ខេត្តកំពង់ចាម ៖ រថយន្តដឹកដើមដំឡូងមីប្រភេទម៉ាកហ៊ីយ៉ានដាយ ចំណុះ៥តោន ពាក់ស្លាកលេខ ព្រះសីហនុ 3A-3812 បានដាច់ហ្វ្រាំងខណៈបើកចុះពីលើស្ពានគីហ្ស៊ុណាចុះមកត្រើយខាងលិច ក្នុងលឿនលឿន ហើយបុករង្វង់មូលក្បាលស្ពាន…
ខេត្តកំពង់ចាម ៖ រថយន្តដឹកដើមដំឡូងមីប្រភេទម៉ាកហ៊ីយ៉ានដាយ ចំណុះ៥តោន ពាក់ស្លាកលេខ
ព្រះសីហនុ 3A-3812 បានដាច់ហ្វ្រាំងខណៈបើកចុះពីលើស្ពានគីហ្ស៊ុណាចុះមកត្រើយខាងលិច ក្នុងលឿនលឿន ហើយបុករង្វង់មូលក្បាលស្ពាន និងបានបុករះរថយន្ត និងម៉ូតូរងការខូចខាត២គ្រឿង។ ហេតុការណ៍នេះកើតឡើងនៅវេលាម៉ោង៦ និង៣០នាទីល្ងាច ថ្ងៃទី១៥ ឧសភា ២០១៨ ស្ថិតនៅភូមិទី៣ សង្កាត់វាលវង់ ក្រុងកំពង់ចាម។ នេះជាគ្រោះថ្នាក់ដ៏រន្ធត់មួយ ហើយសំណាងណាស់ ដែលមិនមានអ្នកស្លាប់នោះ គ្រាន់តែរបួស២នាក់។ លោកឧត្តមសេនីយ៍ត្រី សោម រស់ ស្នងការរងនគរបាលខេត្ត ទទួលផែនសណ្តាប់ធ្នាប់ប្រាប់ឲ្យដឹងថា នៅពេលមុនកើតហេតុ រថយន្ត បានបើកចេញមកពីខេត្តត្បូងឃ្មុំ ឆ្លងស្ពានគីហ្ស៊ុណាមកកាន់ត្រើយក្រុងកំពង់ចាម ស្របពេលដែលរថយន្តនេះកំពុងតែបើកចុះទួល ក៏ដាច់ហ្វ្រាំងដោយល្បឿនលឿនចុះមកក្រោម ហើយបានបើកបុករង្វង់មូលក្បាលស្ពានពេញទំហឹងដាច់ស៊ីម៉ងត៍ទាំងផ្ទាំង។
លោកឧត្តមសេនីយ៍ត្រី សោម រស់ ស្នងការរងនគរបាលខេត្តប្រាប់បន្តថា រថយន្តបានជ្រុលល្បឿនមក
មុខទៀតបុករះរថយន្តសាំងយ៉ុង១គ្រឿង និងម៉ូតូ២គ្រឿង ហើយបណ្តាលឲ្យស្ត្រី២នាក់បានរងរបួស
បាក់ជើងត្រូវបានបញ្ជូនទៅសង្គ្រោះនៅមន្ទីរពេទ្យខេត្ត។ រថយន្តបង្កធុនធំបានដាច់កង់មុខខាងឆ្វេង
និងបានសង្កត់លើរថយន្តសាំងយ៉ុងដឹកអ្នកដំណើរ ហើយបានជ្រុះដើមដំឡូងរាយប៉ាយថែមទៀត និង
ហាងលក់វ៉ែនតា ហេង ឈីវលាភ អុបទិក សំណាងដែរមិនបានរងការខូចខាតនោះទេ។ បន្ទាប់ពីហេតុ
ការណ៍នេះកើតឡើង រូបលោកបានចុះទៅពិនិត្យដល់កន្លែង ដោយបានឲ្យជំនាញចរាចរណ៍
ដែលប្រចាំការនៅរង្វង់មូលក្បាលស្ពាន ជួយសំរួលចរាចរណ៍មិនឲ្យកកស្ទះនោះទេ។
វត្ថុតាងរថយន្តដឹកដើមដំឡូងនោះ ជំនាញកំពុងតែរកមធ្យោបាយរករថយន្ត មកស្ទូចអូសយករថយន្តមករក្សាទុកនៅអធិការដ្ឋាននគរបាលក្រុងកំពង់ចាម ដើម្បីដោះស្រាយតាមច្បាប់។ ហើយព្រូបើកបររថយន្តម្នាក់ត្រូវបា
នសមត្ថកិច្ចធ្វើការឃាត់ខ្លួនផងដែរ។ សូមបញ្ជាក់ថា នាពេលកន្លងមកត្រង់កន្លែងកើតហេតុនេះ ធ្លាប់មានរថយន្តធុនធំបានដាច់ហ្វ្រាំងបុកបុរសអ្នករត់ម៉ូតូឌុបម្នាក់ ដែលអង្គុយរងចាំឌុបម៉ូយ នៅរង្វង់មូលក្បាលស្ពានគីហ្ស៊ុណាបណ្តាលឲ្យស្លាប់ ហើយបន្ទាប់មកមានគ្រោះថ្នាក់បន្តបន្ទាប់ រថយន្តបុកស្លាប់ និងរបួសជាហូរហែ សុទ្ធតែជាករណីរថយន្តដាច់ហ្វ្រាំងដូចគ្នា៕
https://youtu.be/9-wtuBu6vl0
ចែករំលែកព័តមាននេះ