ខេត្តសៀមរាប ៖ តាមសេចក្តីរាយការណ៍ឲ្យដឹងថា កាលពីវេលាម៉ោង៦ព្រឹក ថ្ងៃទី១៤ ឧសភា ២០១៨នេះ មានករណីប្រជាពលរដ្ឋប្រទះឃើញសាកសពស្ត្រីម្នាក់ដេកស្លាប់ត្រង់ចំណុចក្បែរជើងភ្នំតាប៉ែន ខាងកើតភូមិដំណាក់ដំរី ឃុំស្លែងស្ពាន…
ខេត្តសៀមរាប ៖ តាមសេចក្តីរាយការណ៍ឲ្យដឹងថា កាលពីវេលាម៉ោង៦ព្រឹក ថ្ងៃទី១៤ ឧសភា ២០១៨នេះ មានករណីប្រជាពលរដ្ឋប្រទះឃើញសាកសពស្ត្រីម្នាក់ដេកស្លាប់ត្រង់ចំណុចក្បែរជើងភ្នំតាប៉ែន ខាងកើតភូមិដំណាក់ដំរី ឃុំស្លែងស្ពាន ស្រុកស្រីស្នំ ខេត្តសៀមរាប។ ជនរងគ្រោះឈ្មោះ ស៊ុន នាង ភេទស្រី អាយុ២៦ឆ្នាំ មុខរបរជានារីខារ៉ាអូខេ យីហោ(កម្សាន្តរីករាយ) នៅភូមិជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប។
តាមការសន្និដ្ឋាន របស់សមត្ថកិច្ចជំនាញ ជំហានដំបូងថា ជនរងគ្រោះស្លាប់ដោយអំពើឃាតកម្ម ព្រោះសាកសពមានស្លាកស្នាម ត្រូវជនសង្ស័យសម្លាប់ដោយរឹតក រងរបួសបែកក្បាល អាចវាយនឹងវត្ថុរឹង។ ករណីឃាតកម្មខាងលើនេះ សមត្តកិច្ចបានកំណត់មុខសញ្ញារួចហើយមានឈ្មោះ ម៉ៅ សុថៃ ភេទប្រុស អាយុប្រហែល៣០ឆ្នាំ មុខរបរបើកឡានដឹកដី មានស្រុកកំណើតស្រុកគៀនស្វាយ ខេត្តកណ្តាល (កំពុងរត់គេចខ្លួន)៕
ចែករំលែកព័តមាននេះ