ស្លា.ប់២នាក់ទៀតហើយ និងរបួស៣នាក់ក្នុងករណីនេះ
- ឧត្តរមានជ័យ
ខេត្តឧត្តរមានជ័យ ៖ មានករណីរន្ទះបាញ់មនុស្ស២នាក់ បានស្លាប់បាត់បង់ជីវិតនៅនឹងកន្លែងភ្លាមៗ និង៣នាក់ទៀតរងរបួស កាលពីវេលាម៉ោង៣រសៀល ថ្ងៃទី១៣ ខែឧសភា ឆ្នាំ២០១៨ ។…
ខេត្តឧត្តរមានជ័យ ៖ មានករណីរន្ទះបាញ់មនុស្ស២នាក់ បានស្លាប់បាត់បង់ជីវិតនៅនឹងកន្លែងភ្លាមៗ និង៣នាក់ទៀតរងរបួស កាលពីវេលាម៉ោង៣រសៀល ថ្ងៃទី១៣ ខែឧសភា ឆ្នាំ២០១៨ ។ ហេតុការណ៍នេះកើតឡើងនៅចំណុចវាលស្រែ ស្ថិតនៅក្នុងភូមិត្បែងចាស់ ឃុំអម្ពឹល ស្រុកបន្ទាយអម្ពឹល ខេត្តឧត្តរមានជ័យ ។
ជនរងគ្រោះដោយរន្ទះបាញ់ទី១- ឈ្មោះ សុង ម៉ៅ ភេទប្រុស អាយុ៣២ឆ្នាំ ទី២- ឈ្មោះ ឈៀត ជួប ភេទប្រុស អាយុ២៥ឆ្នាំ បានស្លាប់បាត់បង់ជីវិតនៅនឹងកន្លែងកើតហេតុ ។ ចំណែកអ្នករងរបួស៣នាក់ទី១- ឈ្មោះឈៀត ណាន់ ភេទប្រុស អាយុ១៥ឆ្នាំ រងរបួស ទី២- ឈ្មោះ សែ ឈៀត ភេទប្រុស អាយុ៥៧ឆ្នាំ រងរបួសត្រូវជាឪពុករស់នៅក្នុងភូមិឃុំកើតហេតុខាងលើ ដោយឡែកម្នាក់ទៀតឈ្មោះ ម៉ោញ ម៉េត ភេទប្រុស អាយុ៣១ឆ្នាំ រស់នៅភូមិគោកឪឡោក ឃុំអម្ពឹល ស្រុកបន្ទាយអម្ពឹល រងរបួស ។
យោងតាមសម្តីក្រុមគ្រួសារជនរងគ្រោះបានឱ្យដឹងថា មុនពេលកើតហេតុជនរងគ្រោះទាំង៥នាក់បានចេញពីផ្ទះទៅភ្ជួរដីស្រែចម្ការកាលពីព្រឹកថ្ងៃទី១៣ ខែឧសភា ឆ្នាំ២០១៨ ហើយនូវរសៀល ស្រាប់តែមានទឹកភ្លៀងធ្លាក់មួយមេលាយឡំទៅដោយផ្លេកបន្ទោលយ៉ាងខ្លាំង ហើយនាំគ្នាទៅជ្រោកនៅក្រោមដើមឈើ ស្រាប់តែរន្ទះបាញ់ត្រូវមនុស្សស្លាប់២ និងរងរបួស៣នាក់ ក្រោយមកក្រុមគ្រួសារបានរាយការណ៍ទៅឱ្យប៉ូលិសអធិការស្រុកបន្ទាយអម្ពឹលចុះធ្វើការត្រួតពិនិត្យ ។
លោកវរសេនីយ៍ឯកហម ភិរម្យ អធិការស្រុកបន្ទាយអម្ពឹលបានឱ្យដឹងថា ក្រោយពីបានទទួលនូវព័ត៌មានរាយការណ៍ពីក្រុមគ្រួសារជនរងគ្រោះ លោកបានចាត់កម្លាំងជំនាញនឹងធ្វើការសហការណ៍មូលដ្ឋានចុះទៅធ្វើកោសល្យវិច្ច័យនៅនឹងកន្លែងកើតហេតុឃើញថា ជនរងគ្រោះពិតជាត្រូវរន្ទះបាញ់ស្លាប់ពិតប្រាកដមែន ។ ចំណែកអ្នករងរបួសខាងសាច់ញាតិនាំទៅសង្គ្រោះនៅឯមន្ទីរពេទ្យបន្ទាយមានជ័យ រីឯសពសមត្ថកិច្ចបានប្រគល់ទៅឱ្យក្រុមគ្រួសារធ្វើបុណ្យទៅតាមប្រពៃណី ។
លោកបានបន្តទៀតថា ក្រោយពីកើតហេតុលោកបានរាយការណ៍ទៅស្នងការនៃស្នងការដ្ឋាននគបាលខេត្ត ភ្លាមៗនោះលោកឃឹន ញានអភិបាលរងខេត្តលោកហាំង មេង អភិបាលស្រុកបន្ទាយអម្ពឹលបានដឹកនាំមន្ត្រីរាជការ និងមន្ត្រីកាកបាទក្រហមខេត្តឧត្តរមានជ័យនាំយកអំណោយមកជួយឧបត្ថម្ភដល់គ្រួសារសពទាំង២ដោយគ្រួសារនៃសពម្នាក់ទទួលបានអង្កចំនួន៥០គីឡូក្រាម មី២កេស ទឹកស៊ីអ៊ីវចំនួន២យួរ រួមទាំង(ថវិកា)ចំនួន១៥០ដុល្លារអាមេរិក ៕
ចែករំលែកព័តមាននេះ