំពោះសេចក្តីសម្រេចរបស់រាជរដ្ឋាភិបាលកម្ពុជាដែលហាមឃាត់អ្នកនយោបាយឈានមុខមកពីគណបក្សសង្គ្រោះជាតិពីការចូលរួមនៅក្នុងការបោះឆ្នោតជាតិនៅខែកក្កដា ឆ្នាំ២០១៨ ។ សេចក្តីសម្រេចនេះរារាំងដល់អ្នកបោះឆ្នោតកម្ពុជារាប់លានអ្នកពីការអនុវត្តសិទ្ធិប្រជាធិបតេយ្យរបស់ពួកគេ ដើម្បីបោះឆ្នោតជ្រើសរើសបេក្ខជនតាមជម្រើសរបស់ពួកគេ និងចោទនូវសំណួរអំពីសុចរិតភាពនៃដំណើរការបោះឆ្នោត ។
អ្នកនាំពាក្យក្រសួងការបរទេសអាមេរិកគូសបញ្ជាក់ថា «យើងទាមទារឲ្យរដ្ឋាភិបាលកម្ពុជាស្តានីតិសម្បទាបេក្ខជនគណបក្សសង្គ្រោះជាតិឡើងវិញជាបន្ទាន់ ។ បន្ថែមលើនេះទៀតដោយរក្សាឲ្យស្របជាមួយសេចក្តីសន្និដ្ឋានកាលពីពេលថ្មីៗរបស់ក្រុមការងាររបស់អង្គការសហប្រជាជាតិ ស្តីពីការឃុំឃាំងតាមទំនើងចិត្ត ដែលថាការដាក់ពន្ធនាគារនៃមេដឹកនាំគណបក្សសង្គ្រោះជាតិ កឹម សុខា គឺជាអំពើតាមទំនើងចិត្ត ដូច្នេះយើងធ្វើការទាមទារសារជាថ្មីរបស់យើងឲ្យមានការដោះលែងរូបលោកជាបន្ទាន់» ។
ទាក់ទិននឹងការសេចក្តីថ្លែងការណ៍របស់ក្រសួងការបរទេសអាមេរិកនេះត្រូវបានលោក សុខ ឥសាន អ្នកនាំពាក្យគណបក្សប្រជាជនកម្ពុជាបានលើកឡើងថា ការធ្វើច្បាប់ដែលហៅថា ដើម្បីដាក់គំនាបមកលើកម្ពុជាតែប៉ុណ្ណោះ ។ លោកថា វាគ្រាន់តែជាការបង្ហាញកាន់តែច្បាស់នូវការកាន់ជើងអាយ៉ងរបស់ខ្លួនដែលប្រព្រឹត្តល្មើសច្បាប់ក្បត់ជាតិប៉ុណ្ណោះ ។ ហើយជាទង្វើរំលោភឯករាជ្យ និងអធិបតេយ្យកម្ពុជាដែលមិនអាចលាក់បាំងបានឡើយ និងជាការជួយអាយ៉ងរបស់ខ្លួន គ្មានប្រសិទ្ធភាព និងវិសាល ភាពមកលើកម្ពុជាជាដាច់ខាត ៕
ចែករំលែកព័តមាននេះ