តាមប្រភពព័ត៌មាន The Sun បានឲ្យដឹងថា កីឡាករបាល់ទាត់ថ្លៃជាងគេក្នុងប្រវត្តិសាស្ត្រ Neymar Jr បានបង្ហោះរូបរបស់ខ្លួនពាក់អាវថ្មីរបស់ PSG ដែលនេះបង្ហាញឲ្យឃើញពីការបន្តនៅក្លិបនេះនៅរដូវកាលក្រោយ ។ ថ្វីត្បិតតែបែបនេះក៏ដោយ Real Madrid នៅតែមានសង្ឃឹមយក Neymar លេងនៅក្លិបរបស់ខ្លួន ព្រោះថា Neymar ក៏ធ្លាប់ពាក់អាវថ្មីរបស់ Barcelona ហើយចេញពីក្លិបភ្លាមៗផងដែរ ។
Neymar បានបង្ហោះរូបចូលក្នុង Twitter ជាមួយនឹងអាវថ្មីរបស់ក្លិបអ្នកមានបារាំងសម្រាប់រដូវកាល 2018-2019 ។ ជាមួយគ្នានឹងរូបនោះ Neymar បានសរសេរថា «មោទនភាពចំពោះការពាក់អាវថ្មី និងបន្តភាពសប្បាយតទៅទៀត» ។
ការបង្ហោះបែបនេះអាចឲ្យមនុស្សមួយចំនួនគិតថា Neymar នឹងបន្តនៅក្លិបនេះ១០០%ហើយ ។ តែបើយោងតាមអតីតកាលកន្លងផុតទៅបាន១ឆ្នាំនេះគឺឃើញថា Neymar ក៏ធ្លាប់ធ្វើជាម៉ូដែលពាក់អាវថ្មីរបស់ Barcelona ទោះបីជាដឹងថាចេញពីក្លិបក៏ដោយ ។
សម្រាប់ Real Madrid គឺនៅតែមានសង្ឃឹម ។ ម្ចាស់ក្លិបអធិរាជសលោក Florentino Perez តែងតែចង់បាន Neymar មកលេងនៅក្លិបរបស់លោក ។ គេគឺជាកីឡាករម្នាក់ដែល Real Madrid គិតថា សំខាន់សម្រាប់ការទិញចូល ។ តើ Neymar អាចនឹងធ្វើដាក់ PSG ដូចនឹងកាលដែលធ្វើដាក់ Barcelona ដែរឬទេ?
ចែករំលែកព័តមាននេះ