ទីក្រុងប៉េកាំង ៖ ក្រសួងកសិកម្ម និងកិច្ចការជនបទរបស់ប្រទេសចិន បានកាត់បន្ថយការព្យាកររបស់ខ្លួនសម្រាប់ការនាំចេញពោតចាប់ពីខែតុលា ឆ្នាំ២០១៧ រហូតដល់ខែកញ្ញា ឆ្នាំ២០១៨នេះ ព្រោះតែការផ្គត់ផ្គង់ ។
យោងតាមរបាយការណ៍របស់គណៈ កម្មាធិការទស្សនៈកសិកម្មចិន ដែលជាភ្នាក់ងារប្រឹក្សាក្រោមក្រសួងនេះបានឲ្យដឹងថា ការនាំចេញពោតក្នុងអំឡុងពេលនេះ ត្រូវបានព្យាករថា ស្មើនឹង២០ម៉ឺនតោនប៉ុណ្ណោះ គឺទាបជាង៣០ម៉ឺនតោន ដែលជាការព្យាករកាលពីខែមុន ។
របាយការណ៍នេះបានបន្តថា ទិន្នផលពោតគ្មានតម្រូវការពីក្នុងស្រុកទេ ហើយចំនួននាំចេញ គឺទាបជាងការរំពឹងទុកទៅទៀត ។
ក្នុងអំឡុងពីខែតុលា ឆ្នាំ២០១៨ រហូតដល់ខែកញ្ញា ឆ្នាំ២០១៩ គេគិតថា ទិន្នផលពោតនឹងធ្លាក់ចុះ២,៩%ផងដែរបើធៀបនឹងឆ្នាំមុន មកស្មើតែចំនួន២១០លានតោនប៉ុណ្ណោះ ។
របាយការណ៍នេះបន្ថែមទៀតថា ការធ្លាក់ចុះនេះ គឺជាលទ្ធផលនៃកំណើនការឧបត្ថម្ភធនដល់ផលិតកម្មសណ្តែកសៀង និងគ្រោះរាំងស្ងួតក្នុងតំបន់មួយចំនួននៅប៉ែកឦសានប្រទេសចិន ។
ជាមួយគ្នានេះ តម្រូវការពោតនឹងកើនឡើងវិញ ដោយសារតែកំណើនតម្រូវការចិញ្ចឹមជ្រូក និងសម្រាប់ផ្គត់ផ្គង់ក្នុងផ្នែកឧស្សាហកម្មផងដែរ ៕
ចែករំលែកព័តមាននេះ