គំនិតផ្តួចផ្តើមខ្សែក្រវាត់ និងវិថី ផ្តល់លទ្ធផលឈ្នះឈ្នះ
ទីក្រុងបែរឡាំង ៖ កាលពីចុងខែកុម្ភៈកន្លងមកនេះ សមាគមសភាឧស្សាហកម្ម និងពាណិជ្ជកម្មអាល្លឺម៉ង់ (DIHK) រួមជាមួយ Germany Trade &…
ទីក្រុងបែរឡាំង ៖ កាលពីចុងខែកុម្ភៈកន្លងមកនេះ សមាគមសភាឧស្សាហកម្ម និងពាណិជ្ជកម្មអាល្លឺម៉ង់ (DIHK) រួមជាមួយ Germany Trade &…
ទីក្រុងបែរឡាំង ៖ កាលពីចុងខែកុម្ភៈកន្លងមកនេះ សមាគមសភាឧស្សាហកម្ម និងពាណិជ្ជកម្មអាល្លឺម៉ង់ (DIHK) រួមជាមួយ Germany Trade & Invest បានសហការគ្នាសិក្សាពីគម្រោងខ្សែក្រវាត់ និងវិថី ដែលបានបង្ហាញថា មានថវិកាប្រមាណ៩០០ប៊ីលានដុល្លារបានវិនិយោគលើគម្រោងជាច្រើនតាំងពីឆ្នាំ២០១៣មក ។
យោងតាមការសិក្សា គំនិតផ្តួចផ្តើមនេះបានបង្កើតតំបន់សេដ្ឋកិច្ចដ៏ធំរវាងអាស៊ី និងអឺរ៉ុប ដែលជាកត្តាយ៉ាងសំខាន់សម្រាប់ជំរុញដល់ការធ្វើសកលភាវូបនីយកម្ម ។
គេគិតថា នាពេលអនាគត ក្រុមហ៊ុន COSCO Shipping របស់ប្រទេសចិន នឹងជួយបង្កើតការងារប្រមាណ១២ម៉ឺន៥ពាន់កន្លែងក្នុងតំបន់ផងដែរ ។
នាប៉ុន្មានឆ្នាំមកនេះ ទីក្រុង Duisburg របស់អាល្លឺម៉ង់ បានជួបប្រទះនឹងការលូតលាស់អន់ថយ ប៉ុន្តែដោយសារតែ China Railway Express បានធ្វើឲ្យចំនួនចេញ-ចូលកំពង់ផែក្នុងក្រុងនេះ កើនឡើង៣០%ឯណោះនៅឆ្នាំ២០១៧ ។
លោក Johannes Pflug ទទួលបន្ទុកកិច្ចការប្រទេសចិនក្នុងក្រុង Duisburg បានប្រាប់សារព័ត៌មានស៊ិនហួរថា ការងារផ្នែកដឹកជញ្ជូនប្រមាណ៦ពាន់កន្លែងត្រូវបានបង្កើតឡើង ។
សារព័ត៌មានអឺរ៉ុប និងលោកខាងលិចមួយចំនួនបានបង្ហាញថា គំនិតផ្តួចផ្តើមរបស់ប្រទេសចិននេះ អាចបង្កគ្រោះថ្នាក់ដល់សេដ្ឋកិច្ចរបស់ប្រទេសមួយ ។
ប៉ុន្តែលោក Neven Cveticanin ជំនួយការស្រាវជ្រាវនៅ Institute of Social Sciences of Serbia បានប្រាប់ថា ការវិនិយោគលើហេដ្ឋារចនាសម្ព័ន្ធ និងគម្រោងផ្សេងទៀតក្រោមគំនិតផ្តួចផ្តើមនេះ កំពុងតែផ្តល់អត្ថប្រយោជន៍ដល់ប្រទេសស៊ែប៊ី និងប្រទេសផ្សេងៗនៅអឺរ៉ុប ។
លោកបន្តថា ទំនាក់ទំនងទ្វេភាគីជាមួយប្រទេសចិនបានជួយធ្វើឲ្យសេដ្ឋកិច្ច និងការរស់នៅប្រចាំថ្ងៃរបស់ស៊ែប៊ីកាន់តែល្អប្រសើរឡើង និងផ្តល់ជាឧទាហរណ៍សម្រាប់ប្រទេសនៅអឺរ៉ុបកណ្តាល និងអឺរ៉ុបខាងកើត ឲ្យពង្រឹងកិច្ចសហប្រតិបត្តិការជាមួយប្រទេសចិនផងដែរ ៕
ចែករំលែកព័តមាននេះ