ចាប់បានហើយ! ជនសង្ស័យលួ.ចទូរស័ព្ទ និងប្រាក់ ក្នុងភូមិសាស្ត្រក្រុងព្រះសីហនុ
- ព្រះសីហនុ
ខេត្តព្រះសីហនុ ៖ កាលពីថ្ងៃទី០៩ ខែមិថុនា ឆ្នាំ២០២៥ វេលាម៉ោង១២និង៥១នាទី មានករណីជនសង្ស័យ ២នាក់ (ជនជាតិឥណ្ឌូនេស៊ី) បន្លំលួចប្រាក់ចំនួន…
ខេត្តព្រះសីហនុ ៖ កាលពីថ្ងៃទី០៩ ខែមិថុនា ឆ្នាំ២០២៥ វេលាម៉ោង១២និង៥១នាទី មានករណីជនសង្ស័យ ២នាក់ (ជនជាតិឥណ្ឌូនេស៊ី) បន្លំលួចប្រាក់ចំនួន ៤០០ ដុល្លារ លុះនៅថ្ងៃទី១១ ខែមិថុនា បានបន្តសកម្មភាពលួចទូរស័ព្ទចំនួន ៣គ្រឿងពីហាងលក់គ្រឿងក្រអូប ក្នុងភូមិ១ សង្កាត់លេខ៣ ក្រុងព្រះសីហនុ ។
ក្រោយពីបានទទួលបានពាក្យបណ្តឹង កម្លាំងសមត្ថកិច្ច បានស្រាវជ្រាវឃាត់ខ្លួនជនសង្ស័យទាំង២នៅកាស៊ីណូត្រាយម៉ូលា ហើយពួកគេបានសារភាពថា ពួកគេបានលួចសម្ភារៈសរុប ៦លើក ចាប់ពីខែឧសភា ដល់ថ្ងៃទី១១ មិថុនា ២០២៥ ។
អត្តសញ្ញាណជនសង្ស័យ៖
១.BARQI JAKA PANGARSA អាយុ ២៥ឆ្នាំ
២.TB RAYAN HERLAMBANG អាយុ ២៧ឆ្នាំ
(ទាំងពីរជាជនជាតិឥណ្ឌូនេស៊ី កាន់លិខិតឆ្លងដែន និងជាបុគ្គលិកកុំព្យូទ័រ) ។
វត្ថុតាងដកហូតបាន៖
-ម៉ូតូ ១គ្រឿង (Zoomer-X ពណ៌បៃតងខ្ចី)
-ទូរស័ព្ទចំនួន ៥គ្រឿង
-កាតរឹង និងសម្ភារៈផ្សេងៗ
-លិខិតឆ្លងដែន ២ក្បាល
ចំពោះសម្ភារៈបានប្រគល់ជូនម្ចាស់វិញហើយ ចំណែកជនសង្ស័យត្រូវបានបញ្ជូនទៅសាលាដំបូងខេត្ត ដើម្បីចាត់ការតាមច្បាប់ ។
សូមអរគុណប្រជាពលរដ្ឋសហការជាមួយសមត្ថកិច្ច និងសូមបន្តជួយជម្រាបព័ត៌មានទាក់ទងបទល្មើស ដើម្បីរក្សាសន្តិសុខសាធារណៈជារួម ៕
ចែករំលែកព័តមាននេះ