ជំហានដែលអារ៉ាប៊ីសាអូឌីតបានឆ្លងកាត់មុនឡើងមកដល់វគ្គជម្រុះតាមពូលនេះ ហាក់ដូចជាជួបឧបសគ្គយ៉ាងច្រើន ប៉ុន្តែពួកគេនៅតែតស៊ូរហូតទទួលបានជ័យជម្នះ ដោយប្រកួតឈ្នះថៃ អារ៉ាប់រួម និងអុីរ៉ាក់នៅវគ្គជម្រុះបឋមក្នុងទ្វីបអាស៊ី ។ អារ៉ាប៊ីសាអូឌីតបានបង្ហាញខ្លួនលើឆាកអន្តរជាតិក្នុងព្រឹត្តិការណ៍ដ៏ធំនេះចំនួន៤លើកមកហើយនៅឆ្នាំ១៩៩៤, ១៩៩៨, ២០០២…
ជំហានដែលអារ៉ាប៊ីសាអូឌីតបានឆ្លងកាត់មុនឡើងមកដល់វគ្គជម្រុះតាមពូលនេះ ហាក់ដូចជាជួបឧបសគ្គយ៉ាងច្រើន ប៉ុន្តែពួកគេនៅតែតស៊ូរហូតទទួលបានជ័យជម្នះ ដោយប្រកួតឈ្នះថៃ អារ៉ាប់រួម និងអុីរ៉ាក់នៅវគ្គជម្រុះបឋមក្នុងទ្វីបអាស៊ី ។ អារ៉ាប៊ីសាអូឌីតបានបង្ហាញខ្លួនលើឆាកអន្តរជាតិក្នុងព្រឹត្តិការណ៍ដ៏ធំនេះចំនួន៤លើកមកហើយនៅឆ្នាំ១៩៩៤, ១៩៩៨, ២០០២ និង២០០៦ តែពួកគេខកខានវិញ២រដូវកាលជាប់គ្នាក្នុងឆ្នាំ២០១០ និង២០១៤ ។
យ៉ាងណាមិញ លទ្ធផលគាប់ប្រសើរសម្រាប់ក្រុមជម្រើសជាតិមួយនេះ គឺបានត្រឹមឡើងដល់វគ្គ១៦ក្រុមចុងក្រោយប៉ុណ្ណោះកាលពីឆ្នាំ១៩៩៤ ដោយចាញ់ស៊ុយអែតក្នុងលទ្ធផល១ទល់នឹង៣ ខណៈការបង្ហាញខ្លួន៣លើកផ្សេងទៀតត្រូវធ្លាក់ចេញតាំងពីវគ្គជម្រុះតាមពូលមកម៉្លេះ ។ បច្ចុប្បន្ននេះ អារ៉ាប៊ីសាអូឌីតឈរនៅចំណាត់ថ្នាក់លេខ ៦៣របស់ FIFA ។
ក្តីរំពឹង ៖ បើទោះជាអារ៉ាប៊ីសាអូឌីត បានវិលមកចូលរួមប្រកួត World Cup រដូវកាលនេះជាមួយនឹងភាពរីកចម្រើននៃក្រុមជម្រើសជាតិរបស់ខ្លួនក្តី ក៏ពួកគេត្រូវប្រឈមព្យុះភ្លៀងជាច្រើនទៀតផងដែរ ។ ក្តីបារម្ភនៅតែកើតមានចំពោះប្រទេសមកពីទ្វីបអាស៊ីមួយនេះ ដោយសារតែពួកគេស្ថិតក្នុងពូល A ជាមួយម្ចាស់ផ្ទះរុស្ស៊ី អេហ្ស៊ីប និងអ៊ុយរូហ្គាយ ។ ទន្ទឹមនឹងនេះ អារ៉ាប៊ីសាអូឌីត ពុំទាន់មានកីឡាកររូបណាមានសមត្ថភាពបានចូលរួមប្រឡូកនៅតំបន់អឺរ៉ុបនៅឡើយទេ ។
គ្រូបង្វឹក ៖ មុននឹងចូលខ្លួនមកបង្វឹកក្រុមជម្រើសជាតិអារ៉ាប៊ីសាអូឌីត លោក Juan Antonio Pizzi ធ្លាប់ដឹកនាំក្រុមស៊ីលីឱ្យគ្រងជើងឯកពានរង្វាន់អាមេរិកខាប់Copa America Centenario ២០១៦ និងរងជើងឯកពានរង្វាន់ Confederations Cup ២០១៧ ។ ដោយមើលឃើញពីសមត្ថភាពដ៏ប៉ិនប្រសប់របស់លោក Pizzi សហព័ន្ធកីឡាបាល់ទាត់អារ៉ាប៊ីសាអូឌីតក៏បានសម្រេចតែងតាំងជាគ្រូបង្គោលក្រុមជម្រើសជាតិនៅឆ្នាំ២០១៧ តែម្ដង ។ ក្នុងវ័យ៤៩ឆ្នាំ លោក Pizzi ក៏ជាអតីតខ្សែប្រយុទ្ធក្លិប Barcelona ផងដែរអំឡុងឆ្នាំ១៩៩៦-១៩៩៨ ដោយបង្ហាញខ្លួន៤៨ប្រកួត និងស៊ុតបាន១១គ្រាប់ ។
កីឡាករ Super Star ប្រចាំក្រុម ៖ បន្ទាប់ពីស៊ុតបាន១៦គ្រាប់ឱ្យក្រុមជម្រើសជាតិក្នុងការប្រកួតជម្រុះតាមតំបន់ World Cup 2018 នេះរួចមក កីឡាករ Mohammad Al-Sahlawi ត្រូវបានអ្នកគាំទ្រចាត់ទុកជាខ្សែប្រយុទ្ធមុតស្រួចមួយរូបប្រចាំប្រទេស ។ តារាឆ្នើមវ័យ៣១ឆ្នាំរូបនេះ ចូលរួមលេងក្នុងឈុតធំនៅឆ្នាំ២០១០ ដោយបង្ហាញខ្លួន៣៦លើក ស៊ុតបាន២៨គ្រាប់ រីឯការលេងនៅក្លិប Al-Nassr ចំនួន១៧៤ដង Al-Sahlawi រកបាន១០២គ្រាប់ ។
បញ្ជីឈ្មោះសមាសភាពកីឡាករសរុប (បណ្តោះអាសន្ន) ៖
-អ្នកចាំទី ៖ Abdullah Al-Mayouf (Al-Hilal), Al Mosailem និង Mohammed Al-Owais (Al-Ahli), Fawaz Al-Qarni (Al-Ittihad) ។
-ខ្សែការពារ ៖ Mansoor Al-Harbi, Saeed Al Mowalad និង Motaz Hawsawi (Al-Ahli), Osama Hawsawi, Mohammed Al-Breik, Mohammed Jahfali និង Ali Al Bulaihi (Al-Hilal), Omar Hawsawi (Al-Nassr) ។
-ខ្សែបម្រើ ៖ Salman Al-Faraj, Abdulmalek Al-Khaibri, Abdullah Otayf, Nawaf Al-Abed និង Mohamed Kanno (Al-Hilal), Hattan Bahebri និង Abdullah Al-Khaibari (Al-Shabab), Mohammed Al-Kwikbi (Al-Ettifaq), Ibrahim Ghaleb (Al-Nassr), Salem Al-Dawsari (Villarreal) ។
-ខ្សែប្រយុទ្ធ ៖ Haroune Camara (Al-Qadsiah), Mohammad Al-Sahlawi (Al-Nassr), Muhannad Assiri (Al-Ahli), Nasser Al-Shamrani (Al-Shabab), Mojahed Al-Munee និងMukhtar Fallatah (Al-Hilal) ៕
ចែករំលែកព័តមាននេះ